Quod temperamentum nobis suasit nostra erga priscos Ecclesiae Claromontensis ritus, Religio; suasit etiam reverentia felici memoria unius è prædecessoribus nostris DD. FRANCISCIMARIE LE MAISTRE DE LA GARLAYE, cujus Mandatum, pietate, doctrina et religionis affectibus conspicuum, huic editioni sicut et priori adnecti voluimus.

Unum tamen deerat, quod votis nostris prosequi nunquam desümus, quod perutile, quod etiam omnibus Ecclesiae Ministris necessarium dicere audemus, quod demùm in nullo propemodùm cæterarum Ecclesiarum Breviario desideratur; Canones dicimus, quibus mores Sacerdotum informarentur, pietas foveretur, zelus nutriretur. Omnium ferè Ecclesiarum exemplis inhærentes, dignum sollicitudine nostra pastorali duximus, breves ex sanctissimis Conciliis Canones seligere, et in novum Breviarium inserere.

Hos autem Canones quos pro unoquoque die recitari jubemus tùm in officio Capituli, tùm in Officio privato, post Primam; ad calcem cujuscumque partis Breviari consignari, et ordinatim dividi voluimus. Omittatur tamen Canonis Lectio, quoties in Officio Prima non dicitur . Pretiosa, etc.

Alterum est quod nobis fuit adnotatum. In Dominicis Septuagesima, Sexagesimo et Quinquagesimo, assignantur Laudibus quinque Antiphona propriae; in secundis verò Vesperis quinque communes de Psalterio recitantur. Tùm in Dominicis Adventús, nec non in Festis duplicibus-minoribus, quinque Antiphona assignantur Laudibus; unica verò secundis Vesperis. Satiùs nos judicavimus, ut in prædictis Dominicis, et generatim in Festis duplicibus, et majoribus, et minoribus, quinque Antiphone Laudibus adnexa, etiam in secundis Vesperis recitarentur. Hocce modo, et Cantui in choro, et Rubricarum ordini magis consuletur.

Quantùm ad animum quo peragere debemus hoc angelicum precandi munus quod, non in verborum sonitu, sed in desiderio cordis constat, vos, Fratres charissimi, ad prædictum Mandatum remittimus.

Datum Claromonti, die primá mensis Martii anni 1819.

+C. A. H.. Episcopus Claromontensis.

De Mandato Illustrissimi ac Reverendissimi Episcopi.

EYMARD, Secret.

FESTORUM MOBILIUM.

per

Olumna Ordo dierum in Tabula multorum annorum Col indicat numerum quærendum in columna Tabulæ petuæ, qui numerus indicat litteram Dominicalem, Festa Mobilia, et Domin. post Epiphan. et Pentecost. etc. cùm autem à die 22 Martii, quæ est primum Pascha ad diem 25 Aprilis quæ est ultimum Pascha sint dies 35, ideò sunt 35 numeri in columna ordinis dierum qui regione sua indicant Festa Mobilia, etc. idem ordo dierum etiam indicabit tibi quot sint dies inter Festum Purificat. et Feriam IV Cinerum, modò addus diem unam in annis bissextilibus.

In columnis Dom. post Epiph. Septuagesima et Feriæ IV Cinerum appositi sunt duo numeri; sume primum numerum ad sinistram in annis communibus; numerum verò secundum ad dexteram in annis bissext.

In columnis Dom. post Epip. et Pent. hoc signum + notat Dominicam sequentem vel saltem ejus commemoration. anticipandam esse in Sabbato, ut fusè dicetur in Rubricis generalibus, cap. V. de Off. Domin. num. 8 et 9.

De modo inveniendi Festum Pascha.

Ut facilè invenias quâ die occurrit Festum Paschæ quolibet anno, quære in Calendario (à die 8 Martii quæ est primum novilunium Paschale ad diem 5 Aprilis quæ est ultimum novilunium) Epactam currentem anno proposito; à die in qua currit Epacta inclusivè numera 14 dies, littera Dominicalis anni propositi currens post 14 dies exclusivè indicabit diem Pascha. v. g. quæro quâ die occurret Pascha anno 1882, Epacta est xj. littera Dominicalis A, in Calendario Epacta xj. notatur die 20 Martii, numerando 14 dies quatuor decimus incidit in 3 Aprilis, littera Dominicalis F, subsequens cadit in 9 Aprilis quâ die occurrit Pascha.

Faciliùs etiam invenies in Tabula perpetua ubi in columna Epactarum detracti sunt 14 dies novilunii, littera Dominicalis anni propositi currens cum Epacta, vel proxima post Epactam indicabit diem Paschæ. v. g. quæro quâ die occurret Pascha anno 1873, Epacta est j. littera Dominicalis E, Pascha 13 Aprilis; anno 1893, Epacta est xij. littera Dominicalis A, Pascha 2 Aprilis.

TABULA