An usus sit aliquo genere superstitionum, incantationum, divinationum, maleficiorum, per se vel per alios?

An schedulas superstitiosas apud se habuerit ad sanitatem, aliamve rem obtinendam, et an alios induxerit ad earum usum?

An fidem habuerit somniis, auguriis, vel sortibus illegitimis, accipiendo illa pro regula actionum suarum?

An faustorum infaustorumque dierum observatione, liminis calcatione, cæterisque hujusmodi vanis observationibus usus sit, aut ad earum usum alios induxerit?

An verbis Scripturæ sacræ et cæremoniis Ecclesiæ abusus sit in jocis et scurrilibus?

An contumeliâ aliquâ vel irreverentiâ affecerit imagines reliquias Sanctorum, aliasve res sacras, ut Sacramenta, etc.?

An persecutus sit et calumniatus homines pios, vel detraxerit de bonis eorum operibus, et impedierit ne illa facerent et an sine causa rationabili impediverit aliquem ne ingrederetur religionem?

An nimiùm præsumendo de divina misericordia liberiùs peccaverit, vel in malo perseveraverit, differendo emendationem?

An diffidendo misericordiæ divinæ desperaverit de emendatione vitæ, vel de remissione peccatorum obtinenda, vel de propria salute, quasi esset de numero reproborum?

An murmuraverit contra Deum, conquerendo de ejus providentia, quia non concedit nobis ea quæ optamus, aut iis nos privat?

An exposuerit se evidenti periculo peccandi mortaliter, vel an complacuerit sibi in peccato olim commisso, et in quo? An ex pigritia vel tædio rerum spiritualium bonum aliquod opus, quod facere tenebatur, omiserit?

CIRCA II. Præceptum Decalogi.

An juraverit verum, sed sine necessitate?

An juraverit de re, quam sciebat vel dubitabat esse falsam,

etiam in re levi.

An juraverit promittendo quod non intendebat observare, vel quod posteà sine causa rationabili non observaverit;

etiamsi fuerit in re levi?

An juraverit minando alicui sine intentione exequendi juramentum, etiamsi in re levi?

An juraverit, vel etiam habuerit consuetudinem jurandi, non curando, aut non considerando num verè vel falsò juraret? An causam dederit alicui ut falsum juraret, vel non observaret juramentum licitum ?

An juraverit adjunctâ maledictione, v. g. Auferat me diabolus, etc. si non fecero, etc.

An juraverit se aliquod peccatum præsertim mortale commissurum, et quodnam illud sit; aut nihil boni facturum, vel non servaturum aliquid consiliorum Evangelicorum?

An in judicio juraverit falsum, vel juridicè interrogatus non responderit conformiter intentioni Judicis, vel consilium dederit aliis id faciendi? quo casu non solùm peccat mortaliter, verùm etiam obligatur ad restitutionem, si indè secutum est aliquod damnum proximi.

An blasphemaverit, utendo maledictione, execratione, vel contumeliâ in Deum et Sanctos?

An diaboli auxilium ex animo invocaverit?

An seipsum illi devoverit, corpus vel animam ei dederit, aut Filios, Servos, et proximos?

An vota exequi neglexerit, aut diutiùs distulerit? Idem dicendum de opere in quod votum aliquod commutatum est à Confessario habente potestatem?

An voverit aliquid cum intentione non adimplendi votum? An voverit se bonum aliquod non acturum, aut aliquid mali facturum, aut bonum quidem acturum sed propter malum finem?

An temerè et cum superstitione voverit? CIRCA III. Præceptum Decalogi, et Præcepta

Ecclesiæ.

An dies Festos violaverit, faciendo vel mandando aliis opera prohibita ab Ecclesia, vel consentiendo illis qui faciunt?

An omiserit audire Missam, aut ejus notabilem partem diebus Dominicis aut Festis, sine causa legitima; vel evidenti periculo non audiendi se exposuerit?

An aliis, præsertim suæ curæ subjectis, causam dederit simile faciendi?

An diebus Dominicis et Festis, per notabile temporis spatium, in Missa fuerit voluntariè distractus omninò, loquendo, ridendo, vel occupando se in rebus inanibus?

An venerit in Ecclesiam malo animo, v. g. ad videndum aliquos, vel cum iis colloquendum: et an malum aliquid in ea commiserit?

An contempserit aut neglexerit interesse, et curare ut sibi subditi interessent Missæ Parochiali, Vesperis, Concionibus, ac Catechismis?

An vacando secularibus rebus, debitum Festo cultum violaverit?

An inutilia itinera aggressus sit diebus Dominicis aut Festis; eosve in choreis, ludis, et vanis deambulationibus absumpserit? An ad hæc alios induxerit?

An Officium divinum interturbârit clamoribus, colloquiis, et deambulationibus in templo?

An confessus sit saltem semel in anno, idque proprio Sacerdoti, et curaverit ut idem facerent omnes suæ curæ subjecti?

An confessus sit ei qui non habebat in eum jurisdictionem, vel non facto diligenti examine conscientiæ, vel sine dolore debito, vel sine proposito deserendi aliquod peccatum mortale aut proximam illius occasionem, vel sine intentione restituendi bona aut famam proximi quam injustè abstulit, vel reticendo ex pudore aliave de causa aliquod peccatum mortale? In quibus casibus confessio est nulla, proindèque iteranda.

An quovis anno, tempore Paschæ, communicârit in sua Parochia, cum debita dispositione?

An cum conscientia certa vel dubia peccati mortalis receperit, vel absque necessitate administraverit aliquod Sacramentum Ecclesiæ ?

An post annum 21. expletum, absque rationabili excusatione violaverit aliquod jejunium præceptum ab Ecclesia? An usus sit cibis vetitis? An aliis causam dederit idem faciendi?

An propter gulam non curârit transgredi aliquod præceptum?

An intemperantiùs comederit, vel biberit, cum notabili damno sanitatis?

An spontè se inebriaverit, vel alios ad id invitaverit?

An violaverit Ecclesiam aliquo peccato carnis, vel effusione sanguinis humani?

An censuram aliquam Ecclesiasticam incurrerit, aut eâ irretitus aliquid sibi ea de causa prohibitum admiserit? Idem de irregularitate dicendum.

An obligatus ad Breviarium, omiserit recitare sive totum, sive partem, et quotam partem; et an recitando illud fuerit voluntariè distractus, et num in notabili parte officii? Quòd si beneficium habeat, præter reatum peccati mortalis, quod incurrit, tenetur ad restitutionem fructuum, majorem divini officii partem ex sua culpa omittendo.

CIRCA IV. Præceptum Decalogi.

An Patrem aut Matrem offenderit factis vel verbis contumeliosis, detractoriis, aut irrisoriis?

An eosdem contempserit ?

An ipsis maledixerit vel in eorum absentia eos execratus sit, et dedecore affecerit?

An eos ad iracundiam provocaverit, aut contristârit? An eos odio habuerit, temerè de iis judicârit vel suspicatus sit? An inimicitias et rancorem adversùs eos retinuerit, et quamdiù ?

An parentibus vel Superioribus tum Ecclesiasticis, tum

secularibus obedire renuerit in rebus justis; aut obediverit in rebus injustis, et malis?

An parentibus in necessitate existentibus, cùm posset, subvenerit?

An deliberatè optaverit eorum aliquod damnum grave etiam mortem, ad obtinendam hæreditatem?

vel

An executus sit testamenta et ultimas voluntates defunctorum ; aut eas absque legitima causa nimiùm distulerit? quo casu tenetur ad reparandum damnum illatum.

An maledixerit, vel malum aliquod dixerit de Superioribus Ecclesiasticis, vel sæcularibus, aut etiam de Religiosis, Sacerdotibus, et quid mali indè secutum sit?

An parentes maledixerint Filiis suis?

An educaverint eos sicut debent, instituendo eos in oratione et doctrina Christiana; reprehendendo quoque illos et castigando, maximè in materia peccati; occupando etiam illos honesto exercitio, ne sint otiosi et vias ingrediantur malas?

Quod de Filiis, intelligitur quoque de famulis, quorum curam spiritualem et corporalem habere Domini eorum tenentur: sicut è contrà famuli Dominos tanquam parentes revereri debent, eisque debitum obsequium et fidelitatem exhibere.

CIRCA V. Præceptum Decalogi.

An aliquem habuerit odio, cum desiderio vindicandi se, et an graviter, et quamdiù?

An optaverit alicui mortem, damnum corporis, honoris, famæ, bonorum spiritualium, vel corporalium?

An irâ commotus fuerit in aliquem cum intentione nocendi illi, et an graviter?

An homicidium perpetrârit opere, voluntate, consilio, sortilegiis, venenis, aut aliter?

An in bello injusto stipendium fecerit?

An