368 DE BENedictione et TRADITIONE vexilli belLICI. et certa fiducia victoriæ. Tu enim es Deus, qui conteris bella, et cœlestis præsidii sperantibus in te præstas auxilium. Per unicum Filium tuum, Christum Dominum nostrum, qui tecum vivit et regnat in unitate Spiritus sancti Deus, per omnia sæcula sæculorum. . Amen. Deinde aspergit Vexillum aqua benedicta. Tum sedens, accepta mitra, genuflexo coram eo illo, cui Vexillum tradendum est, consignat ei ipsum Vexillum, dicens: Accipe Vexillum cœlesti benedictione sanctificacatum, sitque inimicis populi Christiani terribile, et det tibi Dominus gratiam, ut ad ipsius nomen et honorem, cum illo hostium cuneos potenter penetres incolumis et securus. Deinde dat ei osculum pacis, dicens : Pax tibi. Qui, accepto Vexillo, osculatur manus Pontificis, surgit, et discedit. FINIS SECUNDÆ PARTIS. PARS TERTIA. DE PUBLICATIONE FESTORUM MOBILIUM IN EPIPHANIA DOMINI. In Epiphania Domini, cantato Evangelio, Archidiaconus, sive aliquis Canonicus, vel benefi ciatus, aut alius, juxta consuetudinem loci, pluviali paratus, ascendet ambonem, vel pulpitum, et ibidem, vel in alio loco ubi cantari solet Evangelium, e vetusto Ecclesiæ sanctæ instituto, publicabit Festa mobilia anni currentis juxta infrascriptam formulam, et diem Synodi diocesana suo loco promulgabit, licet in formula infrascripta Dominica secunda post Pascha notata sit. Noveritis, fratres charissimi, quod annuente Dei misericordia, sicut de Nativitate Domini nostri Jésu Christi gavisi sumus, ita et de Resurrectione ejusdem Salvatoris nostri gaudium vobis annuntiamus. Die prima (vel alia, prout occurrit.) (Januarii vel Februarii) erit Dominica in Septuagesima. Vigesima (vel alia quæ occurrit, uti et in sequentibus.) (Februarii, Martii, ejusdem,) dies Cinerum, et initium jejunii sacratissimæ Quadragesimæ. (Martii, Aprilis,) sanctum Pascha Domini nostri Jesu Christi cum gaudio celebrabitis. Dominica secunda post Pascha, diocesana Synodus habebitur.(Aprilis, Maii, Junii,) erit Ascensio Domini nostri Jesu Christi. (Maii, Junii, ejusdem,) Festum Pentecostes. (Ejus dem Junii,) Festum sacratissimi Corporis Christi. (Novembris, Decembris,) Dominica prima Adventus Domini nostri Jesu Christi, cui est honor et gloria, in sæcula sæculorum. Amen. DE EXPULSIONE PUBLICE POENITENTIUM AB ECCLESIA, IN FERIA QUARTA CINERUM. In capite Quadragesima solemniter pœnitentes de Ecclesia ejiciuntur hoc modo: Pænitentes, quibus secundum jus vel consuetudinem, pro gravioribus criminibus solemnis pœnitentia est imponenda, hac die, hora quasi tertia, conveniunt ad Ecclesiam Cathedralem, in vilibus vestimentis, nudis pedibus, et vultibus ad terram demissis, quorum nomina scribi debent; accipientes pœnitentiam juxta modum culpæ ab Episcopi Pœnitentiario, vel ab aliis quibus hoc offcium commissum est; et postea omnes emittuntur, et manent ante fores Ecclesia. Pontifex interim, dicta sexta, si non sit celebraturus, paratur supra rochetum (vel, si sit regularis, supra superpelliceum) amictu, alba, cingulo, stola, pluviali violaceis, mitra simplici, et baculo Pastorali. Si autem Pontifex est celebraturus, dum dicitur Nona, more solito accipit sandalia, et cætera paramenta Pontificalia, usque ad dalmaticam inclusive, et desuper pluviale coloris violacei, et mitram simplicem; et benedicit cineres, atque imponit. Quibus peractis, Pontifex cum ministris, schola, et toto Clero, cruce, aqua benedicta, et luobus cereis præcedentibus, egreditur chorum circa medium Ecclesiæ, ubi parata sit sedes. Tunc Clerus dividitur per duos choros, hinc, inde versus, valvas Ecclesiæ. Pænitentes vero omnes ingressi prosternunt se cum lacrymis in Ecclesiæ pavimento coram Pontifice inter utrumque chorum. Tunc Pontifex sedens cum mitra, vel Archipresbyter stans, imponit cineres super capita singulorum dicens : Memento, homo, quia pulvis es, et in pulverem reverteris age pœnitentiam, ut habeas vitam æter nam. Et unus ex Canonicis aspergit eos aqua benedicta. Postea Pontifex stans, deposita mitra, benedicit cilicia, in hunc modum : * Adjutorium nostrum in nomine Domini. R. Qui fecit cœlum et terram. *. Domine exaudi orationem meam. R. Et clamor meus ad te veniat. *. Dominus vobiscum. R. Et cum spiritu tuo. OREMUS. Omnipotens et misericors Deus, qui peccatoribus pietatis tuæ misericordiam quærentibus hoc indumento vestitis, misericordiam tuam et veniam tribuisti, obsecramus clementiam tuam, ut hoc indumentum, quod vocatur cilicium, bene † dicere, et sanctificare digneris; ut quicumque eo pro peccatis suis indutus fuerit, et misericordiam tuam imploraverit, veniam et indulgentiam tuæ sanctæ misericordiæ consequatur. Per Christum Dominum nostrum. R. Amen. Aspergantur aqua benedicta. Benedictis ciliciis, Pontifex capita eorum cooperit cum eis, di cens: Apud Dominum misericordia est, et apud Deum redemptio; ita enim lapsis hominibus subvenit, non solum per Baptismi, et Confirmationis gratiam, sed etiam per Pœnitentiæ medicinam, ut spiritus humanus vita reparetur æterna. . Deo gratias. Quo facto, Pontifex incipit Antiphonam: Ne reminiscaris, Domine, dilecta nostra, vel parentum nostrorum; neque vindictam sumas de peccatis nostris, Domine Deus noster. Et super faldistorium accumbit, et ministri, et totus populus, et pœnitentes prosternunt se in terram, et pro ipsorum pœnitentium absolutione dicunt septem Psalmos Pœnitentiales alternatim: prout supra habetur, pag. 106. Deinde repetitur Antiphona. Ne reminiscaris, Domine, delicta nostra, vel parentum nostrorum; neque vindictam sumas de peccatis nostris, Domine Deus noster. Postea dicuntur Litanie; ut supra pag. 29. Quibus finitis, Pontifex dicit super ipsos pœni tentes: Pater noster. Reliqua secreto. *. Et ne nos inducas in tentationem. . Sed libera nos a malo. v. Salvos fac servos tuos, et ancillas tuas. . Deus meus sperantes in te. . Mitte eis Domine auxilium de sancto. R. Et de Sion tuere eos. . Nihil proficiat inimicus in eis. R. Et filius iniquitatis non apponat nocere eis. . Esto eis Domine turris fortitudinis. . A facie inimici. *. Domine Deus virtutum, converte nos. Ę. Et ostende faciem tuam, et salvi erimus. *. Domine, exaudi orationem meam. R. Et clamor meus ad te veniat. |