An causam dederit abortûs vel infanticidii non adhibitâ debitâ diligentiâ in vita puerorum tuenda (1)?

An contendendo cum aliis verberaverit aliquem vel vulnerârit; aut commiserit aliis ut facerent, aut quod suo nomine ab aliis erat factum approbaverit; aut ad id dederit auxilium, consilium vel favorem? ubi inquirendum de qualitate personarum læsarum, an sacræ fuerint, vel laicæ; an consanguineæ et affines, an non: percutiens enim injuriosè Clericum, v. g. est excommunicatus.

Ăn noluerit veniam petere, vel pacem inire cum iis quos offendit, vel pro injuriâ illatâ non sufficienter satisfecerit? An noluerit condonare injuriam ab aliis illatam, et reconciliari id petentibus, et justam satisfactionem offerentibus? An ex odio omiserit alloqui vel salutare aliquem; vel sine odio quidem, sed cum ipsius ac proximi scandalo negârit ei signa consueta, et officia communia amicitiæ et urbanitatis?

An in rebus adversis et infortuniis optaverit mortem, aut ex furore et irâ seipsum verberaverit, vel maledixerit, et num ex animo, an solùm ore tenus?

An maledixerit aliis tam vivis quàm defunctis?

An peccandi contra alios causam præbuerit alicui consilio, auxilio, etc.?

An ex odio voluntario vel invidiâ affectus fuerit tristitiâ de prosperitate aliorum tam temporali quàm spirituali : et an gavisus sit de aliquo malo vel damno notabili aliorum?

An malo suo exemplo, vel consilio, vel laudando mala, vel detestando bona, causam dederit ut aliquis bonum opus quod faciebat omitteret ; vel incitaverit ad committendum ali

(1) Nobis verò, homicidio semper interdicto, etiam conceptum utero, dum adhuc sanguis in hominem delibatur, dissolvere non licet. Homicidii festinatio est, prohibere nasci. Nec refert, natam qui eripiat animam, an nascentem disturbet. Homo est et qui est futurus etiam fructus omnis jam in semine est. Tert. Apologet. c. 9. Mulier quæcumque fecerit hoc per quod jam non possit concipere, quantoscumque parere poterat, tantorum homicidiorum ream se enim cognoscat. Aug. serm. 244 de tempore.

Eee

quod peccatum, aut ad perseverandum in illo, retrahendo eum à pœnitentia?

An correptionem fraternam cum ordine debito fecerit, probabiliter sciens eam profuturam?

An eleemosynas dederit cùm deberet?

CIRCA VI. et IX. Præceptum Decalogi.

An habuerit cogitationes inhonestas et immundas, in iisque voluntariè hæserit, et delectatus fuerit; et an non solùm cogitationibus, sed etiam rebus turpibus delectatus sit? Dicendum quibus rebus turpibus, an peccato cum conjugata, etc.

An protulerit vel audierit verba lasciva et inhonesta, et quo fine? num animo delectandi se illis verbis, an etiam rebus significatis per verba, v. g. peccato cum virgine, cum religiosa, conjugata, etc.

An solùm ex ira aut alia simili causa talia verba protulerit? An legerit libros vel historias impudicas; et similiter quo fine? Num etiam ex tali lectione pollutio vel motio aliqua carnis secuta fuerit?

An domi retinuerit, vel luxuriosè aspexerit picturas et imagines impudicas?

An usus sit verbis inhonestis cum intentione peccandi, vel provocandi alios ad peccatum, et quod peccatum illud fuerit?

An voluntariè, etiamsi brevissimo temporis spatio, desideraverit peccare cum aliquo vel aliquâ; quod peccatum ejusdem speciei est, cujus opus ipsum: itaque dicendum an cum conjugata, etc.

An polluerit, vel inhonestè copulam concupierit conjugatæ, consanguineæ, etc.? Idem dicendum de feminis.

An causam aliquam pollutioni in somno dederit, an in ea voluntariè post somnum delectatus fuerit?

An impudicè attigerit feminas, vel adolescentes, aut permiserit se tangi, basiari, amplexu excipi ab aliis; et quo fine?

An ad peccandum mediatore usus sit, aut miserit nuncia,

litteras, munera: an etiam ipse mediator fuerit in inducendis aliis ad peccandum?

An adierit vel transierit locum aliquem cum mala intentione aspiciendi feminas: et de periculis peccandi quibus se exposuit?

An amore carnali affectus fuerit ad aliquam personam, insequendo eam animo peccandi, et quanto tempore in eo perseveraverit; et num propter ipsum persona illa notata fuerit aliquâ infamiâ?

An fuco, odoribus, musicâ, choreis, nuditate corporis, et similibus sit usus, ut alios ad luxuriæ peccatum incitaret? An actu peccaverit cum virgine, vel conjugata, vel consanguinea, vel affine, etc.?

An cum personis Deo consecratis vel per ordinem, vel per votum?

An

persona peccans habuerit ordinem sacrum, vel emiserit votum castitatis?

An violentiâ, metu, vel dolo, aut sub promissione ficta seu vera matrimonii: an verò blanditiis et precibus cum aliqua peccaverit?

An jactârit se de tali peccato, et personas in particulari nominârit, et quod malum indè secutum sit?

An commiserit peccatum Sodomiæ cum aliqua persona? An inhonestè attigerit bestias?

An aliis fuerit causa peccandi, consilio, auxilio, vel alio modo, et quo peccato, quotque personis?

An occasiones proximas peccati incurrendi non evitaverit, et adhuc in illis maneat?

Si fuerit conjugatus, an mente cogitando de aliis sive mulieribus, sive viris, aliquod peccatum commiserit contra usum et finem matrimonii? an malitiosè impedierit conceptionem prolis? an conjugi petenti debitum negaverit?

In peccatis carnis explicanda est conditio tum personæ peccantis, an sit Sacerdos, etc. tum personæ cum quâ peccatur, an sit soluta, vel conjugata, etc.

CIRCA VII. et X. Præceptum Decalogi.

An rem alienam furto, vel rapinâ sustulerit, et cujus valoris ?

An sustulerit rem sacram vel non sacram de loco sacro? An damnum intulerit alicui, et quantum, et num restituerit?

An rem alienam retinuerit sine voluntate Domini, et non restituerit cùm posset, et quanto temporis spatio?

An jura aliquorum impedierit illegitimis viis?

An suâ culpâ non sit solvendo creditoribus suis, ita ut hi damnum aliquod grave indè passi sint?

An inventâ re aliquâ notabili, eam abstulerit animo retinendi pro se? Idem censendum de rebus quæ ad manus ejus venerunt, si eas non restituerit suo Domino, sciens esse alienas.

An deposita amiserit culpâ suâ, vel commodata aut locata detrimento affecerit?

An emendo vel vendendo fraudem fecerit aut in mercatura; sive in pretio, sive in pondere et mensura?

An emerit ab iis qui potestatem vendendi non habent, ut à servis, et Filiis-familiâs?

An rem aliquam pluris vendiderit, vel minoris emerit quàm valeat: aut pluris vendere vel minoris emere studuerit? An rem unam pro alia præstantiori? An vitiatam pro sana et incolumi? An rei vendendæ occultum vitium emptori reticuerit?

An emerit res quas sciebat, vel dubitabat esse furto sublatas : et sciendo aliquid de hujusmodi rebus consumpserit? An habuerit voluntatem determinatam accipiendi si posset, vel retinendi rem alienam; aut acquirendi et congerendi opes per fas et nefas?

An commiserit aliquam usuram, vel fecerit aliquem contractum usurarium, vel societatem injustam in mercatura? An aliquem ad usuram induxerit, aut consenserit usuræ ? An acceptâ solutione vel salario ad gerendum officium, vel opus peragendum, non benè et fideliter illud gesserit?

An ministros suos, vel operarios fraudaverit mercede suâ, aut cum damno ipsorum eis satisfacere distulerit?

An litem moverit contra justitiam, vel in lite justa usus sit fraude et deceptione ad vincendum?

An ludis vetitis usus sit? an etiam per fraudem in ludo aliquid lucratus sit? an luserit cum iis qui non possunt res suas alienare, ut cum Filiis-familiâs, etc.

An simoniam commiserit, vendendo, vel emendo rem spiritualem aut spirituali annexam; vel alio vel alio quocumque

modo?

An Ecclesiam privaverit juribus legitimis?

An per media illicita vel malas informationes obtinuerit rem aliquam quæ nullo jure ei obveniebat? An alios impediverit injustè quominùs beneficium Ecclesiasticum, vel bonum aliquod temporale consequerentur?

An auxilium vel consilium dederit, vel alio quocumque modo participaverit cum raptoribus rei alienæ aut cùm posset et deberet, non manifestaverit nec impediverit latro

cinium ?

An cibo, potu, vel aliter consumpserit bona furto sublata per se, vel per alios?

An opibus, quas jure possidet, nimio affectu inhæserit?

CIRCA VIII. Præceptum Decalogi.

An falsum testimonium dixerit in judicio vel extrà; aut alios ad illud induxerit?

An seminaverit lites, discordias, et inimicitias inter alios; et inter quos, dominos, subditos, parentes, etc. et quod malum indè secutum sit?

An injustè aliquem accusârit, vel ejus crimen detulerit? An sententiam iniquam tulerit, ut Judex vel Arbiter?

An mentitus sit cum præjudicio notabili proximi : an verò jocosè tantùm aut officiosè?

An ex ira offenderit alios verbis injuriosis et contumeliosis? An mali aliquid dixerit de proximo, patefaciendo aliquod ejus peccatum vel defectum occultum, cum infamia vel dam