Obrazy na stronie
PDF
ePub

. Dominus vobiscum. R. Et cum spiritu tuo.

OREMUS.

Deus, qui filios Israel per maris medium sicco vestigio ire fecisti, quique tribus Magis iter ad te, stella duce, pandisti; tribue nobis, quæsumus, iter prosperum, tempusque tranquillum; ut Angelo tuo sancto comite, ad eum quo pergimus locum, ac demum ad æternæ salutis portum pervenire feliciter valeamus.

Deus, qui Abraham puerum tuum de Ur Chaldæorum eductum, per omnes suæ peregrinationis vias illæsum custodisti, quæsumus, ut nos famulos tuos custodire digneris; esto nobis, Domine in procinctu suffragium, in via solatium, in æstu umbraculum, in pluvia et frigore tegumentum, in lassitudine vehiculum, in adversitate præsidium, in lubrico baculus, in naufragio portus; ut, te duce, quo tendimus, prospere perveniamus, et demum incolumes ad propria redeamus.

Adesto, quæsumus Domine, supplicationibus nostris, et viam famulorum tuorum in salutis tuæ prosperitate dispone; ut inter omnes viæ et vitæ hujus varietates tuo semper protegamur auxilio.

Præsta, quæsumus omnipotens Deus, ut familia tua per viam salutis incedat, et beati Joannis præcursoris hortamenta sectando, ad eum quem prædixit, secura perveniat, Dominum nostrum Jesum Christum Filiam tuum, qui tecum vivit et regnat in unitate Spiritus sancti Deus, per omnia sæcula sæculorum. R. Amen.

Tum dicit Pontifex :

*. Procedamus cum pace. R. In nomine Domini. Et discedunt.

ORDO AD RECIPIENDUM

PROCESSIONALITER PRÆLATUM, VEL LEGATUM.

Cum Prælatus, vel Legatus, civitatem aliquam, vel oppidum insigne est ingressurus, processio Cleri ex more loci ordinata cum Cruce procedit illi obviam extra portam urbis, et cum Legatus, sive Prælatus, advenerit, Prælatus ejus loci indu tus amictu, stola, pluviali et mitra pretiosis, sive primam dignitatem habens, indutus superpelliceo et pluviali pretioso, offert venienti crucem osculandam, quam Legatus seu Prælatus ex equo, vel, si maluerit, descendens in terram super tapetem stratum genuflexus devote osculatur. Tum, si intrans est Episcopus, vel major, aut Presbyter vel Episcopus Cardinalis, Cantores incipiunt et prosequuntur Antiphonam:

Sacerdos, et Pontifex, et virtutum opifex, pastor bone in populo, sic placuisti Domino.

Vel dicatur Responsorium.

Ecce Sacerdos magnus, qui in diebus suis placuit Deo. Ideo jurejurando fecit illum Dominus crescere in plebem suam. v. Benedictionem omnium gentium dedit illi, et testamentum suum confirmavit super caput ejus. Ideo. Gloria. Ideo.

*

Si vero Legatus recipiendus sit Diaconus Cardinalis, cantatur Responsorium:

[ocr errors]

Fidelis namque, et prudens dispensator in magni patrisfamilias domo constitutus erat; Ut conservis suis mensuram, tritici erogaret. v. Pro salute et augmento gregis sibi commissi cura pervigili sollicitus erat. * Ut.

Si autem duo vel plures reciperentur Legati, etiam si non essent Episcopi, vel Presbyteri Cardinales, cantatur Antiphona.

Vos estis cives Sanctorum, et domestici Dei, superædificati supra fundamentum Apostolorum et Prophetarum.

In porta autem urbis consueverunt Magistratus illius obviare Legato, vel Prælato primo intranti, ac illum benigne suscipere, et associare, ac baldachinum super eum deferre. Incepta Antiphona, processio, quæ locum habere debet immediate ante crucem Prælati, nisi intersint Canonici Cathedralis, Ecclesiæ, Ordine suo progreditur, et cantantur post dictas Antiphonas, seu Responsoria, alia Cantica, vel Hymni, prout magis placebit, usque ad Ecclesiam majorem, seu principalem loci. Si vero processioni intersint Canonici Ecclesia Cathedralis, illi soli possunt ire post crucem Legati immediate ante eum. Equitantes vero omnes equitare debent ante processionem; togati vero debent Legatum, seu Prælatum sequi. Cum Prælatus, seu Legatus descenderit, et intra portam majoris seu principalis Ecclesiæ, Prælatus Ecclesiæ, seu majorem dignitatem habens, indutus, ut supra, detecto capite offert illi aspersorium cum aqua benedicta, quod Prælatus, seu Legatus accipiens aspergit primo seipsum, deinde alios. Tum idem Prælatus Ecclesiæ, seu primam dignitatem habens, offert ei naviculam, aliquo alio Sacerdote superpelliceo induto thuribulum porrigente, et Legatus, seu Prælatus imponit incensum, et statim Prælatus Ecclesiæ, seu dignitatem habens, incensat ipsum Prælatum, seu Legatum stantem cooperto capite, more consueto. Deinde procedunt ad altare majus Ecclesiæ, et ibi super faldistorio ante infimum gradum altaris paralo procumbit, et orat Prælatus, seu Legatus. Interim vero Prælatus Ecclesiæ, seu

dignitatem majorem habens, stans in cornu Epistolæ altaris versus ad orantem, detecto capite, dicit: *. Protector noster aspice Deus. R. Et respice in faciem Christi tui.

Cum omnibus sequentibus, si receptus sit Prælatus, aut Legatus, Episcopus vel Presbyter Cardinalis. Si vero sit Diaconus Cardinalis, omisso Versu præcedente, dicit sequentes tantum :

. Salvum fac servum tuum. R. Deus meus, sperantem in te.

*. Mitte ei, Domine, auxilium de sancto. R. Et de Sion tuere eum.

*. Nihil proficiat inimicus in eo. . Et filius iniquitatis non apponat nocere ei.

. Domine, exaudi orationem meam. R. Et clamor meus ad te veniat.

. Dominus vobiscum. . Et cum spiritu tuo.

OREMUS.

Omnipotens sempiterne Deus, qui facis mirabilia magna solus, prætende super hunc famulum tuum, et cunctas congregationes illi commissas Spiritum gratiæ salutaris, et, ut in veritate tibi complaceat, perpetuum ei rorem tuæ benedictionis infunde. Per Christum Dominum nostrum. B. Amen.

His dictis, Cantores cantant aliquam Antiphonam eis magis placentem de Sancto Patrono Ecclesia cum Versiculo de eodem Sancto. Et cum dicitur Versiculus, surgens Prælatus vel Legatus ascendit ad altare, osculaturque illud in medio; deinde procedit ad cornu Epistolæ, ubi stans, ad ipsum altare versus, cantat Orationem de dicto Sancto; deinde ad medium altaris revertitur, ubi stans dat benedictionem solemnem populo, dicens: Sit nomen Domini benedictum etc.

Qua data, facit promulgari per unum ex suis, sive ex beneficiatis Ecclesiæ indulgentias, quas ipse interessentibus concedit; deinde Prælatus Ecclesiæ, et alii, dimissis paramentis, associant illum usque ad diversorium suum. Cum vero novus Prælatus primo ad Ecclesiam suam veniens recipitur, loco Orationis prædicla Omnipotens sempiterne Deus etc., dicitur sequens Oratio.

OREMUS.

Deus, omnium fidelium pastor et rector, famulum tuum N. quem Ecclesiæ tuæ præesse voluisti, propitius respice; da ei, quæsumus, verbo et exemplo, quibus præest, proficere, ut ad vitam una cum grege sibi credito perveniat sempiternam. Per Christum Dominum nostrum. R. Amen.

ORDO AD VISITANDAS PAROCHIAS.

Pontifex visitaturus Diœcesim, et Parochias suas, cum ad civitatem seu oppida sua Diocesis pervenerit, recipitur processionaliter eo ordine, prout supra in receptione Prælati seu Legati, dictum est. Hoc solo dempto, quod loco Orationis

Omnipotens sempiterne Deus, qui facis mirabilia magna etc., seu Deus omnium etc., ipso Prælato ante altare in faldistorio genua flectente, dicitur sequens Oratio :

OREMUS.

Deus, humilium visitator, qui eos paterna dilectione consolaris, prætende societati nostræ gratiam tuam; ut per eos, in quibus habitas, tuum in nobis sentiamus adventum. Per Christum Dominum nostrum. R. Amen.

« PoprzedniaDalej »