TA ΕΥΡΙΣΚΟΜΕΝΑ ΠΑΝΤΑ. ORIGENIS OPERA OMNIA QUAE GRAECE VEL LATINE TANTUM EXSTANT ET EJUS NOMINE CIRCUMFERUNTUR. Ex variis Editionibus et Codicibus manu exaratis, Gal- Ediderunt CAROLUS ET CAROL. VINCENT. DE LA RUE Carol. Henric. Eduard. Lommatzsch Philos. Dr. Theolog. Licent. ejusdemq. in Seminar. Viteberg TOMUS XVI. Berolini 1844. Sumtibus Haude et Spener. (S. J. Joseephy.) IN JOB COMMENTARIUS. ADAMANTII DE RECTA IN DEUM FIDE. Ex DIVINITY SCHOO LIBRARY. HARVARD UNIVERSITY Nova Editionum Basileensis et Parisiensis Recognitione Edidit Carol. Henric. Eduard. Lommatzsch Philos. Dr. Theolog. Licent. ejusdemq. in Seminar. Viteberg. Berolini 1844. Sumtibus Haude et Spener, (S. J. Joseephy.) PROLEGOMENA. In fronte Tomi hujus Anonymi in Jobum Commentarium posuimus, promissi tenaces, quod dedimus Tom. I. ed. nostrae, et quod aptior locus vix potuerit inveniri. Excipit Commentarium huncce Dialogus de recta in Deum fide. De quo quidem licet plurima in promtu habeamus, quibus Wetstenium non minus quam Ruaeum aggrederemur, aptius tamen esse visum est, suo singula tempore in unum quasi caput corpusve revocare, praesertim cum in mente habeamus, accuratiorem, si Deus vires dederit, atque ampliorem cum hujus Dialogi, tum reliquorum, quae eundem posthac sequentur, ejusdem fere generis scriptorum editionem in medium proferendi. Quocirca ea solummodo Tomo huic praefixisse sufficiat, quae Ruaeus Tomo I. in praefatione disseruit. Habet autem haecce: Dialogum primus omnium graece simul et latine in lucem edidit Basileae anno 1674. Joann. Rudolphus Wetstenius, qui in praefatione ad lectorem omnia movet argumenta, ut ipsum Origeni asserat, sed irrito prorsus conatu, ut patet ex Monito, quod in hujus opusculi fronte praefiximus, ubi id unum omisimus, nempe stylum toto coelo ab Origeniano differre, et innumeris scatere vocibus graecis, quas frustra in aliis Origenis operibus graecis quaesieris, quaeque graecum hominem Origene longe recentiorem sapiunt. Ex unico Cod. Mscr. hunc libellum graece edidit Wetstenius, nos ad quatuor aliorum Mss. fidem recensuimus, variaque expunximus menda, quibus Wetstenia |