vester, Camenae, vester in arduos tollor Sabinos, seu mihi frigidum Praeneste, seu Tibur supinum, seu liquidae placuere Baiae. vestris amicum fontibus et choris non me Philippis versa acies retro, devota non exstinxit arbos, nec Sicula Palinurus unda. utcumque mecum vos eritis, libens insanientem navita Bosporum temptabo et urentis harenas litoris Assyrii viator; visam Britannos hospitibus feros et Scythicum inviolatus amnem. vos Caesarem altum, militia simul fessas cohortes abdidit oppidis, finire quaerentem labores Pierio recreatis antro. vos lene consilium et datis et dato gaudetis almae. scimus ut impios Titanas immanemque turmam fulmine sustulerit caduco, qui terram inertem, qui mare temperat ventosum, et urbes regnaque tristia divosque mortalisque turbas imperio regit unus aequo. 30 40 magnum illa terrorem intulerat Iovi fidens iuventus horrida bracchiis, fratresque tendentes opaco Pelion imposuisse Olympo: sed quid Typhoeus et validus Mimas, aut quid minaci Porphyrion statu, quid Rhoetus evolsisque truncis Enceladus iaculator audax contra sonantem Palladis aegida possent ruentes? hinc avidus stetit Volcanus, hinc matrona Iuno et numquam umeris positurus arcum, qui rore puro Castaliae lavit crinis solutos, qui Lyciae tenet dumeta natalemque silvam, Delius et Patareus Apollo. vis consili expers mole ruit sua : omne nefas animo moventis. testis mearum centimanus Gyas sententiarum, notus et integrae temptator Orion Dianae, virginea domitus sagitta. iniecta monstris Terra dolet suis, maeretque partus fulmine luridum missos ad Orcum; nec peredit impositam celer ignis Aetnen, incontinentis nec Tityi iecur 80 V. AELO tonantem credidimus Iovem regnare: praesens divus habebitur Augustus adiectis Britannis imperio gravibusque Persis. milesne Crassi coniuge barbara sub rege Medo Marsus et Apulus, incolumi Iove et urbe Roma? hoc caverat mens provida Reguli foedis et exemplo trahentis si non periret immiserabilis captiva pubes. 'signa ego Punicis adfixa delubris et arma militibus sine caede' dixit ΙΟ 20 'derepta vidi; vidi ego civium retorta tergo bracchia libero, portasque non clausas, et arva Marte coli populata nostro. auro repensus scilicet acrior nec vera virtus, cum semel excidit, curat reponi deterioribus. si pugnat extricata densis cerva plagis, erit ille fortis qui perfidis se credidit hostibus, et Marte Poenos proteret altero qui lora restrictis lacertis sensit iners timuitque mortem. hic unde vitam sumeret inscius pacem duello miscuit. o pudor ! o magna Carthago, probrosis altior Italiae ruinis !' fertur pudicae coniugis osculum parvosque natos ut capitis minor ab se removisse et virilem torvus humi posuisse voltum, donec labantis consilio patres firmaret auctor numquam alias dato, interque maerentis amicos egregius properaret exsul. 30 40 damnosa quid non imminuit dies? VII. Ο UID fles, Asterie, quem tibi candidi Thyna merce beatum, constantis iuvenem fide Gygen? ille Notis actus ad Oricum insomnis lacrimis agit. atqui sollicitae nuntius hospitae, temptat mille vafer modis. ut Proetum mulier perfida credulum maturare necem refert ; narrat paene datum Pelea Tartaro, Magnessam Hyppolyten dum fugit abstinens; et peccare docentis fallax historias movet. |