Insuper statutum est, quod nemo ad Gradum Baccalaurei in Sacra Theologia admittatur, nisi qui in sacrum Presbyterorum ordinem prius fuerit admissus: qua de re Literas Testimoniales ab Episcopo, qui manus ei imposuerit, pro more concessas, vel saltem Certificatorium Registrarii Dioceseos chirographo munitum, Vice-Cancellario, coram Congregatione Magistrorum regentium, exhibere teneatur.

§. 3. Quot anni, in audiendo publico Theologiæ Professore ponendi, requirantur ad incipiendum in S. Theologia.

STATUTUM est, quod, qui ad Doctoratum in S. Theologia aspirat, post susceptum Baccalaurei in Theologia Gradum, per quatuor annos integros publicum Theologiæ Prælectorem audiat, priusquam ad incipiendum in eadem Facultate admittatur.

§. 4. Exercitia pro Gradu Doctoris in Sacra Theologia præstanda.

STATUTUM est, quod Baccalaureus S. Theologiæ, antequam ad incipiendum in eadem Facultate admittatur, publice in Schola Theologica, ab hora prima usque ad secundam, Latine solenniter sexies legat, et explicet quamcunque velit S. Scripturæ partem: vel aliquam ex istis, quæ sequuntur, Apostolicis Epistolis, scilicet ad Galatas, vel unam aliquam ad Timotheum, vel Titum, vel unam S. Petri, tribus scilicet cursoriis Lectionibus ad minimum, explicet. Priusquam vero vel solenniter vel cursorie legere exordiatur, tempus quo lecturus est, et subjectum de quo leget, ante tres dies signifi

cabit, programmate affixo valvis utriusque exterioris portæ Scholarum, ac insuper muris Coll. Omnium Animarum, et Oriel, qua Australis et Occidentalis parietes, plateam versus, in angulos coeunt.

SECTIO VII.

Quomodo et unde computandum sit Tempus singulis Gradibus capessendis præstitutum.

QUONIAM Tempus singulis Gradibus capessendis præstitutum, alias Annorum, alias Terminorum numero, in his ipsis Statutis exprimitur, (ne qua inde cavillandi ansa subministretur,) præsenti Statuto cautum est, quod ubicunque tempus Gradui cuivis præstitutum per Annos computatur, eadem temporis Mensura in Terminos resoluta (singulis Annis quatuor Terminos deputando) præstituta esse intelligatur. Utpote, ubi tres Anni requiruntur, duodecim Termini; ubi quatuor, sedecim Termini intelligendi sunt; et sic in cæteris.

Insuper in iis Gradibus, qui a non Graduatis primo suscipiuntur, Tempus hujusmodi Gradui præstitutum a tempore Matriculationis computandum est: quod si quis Vacationis tempore matriculetur, a Termino Matriculationem suam sequente Terminos ad Gradum requisitos computabit.

In iis vero Gradibus, qui a Baccalaureis cujuslibet Facultatis capessuntur, a tempore præsentationis ad Gradum Baccalaurei in eadem Facultate:

In iis tandem Gradibus, qui Gradum Magistralem præsupponunt, e tempore admissionis ad regendum, computandum erit tempus.

Denique, quoniam haud pauci singulis Terminis, unum aut alterum Diem in Universitate commorantes, Officio suo et Statutis satisfecisse, et vel sic Terminos ad Gradum requisitos complevisse, se putant; Statutum est, quod nemo qui nondum Gradum aliquem adeptus fuerit, sive Collegii alicujus, sive Aulæ, fuerit Scholaris, Terminos ad Gradum suum requisitos complevisse reputandus sit, nisi qui singulis Terminis Michaelis et Hilarii per sex Septimanas, singulis autem Terminis Paschatis et Trinitatis per tres Septimanas, in Universitate commoratus fuerit. Excepto semper Termino, in quo quis Gradum suscepturus est; cujus primus Dies, juxta receptam antiquitus consuetudinem, habetur pro Termino completo. Excepto etiam Termino, in quo quis primum ad Academiam accedens matriculatur, cujus ultimus dies pro integro Termino reputatur.

Proviso semper, quod Baccalaurei Facultatis Artium Terminos ad Gradum Magistralem requisitos complevisse reputandi sint, si Terminis singulis, Michaelis, Hilarii, Paschatis, et Trinitatis, per tres Septimanas in Universitate commorati fuerint: eadem etiam Lex esto Studiosis in Jure Civili postquam duodecim Terminis, præter Terminum Matriculationis suæ, per Septimanas supra requisitas, in Universitate commorati fuerint, et (si examinari debuerint) Examen Publicum pro Gradu subierint.

TITULUS IX.

De Congregationibus Magistrorum Regen

tium.

SECTIO I.

De tempore et negotiis Congregationum, et de personis ad eas spectantibus.

§. 1. De Tempore Congregationum haben

UT

darum.

T Universitatis negotia, cum quæ ad gratias et Gradus spectant, tum alia, cum deliberatione et consilio mature expediantur; statutum est, quod, pro more antiquo, in principio cujusque Termini, Congregatio Magistrorum Regentium celebretur, quæ pro arbitrio Vice-Cancellarii a die in diem continuetur, et in ultimo cujusque Termini die dissolvatur. Quodque, quoties continget Congregationem celebrari, per pulsationem magnæ campanæ, statim post horam nonam ante meridiem, denuncietur. A cujus pulsationis cessatione, Dominus Vice-Cancellarius, Procuratores, et Magistri Regentes accedant, seque ad congregationem celebrandam accingant. Et præeunte Vice-Cancellario, et Procuratoribus, habitibus Gradui competentibus; altero Bedellorum submisse proclamante, Intretis in Congregationem, Magistri, intretis, omnes Domum Congregationibus destinatam ingrediantur, ubi causa Congregationis tunc habendæ per Vice-Cancellarium exposita, ad expedienda negotia debite procedant.

§. 2. De negotiis in Domo Congregationis tractandis.

ORDINATUM est, quod, prout ab antiquo fieri consuevit, in venerabili Congregatione Magistrorum Regentium, gratiæ sive supplicationes eorum, quos ad Gradus Scholasticos promoveri par est, proponantur, et concedantur. Item, ut dispensationes, in quibus Congregationi per Statuta dispensare licebit, petantur. Deinde, ut digni et idonei ad Gradus Scholasticos præsententur, et admittantur. Item, ut ab aliis Academiis commendati incorporentur; et, pro more consueto, viri conditionis et eruditionis spectatæ, in singulis Facultatibus licentientur; iidemque atque alii, si opus fuerit, literis testimonialibus commendentur; et multa alia de quibus venerabili huic Congregationi decernendi hactenus potestas fuit, cum matura deliberatione et judicio expediantur.

§. 3. De personis ex quibus constat Congregatio; et penes quos sit potestas negandi quæ proponuntur.

ORDINATUM est etiam, quod, prout de more antiquo observatum fuit, Congregatio Regentium consistat e Cancellario sive Vice-Cancellario, et duobus Procuratoribus, vel eorum Deputatis, et Magistris necessario, atque etiam ad placitum Regentibus. Quodque nihil in hac venerabili Congregatione decernatur, cui Cancellarius sive Vice-Cancellarius, vel ambo Procuratores, sive eorum Deputati, vel major pars Magistrorum necessario, et ad placitum Regentium, qui interfuerint, (quorum numerum no