Anno Dom. 1769.

STATUTUM est, ut Proto-Bibliothecario, propter occupationem moramque in Bibliotheca extraordinariam, quadraginta librarum summa adjecta annuum stipendium augeatur, sibi suisque vicariis, prout ipsi visum fuerit, cum relatione ad Curatores, et eorum approbatione, si forte querelæ occasio hac ex parte subministretur, distribuenda.

Statutum novum Bibliothecæ publicæ. Bodleiana. 1813.

§. 1. CUM Bibliotheca Bodleiana, incrementis jam continuis in longum aucta, (quæ etiam ex ipsius Academiæ munificentia indies illustriora sunt,) in eam accreverit amplitudinem, ut Officiarii tanto oneri ferendo vix sufficiant, nedum splendori ejus et dignitati respondeant:

Visum est Academiæ, ex relatione Curatorum, ea quæ ad Officiariorum et Ministrorum numerum, ordinem, et stipendia attinent, denuo recognoscere, et singulorum munera definire, necnon alia nonnulla accuratius præscribere, ita ut tota administratio auctiori statu tam nobilis Bibliothecæ non indigna sit.

§. 2. De Numero, Ordine, et Muneribus Officiariorum et Ministrorum.

BIBLIOTHECARIUS, sive Protobibliothecarius, uti prius, totius interioris administrationis curam habeat, et omni ex parte Bibliothecæ dignitati et utilitati semper invigilet.

Bibliothecario in partem laboris sui adjungantur Hypobibliothecarii duo gradu Artiuu Magistri vel Baccalaurei in Jure Civili ad mi

nimum insigniti, et tempore admissionis suæ, uti Bibliothecarius ipse, nexu conjugali soluti. Horum alter Codices MSS. aliosque libros, qui ob insignem raritatem vel pretium Archivis sive clathris peculiaribus reponuntur, propriæ tutelæ commissos habeat: alter librorum cæterorum custodiæ invigilet. Ambo autem, quantum fieri potest, cum Bibliothecario in Bibliotheca constanter adsint, atque ex ejus mandato libris perquirendis, ac digerendis, et Catalogis conficiendis dent operam; tum etiam cætera omnia fideliter exequantur, quæ Bibliothecæ usus et commoda postulare videantur. Ideo enim Officiariis hisce propriæ provinciæ assignantur, non solum quo tam pretiosæ supellectilis incolumitati rectius consulatur, sed in tanta librorum mole quo melius cognoscantur omnia, et quo facilior ad ea, quorum studiosi egeant, paretur aditus.

Sint præterea Ministri duo, qui Bibliothecario et Hypobibliothecariis præsto adsint, eorum mandata exequantur, libris perquirendis et reponendis dent operam, et aliis Bibliothecæ usibus, prout res tulerit, ex Superiorum præscripto diligenter inserviant.

Statutum est insuper, ut, siquando Bibliothecarius præ infirmiori valetudine, aut senectute ingravescente, assiduæ in Bibliotheca moræ impar sit, Vice-Cancellarius, cum majoris partis omnium Curatorum consensu, Vicarium nominet; virum scilicet aliquem qui fide dignus sit, et gradu Artium Magistri vel Baccalaurei in Jure Civili ad minimum insignitus. Vicarius eodem juramento et iisdem legibus obligatus, quibus ipse Bibliothecarius, recipiet annuatim (et eadem ratione pro qualibet anni parte) sum

mam centum librarum ex stipendio Bibliothecarii deducendam, necnon alteram summam centum librarum ex pecuniis Bodleianis.

Quod si unus ex Hypobibliothecariis in munus Vicarii nominetur, novus Hypobibliothecarius modo infra præfinito quam primum substi

tuatur.

Proviso semper, quod non solum tota hæc quæstio de Vicario nominando, sed et Vicarii ipsius nomen, Venerabilis Domus Convocationis suffragiis, decem dierum publica monitione præmissa, permittetur.

Cæterum quod ad quotidianam attinet Bibliothecæ curam, tenendum est imprimis ut Officiarii et Ministri omnes, quantum fieri potest, in ea constanter adsint. Nulla autem unquam de causa Officiarii omnes simul absint, sed vel Bibliothecarius, vel unus ex Hypobibliothecariis, et unus saltem ex Ministris, semper adesse

teneantur.

Sed ut aliqua saltem absentiæ venia Officiariis hisce concedatur, liceat uniquique eorum extra Academiæ fines interdum versari, modo per singulos anni semisses triginta dierum spatium (vel continuum vel interpolatum) tempus absentiæ non exsuperet. Quod si merito in plures dies proroganda sit licentia quam præsenti hoc statuto definitum est, communibus in Venerabili Domo Convocationis suffragiis (dierum trium ad minimum publica monitione præmissa) arbitrium permissum esto. Hoc autem sic intelligendum est, ne cuivis Hypobibliothecariorum Academia abesse liceat, dum Bibliothecario foris esse contingat; nec Bibliothecarius, cum præsens sit, amborum Hypobibliothecariorum auxilio simul careat, nisi ex gravi

aliqua et perurgenti causa, majori parti Curatorum in Universitate præsentium approbanda.

Ex Ministris nemo absit, nisi speciali venia Bibliothecarii prius impetrata; idque sub pœna amotionis.

Absentis Bibliothecarii munere fungatur Hypobibliothecarius qui Archivorum custodiam sibi traditam habet.

Absolvatur autem Bibliothecarius conditionibus quibus nunc tenetur neque matrimonium contrahere, neque Beneficium curatum nisi prope adjunctum in se recipere. Et in posterum tam Bibliothecario quam Hypobibliothecariis expresse permissum esto, non modo ut Beneficia curata possideant, sed etiam ut post electionem, vel admissionem, matrimonium contrahant.

§. 3. De Stipendiis Officiariorum et Ministrorum, et de Pecuniis in usum Bibliothecæ exigendis et erogandis.

QUO autem justa omnibus fiat remuneratio, voluit et decrevit Academia ut annuatim percipiant; scilicet,

Bibliothecarius, (præter feoda ei ex decreto Convocationis concessa,) integram summam librarum 400.

Hypobibliothecarius uterque 150.

Ministrorum stipendium de tempore in tempus statuant Vice-Cancellarius et reliqui Curatores.

Janitor, 20.

a Vice-Cancellario per singulos anni semisses æqualibus portionibus dinumerandam.

In hos autem usus assumantur,

1. Reditus et proventus prædiorum, tenementorum, sive possessionum, quibus ex ipsius Bodleii munificentia fruitur Bibliotheca.

2. Pecuniæ quæ ex munificentia Crewiana Bibliothecario et Bibliothecæ destinabantur. 3. Stipendia Bibliothecarii, Hypobibliothecarii, et Janitoris, tam antiqua, quam quæ Bibliothecario suisque vicariis Stat. A. D. 1769. assignabantur.

4. Annui proventus e pecuniis Mri Godwyn. 5. Quod superest annuatim e pecuniis quæ juxta decretum Convocationis A. D. 1802. exiguntur, post sumptus in alios usus priore aliquo decreto vel statuto erogandos.

6. Pecuniæ quæ per Statutum A. D. 1780. in usum Bibliothecæ Bodleianæ exiguntur. 7. Denique præsenti hoc Statuto voluit et de

crevit Academia, alteram nummorum summam, ei quam per Stat. A. D. 1780. in præsens solvere tenentur parem, ab iisdem omnibus, et eodem modo, in Bibliothecæ usus solvendam esse.

Quicquid ex omnibus hisce pecuniis superfuerit reponatur ad alios Bibliothecæ sumptus suppenditandos: scilicet,

1. Ad libros quoscumque, sive MSS. sive impressos, prout occasio tulerit, coemendos. 2. Ad ea perficienda quæ in Statutis Bodleianis memorantur; ac speciatim, ad lapsa inclinataque resarcienda, prout usus postulet, interioris structuræ, non solum antiquæ Bibliothecæ, sed et Scholarum hactenus annexarum, vel in posterum per decretum Ven. Domus Convocationis annectendarum, ac etiam Pergulæ, Anglice vocat. the Picture Gallery, quatenus illa in Bibliothecæ usus cedat, et tecti tam exterioris quam interioris antiquæ Bibliothecæ.

3. Ad reparandos vel de novo compingendos pluteos et abacos, et ad cætera omnia per