agenda quæ ad justam librorum collocationem distributionemque requirantur.

4. Ad instituendum novum Bibliothecæ Catalogum typis imprimendum.

5. Denique, quoniam fieri non potest ut omnibus speciatim provideatur, ad alios quoscumque Bibliothecæ sumptus erogandos.

Pecuniarum omnium, sive ex Bodleii reditibus et proventibus, sive aliunde, receptarum, ratio quotannis intra mensem Novembris a Vice-Cancellario coram Curatoribus reddetur, et in Domo Convocationis renuntiabitur. Quæ etiam ratio annuo Catalogo librorum in usum Bibliothecæ emptorum juxta Stat. A. D. 1780. subjicietur, et ante finem Termini S. Michaelis ad singulos Collegiorum et Aularum Præfectos, necnon ad cujuslibet Collegii sive Aulæ Bibliothecam deferetur.

Quo autem proventus Bibliothecæ auctiores fiant, statutum est, quod si quando, pecuniarum receptarum et solutarum rationibus subductis, summa qualiscunque ultra mille libras superfuerit, ista summa publicis quibusvis vadimoniis, Anglice vocat. Government Securities, continuo elocabitur.

§. 4. De Electione, Nominatione, et Amotione Officiariorum et Ministrorum.

STATUTUM est, quod in posterum nemo ad officium Bibliothecarii eligatur, nisi qui gradu Artium Magistri vel Baccalaurei in Jure Civili ad minimum sit insignitus. Cæterum

antequam cuiquam Electorum suffragandi jus permittatur, Sacramento in hanc formam concepto omnes obligentur: "Tu jurabis, quod "in hac electione Bibliothecarii hujus Univer

"sitatis celebranda unum tantum, gradu Ar"tium Magistri vel Baccalaurei in Jure Civili "ad minimum insignitum, nominabis; et quod "neminem nominabis, nisi quem habilem et "idoneum ad id officium obeundum vel certo "sciveris, vel firmiter credideris."

Cum vero qualicunque de causa locum vacare contigerit, intra decem dies proxime secuturos, sex dierum ad minimum publica monitione præmissa, solennis Convocatio habenda est, in qua novus Bibliothecarius subrogabitur. Hoc autem decem dierum spatium semper obtinebit, nisi in tempore Magnæ Vacationis, in qua intra septimanas tres eodem modo celebrabitur electio.

In electione autem Protobibliothecarii ratio semper habeatur Stat. Tit. IV. Sect. ii. §. 5. ita ut non subrogetur continuo seu immediate successor ex eadem domo, unde præcedens Protobibliothecarius electus fuerat. Qui vero ex una domo in aliam transierunt, censendi sunt ad eam domum pertinere in quam primo admissi fuerunt: exceptis iis, qui in Præfectos, Socios, vel Scholares, quocunque titulo notatos, alterius cujusvis domus admissi fuerint, qui, post istiusmodi admissionem, ad eam domum in quam novissime admissi fuerint censendi sunt perpetuo pertinere.

Hypobibliothecarii nominentur per Bibliothecarium, cum majoris partis omnium Curatorum consensu; quæ quidem nominatio suffragiis Ven. Domus Convocationis permittetur, præmissa semper a Vice-Cancellario sex dierum publica monitione. Iidem ab officio removeantur, si quid tale meruerint, ex majoris partis omnium Curatorum sententia. Ministri nomi

R

nentur per Bibliothecarium, cum majoris partis Curatorum in Universitate præsentium approbatione, et eadem auctoritate ab officio remove

antur.

Omnes autem, quamprimum nominati fuerint, eodem modo quo Bibliothecarius, (Stat. Bod. 1610. §. 2.) mutatis mutandis, in Ven. Domo convocationis (vel coram Vice-Cancellario si in tempore Vacationis fiat nominatio) sub jurisjurandi religione fidelitatem spondeant.

§. 5. De Custodia Numismatum.

Porro

NUMISMATUM custodiam solus habeat Protobibliothecarius; et quo melius tam pretiosæ supellectilis integritati consulatur, nemo unquam, nisi ipso præsente, Museolum ubi conservatur intrandi copiam habeat. Statutum est, ut Bibliothecarius uno eodemque tempore pluribus quam duobus Numismata nunquam ostendat, nisi adstante per integrum tempus Curatorum aliquo, vel uno ex Hypobibliothecariis; quo in casu permissum est ut quatuor (non autem plures) simul ad visendum accedant.

Bibliothecarius, si ex Academia excessurus sit, Museoli hujusce claves Vice-Cancellario in manus tradat. Fas sit autem Vice-Cancellario, propter specialem aliquam causam, quæ moram nequaquam patitur, Hypobibliothecariorum alterutri claves tradere. Sciat autem Hypobibliothecarius iste, se fide data teneri, ut quam primum fieri potest claves Vice-Cancellario restituat; sciat etiam, sibi omnino nefas esse Museolum istud, dum claves apud se retineat, ulla unquam de causa ingredi, nisi aliquo ex Curatorum numero comitante, et per integrum tempus adstante.

Statutum est insuper, ut Numismata quotannis, paucis diebus ante annuam Bibliothecæ visitationem, præsente Bibliothecario, perlustrentur, duobus ex Curatorum numero a reliquis ad id munus obeundum nominatis.

§. 6. De Tempore aperiendi et claudendi Bibliothecam.

APERIATUR Bibliotheca a festo Annunciationis ad festum Divi Michaelis ab hora nona matutina ad quartam postmeridianam.

A festo Divi Michaelis ad festum Annunciationis ab hora decima matutina ad tertiam postmeridianam.

Exceptis diebus omnibus Dominicis, et diebus quibuscunque vel jejunii vel festivitatis publica auctoritate injunctis vel injungendis :

Vigiliis ante Nativitatem Domini, et deinceps usque ad festum Circumcisionis inclusive: Festo Epiphaniæ:

Die Passionis Domini, Vigiliis Paschatis, ac Feriis Pascha immediate sequentibus:

Die Ascensionis, et Feriis Pentecosten immediate sequentibus:

Diebus Encæniorum, Vesperiarum, Comitiorum, et Commemorationum publicarum :

Septem diebus a primo Septembris numerandis, quo melius Bibliotheca a sordibus purgetur.

Octo diebus visitationem Bibliothecæ immediate præcedentibus.

Festis vero quibuscunque (de quibus supra non aliter ordinatum fuerit) statim post conciones publice coram Universitate habendas Bibliothecam accedentibus pateat aditus.

§. 7. De Curatoribus Bibliothecæ, et de Bibliotheca ab iis sæpius perlustranda.

66

وو

CURATORIBUS iisque solis jus concedatur, sine aliquo ex Bibliothecæ Officiariis comitante, in istas partes Bibliothecæ intrandi quæ claustris obserantur; excepto semper Museolo ubi custodiuntur numismata, de quo supra speciatim statutum est. Hoc autem ita intelligendum est, ne quis, vel absentibus Bibliothecæ Officiariis, prohibeatur ab usu claustrorum istorum, ac præcipue Scholarum Bibliothecæ annexarum, modo libri quorum usum requirit (juxta ordinationes Stat. Bod. 1610. §. 6.)" in manus ei numerato tradantur, et ab eo "ante discessum reddantur," cæteri interea clathris obserati adserventur. Curatoribus autem ipsis potestas hæc ideo conceditur, ut in statum et conditionem Bibliothecæ assidue inquirant, et explorent utrum omnia recte conserventur, et justo ordine disponantur. Et si quid invenerint in quo contra statuta et regulas legitime sancitas peccatum fuerit, vel quod in melius mutari poterit, illico Vice-Cancellarium adeant; qui eorum rogatu Curatores cœteros submoneat et convocet, ita ut conjunctis consiliis quod remedium quærendum sit, vel quid sit faciendum, demonstrent, juxta Statutorum vim, et auctoritatem illorum fidei commissam. (Stat. Bodl. 1610. §. 13.) Proviso tamen, quod, in omni Curatorum ad Ven. Domum Convocationis relatione, ratio semper habeatur Stat. Tit. X. Sect. ii. §. 2. et Tit. XIII.

Curatoribus etiam liceat alterum diem perlustrandæ Bibliothecæ, præcipue Archivis, adsignare: qui quidem dies 8vum Novembris paux