adveniénti Spirítui sancto: et recéde ab hoc fámulo (vel hac fámulâ ) Dei.

Deinde pollice dextro faciat signum Crucis in fronte infantis, dicens:

Signum sanctæ Crucis Dómini nostri Jesu Christi in frontem tuam pono.

Posteà signum Crucis similiter faciens in ejus pectore, sive nudo, sive pannis cooperto, dicat:

Signum Salvatóris

in pectus tuum pono,

Tum subjungat :

Dómini nostri Jesu Christi

Dóminus vobiscum; R. Et cum spíritu tuo.

Orémus.

OMNIPOTENS sempiterne Deus, Pater Dómini nostri

Jesu Christi, respicere dignare super hunc fámulum tuum ( vel hanc famulam tuam) N. quem ( vel quam) ad rudiménta fidei vocáre dignátus es : omnem cæcitátem cordis ab eo (vel eâ ) expélle: disrumpe omnes láqueos Sátanæ, quibus fúerat colligátus: (vel colligáta:) Aperi ei, Dómine, jánuam pietatis tuæ, ut signo sapiéntiæ tuæ imbútus ( vel imbúta) ómnium cupiditátum foetóribus cáreat, et ad suávem odórem præceptórum tuórum lætus (vel læta) tibi in Ecclésiâ tuâ desérviat, et proficiat de die in diem: ut idóneus (vel idónea) efficiatur accédere ad grátiam, Baptismi tui percéptâ medicínâ. Per eumdem Christum Dóminum nostrum. . Amen.

Orémus.

PRECES

Orémus.

RECES nostras, quæsumus Dómine, clementer exáudi: et hunc electum tuum (vel hanc electam tuam) N. Crucis Dominicæ, ( Hic faciat signum Crucis in fronte infantis pollice dextro.) cujus impressióne eum (vel eam ) signámus, perpétuâ virtúte custódi : ut magnitúdinis glóriæ tuæ rudimenta servans, per custódiam mandatorum tuórum ad regeneratiónis grátiam perveníre mereátur. Per Christum Dóminum nostrum, R. Amen.

DEUS

Orémus.

EUS qui humáni géneris ita es cónditor, ut sis étiam reformátor: propitiáre pópulis adoptivis, et novo testaménto sóbolem novæ prolis ascribe: ut filii promissiónis, quod non potuerunt assequi per natúram, gáudeant se recepisse per grátiam. Per Christum Dóminum nostrum, R. Amen.

Deinde Parochus benedicat salem, ut sequitur, nisi jam benedictus asservetur in Ecclesia.

Benedictio Salis.

*. Adjutórium nostrum in nómine Dómini, R. Qui fecit cœlum et terram.

*. Sit nomen Dómini benedictum.

R. Ex hoc nunc et usque in sæculum.

EXORCIZO

RCIZO te creatúra salis in nómine Dei Patris omnipotentis, et in charitáte Dómini nostri Jesu

C

Christi, et in virtúte Spíritus sancti X. Exorcizo te per Deum vivum, per Deum verum, per Deum sanctum, per Deum qui te ad tutélam humáni géneris procreavit, et pópulo veniénti ad credulitátem per servos suos consecrári præcepit: ut in nómine sanctæ Trinitatis efficiáris salutáre Sacraméntum ad effugandum inimícum. Proindè rogámus te, Dómine Deus noster, ut hanc creatúram salis sanctificándo sanctifices, et benedicendo benedícas : ut fiat ómnibus accipiéntibus perfecta medicína, pérmanens in viscéribus eórum, in nómine ejusdem Dómini nostri Jesu Christi, qui ventúrus est judicáre vivos et mórtuos, et sæculum per ignem. Ñ. Amen.

Hic accipiat Parochus de ipso sale, et ponat modicùm in ore infantis, dicens :

N. Accipe salem sapiéntiæ, ut sit tibi propitius Dóminus in vitam æternam. R. Amen.

DEUS patrum nostrorum, Deus universæ cónditor

creatúræ, te súpplices exorámus, ut hunc famulum tuum (vel hanc famulam tuam) N. respícere dignéris propitius, et hoc primum pábulum salis gustantem non diútiùs esurire permittas; quominus cibo repleátur cœlesti, quatenùs sit semper, Dómine, spíritu fervens, spe gaudens, tuo nómini sérviens; perduc eum (vel eam) ad novæ regeneratiónis lavacrum,

ut cum fidélibus tuis promissiónum tuárum æterna præmia consequi mereátur. Per Christum Dóminum nostrum. R. Amen.

Orémus.

DEUS Abraham, Deus Isaac, Deus Jacob, Deus qui Móysi fámulo tuo in monte Sinaï appáruisti, et filios Israël de terrâ Ægypti eduxisti, députans eis Angelum pietátis tuæ, qui custodiret eos die ac nocte: te quæsumus, Dómine, ut míttere dignéris sanctum Angelum tuum, qui similiter custódiat hunc fámulum tuum ( vel hanc famulam tuam) N. et perdúcat eum (vel eam ) ad grátiam Baptismi tui. Per Christum Dóminum nostrum. R. Amen.

EXORCIZO

XORCIZO te, immunde spíritus, in nómine Patris, et Filii, et Spiritus sancti, ut éxeas et recédas ab hoc famulo, (vel hac fámulâ ) Dei N. Ipse enim tibi imperat, maledicte damnáte, qui pédibus super mare ambulávit, et Petro mergénti déxteram porréxit. ERGO, maledicte diábole, recognosce sententiam

tuam, et da honórem Deo vivo et vero, da honórem Jesu Christo Filio ejus, et Spíritui sancto, et recéde ab hoc fámulo (vet hac fámulâ ) Dei N. quia istum (vel istam) sibi Deus et Dóminus noster Jesus Christus ad suam sanctam grátiam et benedictiónem, fontemque Baptismatis dono suæ pietatis vocáre dignátus est. Et hoc signum sanctæ Crucis ( Híc pollice dextro

faciat crucem in fronte infantis.) quod nos fronti ejus damus, tu, maledicte diábole, nunquàm áudeas violáre. Per eumdem Christum Dóminum nostrum. R. Amen.

Orémus.

AETERNAM ac justissimam pietatem tuam déprecor,

Dómine sancte, Pater omnipotens, æterne Deus, auctor lúminis et veritátis, super hunc fámulum tuum ( vel hanc fámulam tuam) N. ut dignéris illum (vel illam) illumináre lúmine intelligéntiæ tuæ munda eum (vel eam ) et sanctífica: da ei sciéntiain veram, Ormam spem, consilium rectum, doctrinam sanctam: ut dignus (vel digna) efficiátur accédere ad grátiam Baptismi tui. Per Christum Dóminum nostrum. R. Amen.

Postea dicat Parochus exorcismum sequentem, tenens manum dexteram super caput infantis cum Patrino et Matriná.

NEC te láteat, Satana, imminére tibi poenas, imminére tibi tormenta, imminére tibi diem judicii, diem supplicii sempiterni, diem qui ventúrus est velut clíbanus ardens, in quo tibi atque universis Angelis tuis æternus supervéniet intéritus. Et ideò pro tua nequítia damnate atque damnande, da honorem Deo vivo et vero, da honórem Jesu Christo Filio ejus, et Spiritui sancto in cujus nómine atque virtúte præcipio tibi, quicumque es spiritus immunde, ut éxeas et recédas ab hoc fámulo (vel hac fámula) Dei N. quem (vel quam) hodiè idem Deus et Dóminus noster Je