chirographis hominum fide dignorum testatum afferat.

§. 4. De Exercitiis per Inceptorem in Musica præstandis.

STATUTUM est, quod Baccalaureus Musicæ, priusquam ad incipiendum in eadem Facultate admittatur, unum canticum sex vel octo partium componat, quod in Schola Musicæ, tam vocibus quam instrumentis etiam Musicis (alio quovis die, quam illo qui ordinario ad praxin Musicam designatus est) publice exhibeat; sed prius, valvis utriusque magnæ portæ Scholarum, ante tres dies, affixo programmate, diem ac horam futuri speciminis significet. Quibus Exercitiis per eundem præstitis, per publicum ejusdem Facultatis Prælectorem Heatherianum, aut alium quemvis per eundem assignatum, gratia ipsius in Venerabili Domo Congregationis proponatur; qua concessa, per alterutrum Professor. Savil. (qui ad hoc alternis præstandum tenentur,) vel per alium quemvis in Artibus Magistrum ab iis deputatum, ad Gradum præsentetur.

SECTIO IV.

De Tempore et Exercitiis requisitis ad Gradus in Jure Civili capessendos.

§. 1. Quot anni, in audiendo Professore publico Juris Civilis ponendi, requirantur ad Gradum Baccalaurei in Jure Civili.

STATUTUM est, quod, qui Juri Civili studet, antequam Baccalaureatum in illa Facultate

consequatur, si sit Magister Artium, per tres annos integros (numerandos a die suæ admissionis ad regendum) audiat publicum Juris Civilis Professorem. Si quis vero Juri Civili det operam, qui non sit Magister Artium; per quinquennium completum, publicum Juris Civilis Prælectorem diligenter et attente audiat.

Quodque per biennium in Academia, Dialecticæ, Morali Philosophiæ, et Politica, aliisque Humanioribus Literis incumbat, priusquam quinquennium in studio juris ponere incipiat; nisi per Statuta Collegii, in quo moratur, citius ad juris studium se convertere teneatur.

§. 2. Exercitia pro Gradu Baccalaureatus in Jure Civili præstanda.

STATUTUM est, quod is, qui ad Baccalaureatum in Jure Civili promoveri cupit, priusquam pro gratia sua supplicet, bis in Disputationibus Juridicis pro forma, opponentis principalis (id est, primo vel secundo loco disputantis) munere fungatur; et semel per duas horas in Schola Jurisprudentiæ pro forma, scilicet ab hora prima pomeridiana ad tertiam, respondeat.

Quod si desit, qui pro forma ad consequendum gradum opponat, liceat publico Prælectori vel ejus vices gerenti, opponentis officium ustinere.

Nec hujusmodi Disputatio cuiquam cedat pro forma, nisi quæstiones suæ, una cum nominibus respondentis, et opponentis, per septem dies ante Disputationem, affigantur valvis utriusque exterioris portæ Scholarum ; ac insuper

muris Collegii Omnium Animarum, et Oriel, qua Australis et Occidentalis parietes, plateam versus, in angulos coeunt.

§. 3. Quot anni, in audiendo publico Professore Juris Civilis ponendi, requirantur ad Gradum Doctoris in Jure Civili.

STATUTUM est, quod qui ad Doctoratum in Jure Civili promoveri cupit, si postquam in Artibus Magister fuerit, Gradum Baccalaurei in Jure Civili susceperit, quatuor annos integros (numerandos a die suæ admissionis ad Gradum prædictum) publicum Prælectorem Juris Civilis audiet, priusquam ad incipiendum in eadem Facultate admittatur.

Alioqui, si Baccalaureus in Jure fuerit, antequam incipiat in Artibus (sive Statutis privati Collegii sic exigentibus, sive sua ipsius optione factum fuerit,) quinque annos integros in audiendo publico Professore Juris Civilis ponere teneatur, priusquam incipere permittatur.

Qui vero in Curiis Ecclesiasticis et Maritimis hujusce Regni se exercere statuerit; illi conceditur, (modo in gratia proponenda causa exponatur, et Declaratio per supplicantem ante admissionem ad Gradum coram seniore Procuratore facta fuerit,) si Baccalaureus in Jure Civili fuerit, ut post quatuor annos integros in publico Professore Juris Civilis audiendo positos, ad incipiendum in eadem Facultate admittatur.

Formula Declarationis hæc esto.

"Tu declarabis, te hunc Gradum Doctoris "ambire eo animo, ut in numerum et Collegium "Advocatorum Londinensium in Curiis Ec

"clesiasticis et Maritimis hujusce Regni se ex"ercentium, bona fide admittaris; et admissus "in iisdem Curiis te realiter exerceas." Resp. "Eo animo hunc gradum ambio."

§. 4. Exercitia pro Gradu Doctoris in Jure Civili præstanda.

STATUTUM est, quod Baccalaureus Juris Civilis, priusquam ad incipiendum in eadem Facultate admittatur, vel sex solennes Lectiones ab hora prima pomeridiana usque ad secundam, totidem diebus, publice leget, in quibus quamcunque velit totius corporis Juris Civilis partem explicet, vel aliquem e titulis de judiciis, de probationibus, sive de re judicata, in digestis vel codice, tribus ad minimum Lectionibus, cursorie exponet. Et priusquam vel solenniter, vel cursorie legere inceperit, programma, subjectum et tempus legendi indicans, ante triduum curabit affigi valvis utriusque exterioris portæ Scholarum, ac insuper muris Collegii Omnium Animarum, ac Oriel, qua Australis et Occidentalis parietes, plateam versus, in angulos coeunt.

SECTIO V.

De Tempore et Exercitiis requisitis ad Gradus in Medicina capessendos.

§. 1. Quot anni, in studio Medicinæ ponendi, requirantur ad Gradum Baccalaurei in Medicina.

STATUTUM est, quod unusquisque antequam Baccalaureatum in Medicina consequatur, quatuor annos integros sive 16 Terminos eodem

modo quo Scholares in Facultate Artium, in Academia absque dolo malo degat, examen publicum inter eosdem subeat, et post examen illud, Medicinæ studio per triennium integrum (scil. 12 Terminos) operam dedisse teneatur.

Porro Studiosis in Medicina liceat Habitu Academico uti, qualem Academia Studiosis in Jure Civili indulget.

Magistris vero in Artibus, vel Baccalaureis in Jure Civili, licebit, (si modo examen subierint infra §. 3 sancitum,) Baccalaureatum in Medicina capessere; cauto tamen nequis ad hunc gradum admittatur ante completos 28 Terminos a die matriculationis suæ computandos.

§. 2. De Examinatione pro Gradu Baccalaurei in Medicina, et de Examinatoribus designandis, et juramento onerandis.

STATUTUM est, quod qui ad Baccalaureatum in Medicina promoveri cupit, priusquam ad supplicandum pro Gratia admittatur, examen subeat.

Huic igitur rei quo melius prospiciatur, Academiæ placuit ut tres in Medicinæ Facultate publici Examinatores constituantur; scilicet, Medicinæ Professor Regius (cujus semper erit huic negotio præesse) duo itidem ex Acad. Oxon. in Medicina Doctores, a Vice-Cancellario singulis Examinationibus nominandi, et deinceps a Domo Convocationis approbandi. Quod si Professor Regius propter gravem aliquam causam absentiæ veniam a Vice-Cancellario impetraverit; alium quendam in Medicina Doctorem Vice-Cancellarius in ejus locum substi

tuet.