"cultum sic tractabis, ut superesse quam diu"tissime possint.

"Item quod neque tu in persona tua aliquem vel aliquot libros surripies, permuta"bis, rades, deformabis, lacerabis, scindes, an"notabis, interscribes, sponte corrumpes, ob"literabis, contaminabis, aut alio quocunque " modo detruncabis, abuteris, deteres, immi"66 nuesve: nec alii cuiquam auctor eris horum "quidvis perpetrandi; sed, quantum in te est, "delinquentem vel delinquentes impedies; ip"sorumque maleficia Vice-Cancellario, ejusve "Deputato, intra triduum postquam tibi inno"tuerint, denunciabis: Ita te Deus adjuvet, "tactis sacrosanctis Christi Evangeliis."

Anno Dom. 1613.

§. 3. Statuimus, quod Artium Baccalaurei, qui a die præsentationis biennium integrum non compleverint, non permittantur frui beneficio publicæ Bibliothecæ, nisi ab Aulis et Collegiis suis singuli venerint ad Bibliothecam, vestiti habitu seu capa, caputio, sive cucullo, et pileo; quæ non prius exuent, quam a Bibliotheca reversi fuerint: si quis secus facere præsumpserit, sciat se privatum fore omni beneficio ejusdem Bibliothecæ, per spatium trium mensium proxime sequentium. Curabit autem diligenter Bibliothecarius, et (in absentia ejus) inferior Bibliothecarius, sub virtute juramenti, ut hoc Statutum (quantum in illis est) debitæ executioni demandetur. Proviso, quod hoc Statutum non præjudicabit ullo modo filiis Magnatum, et Procerum, aut Dominorum in Parliamento suffragii jus habentium, aut inferiori Bibliothecario, qui, libris distribuendis occupatus, commode ita vestitus incedere non potest.

§. 4. Statuimus, ut Baccalaurei Artium, et omnes alii non Graduati, in posterum a lectione librorum studiis suis minime competentium abstineant; quod si quis deliquerit contra formam hujus Statuti, et admonitus per Bibliothecarium vel ejus deputatum non resipuerit, tradetur statim nomen ejus, per custodem Bibliothecæ sive ejus deputatum, Vice-Cancellario et Procuratoribus, ut debita pœna ab eisdem puniatur.

§. 5. Statuimus, ut non Graduati, Facultatis Artium Baccalaurei, et minoris denique ordinis Graduati omnes, senioribus debitum obsequium et reverentiam præstent; quamprimum eos viderint ad scamnum, sive pluteum, in quo fuerint, accedentes, loco cedendo; vel aliter, librum, quo prius usi fuerant, tradendo, si res ita tulerit: quod si querela aliqua, eaque justa contra aliquem pervenerit ad aures Pro-Cancellarii sive Procuratorum, beneficium unius Termini in gratia sua deinceps proponenda pars delinquens amittet, aut aliter per Vice-Cancellarium punietur; et Registrarius Academicus delictum hoc in Registro suo fidelissime annotabit.

§. 6. Quia multi, Statutum de non introducendis extraneis, aut injuratis, in Bibliothecam publicam studendi causa, penitus ignorantes, aut non satis attendentes, pœnam incurrunt gravissimam; si quis in posterum deliquerit in hoc genere, sciat se incarcerandum, præter pœnam pecuniariam arbitrio ac judicio Vice-Cancellarii delinquenti infligendam.

§. 7. Statutum est, quod nullus, sub pœna trium solidorum et quatuor denariorum, legendo in aliquem librum incumbat; charta sive

libello aliquo chartaceo aut membranaceo proposito, super librum aliquem scribat: nam hoc modo, vel atramenti suffusione, vel foliorum replicatione, vel sordibus contractis contaminabitur, in non modicum detrimentum librorum tam insignium. Postremo curabit diligenter unusquisque Studiosus, ut libri e manibus suis depositi, ac repositi in locum suum, utramque fasciam, sive fibulam, aut omnes (si plures fuerint) firmiter nectat, atque colligat in nodum delinquentes contra hoc Statutum solvent (toties quoties) duodecim denarios, nomine pœnæ.

§. 8. Statuimus insuper, si quis a Bibliothecario, vel ejus deputato, aut aliquo officiario Bibliothecæ, (interrogatus de nomine suo, et Collegio sive Aula,) non responderit statim juxta rei veritatem; quod ipso facto a Bibliotheca publica amovebitur, quousque per Congregationem Regentium, gratia secundo proposita et concessa, idoneus censebitur.

§. 9. Statuimus, idque sub pœna perjurii, si cui jurato probe constiterit, aliquem injuratum, aut non admissum juxta Statutorum exigentiam, in Bibliotheca commorari studendi ergo; quod statim revelet nomen ejus Bibliothecario aut ipsius deputato, ut ab iisdem mature prospiciatur, ne quid Bibliotheca detrimenti capiat.

Anno Dom. 1615.

§. 5. Pro explanatione cujusdam Statuti controversi, (quo cavetur, quod Baccalaurei Artium, et omnes alii non Graduati, abstineant in posterum a lectione librorum, studiis suis minime competentium ;) decretum est, quod Baccalaurei et non Graduati non vagabuntur de loco ad

locum; sed in ea parte Bibliothecæ sedulo studiis suis incumbent, in qua libri Facultatis Artium (iique soli) continentur. Proviso semper, ne exteris et peregrinis, vel Juris aut Medicinæ Studiosis fraudi sit, quin libris Facultatis suæ respective frui liceat.

Anno Dom. 1621.

-Tertio, quod omnes et singuli Studiosi, admittendi ad studendum in Bibliotheca, teneantur emere catalogum librorum ejusdem Bibliothecæ, quandocunque eum denuo typis vulgari usus ac utilitas Studentium postulabit.

Catalogo vero pretium, in singulos libros, statuent Vice-Cancellarius et Curatores.

Anno Dom. 1780.

Statutum de Necessitatibus Bibliothecæ Bodleiuna subveniendis.

AD Academiæ decus nihil magis conducere, aut ad utilitatem ejus propius pertinere videtur, quam ut antiqua illa Bibliothecæ Bodleianæ fama, jam olim omnigenæ supellectilis literariæ copia, varietate, et delectu insignita, novis perpetuo incrementis sustentetur et augeatur. Cum vero tanta rei nummariæ, huic usui destinatæ, inopia jam laboret Academia, ut librorum, quos recentiorum ingenium, eruditio, aut industria plurimos per totum fere literatum orbem profudit, et quotidie profundit, vix unus et alter augusto huic Musarum domicilio, publicis sumptibus, adscribi possit et adnumerari; unde verendum est, ne Bibliothecæ celebritas et studentium simul opportunitates minuantur: quo duplici huic malo occurratur, et rei literariæ necessitatibus in hac parte melius in posterum subveniatur, statutum est.

Primum; quod omnes Doctores cujuslibet Facultatis; omnes Sacræ Theologiæ, Medicinæ, vel Jurisprudentiæ Baccalaurei; omnes Artium Magistri, itidem et Baccalaurei; reliqui denique omnes, qui in Academia quadriennium exegerint, aut qui ad Bibliothecæ usum speciali gratia prius admissi fuerint; summam quatuor solidorum, ad usum Bibliothecæ Bodleianæ, annuatim persolvant, in fiscum Academicum, sine fraude aut diminutione, inferendam.

Secundo; quod singuli Scholares, cum in matriculam Universitatis relati fuerint, pro sui quisque patris statu et dignitate (servientibus exceptis) aliam nummorum summam, ei quam in præsens solvere tenentur parem, persolvant, in fisco Academico, ad usum eundem Bibliothecæ Bodleianæ, reponendam.

Placuit item Academiæ, cum consensu Curatorum Bibliothecæ Bodleianæ, decernere, quod semel in unoquoque Termino, aut sæpius, si res tulerit, die et hora a Vice-Cancellario pridie constituenda, Curatores in Bibliotheca, aut (si justa de causa ita expedire videbitur) in alio loco idoneo, conveniant, de libris emendis et disponendis consulturi; et quod catalogum librorum, quos intra annum proxime elapsum publicis sumptibus Bibliothecæ addiderint, quotannis, sub fine Termini S. Michaelis, ad singulos Collegiorum et Aularum Præfectos, necnon ad cujuslibet Collegii sive Aula Bibliothecam, curent deferri; in quo catalogo, titulus quo quisque liber insignitus fuerit, pretio etiam affixo, describetur; necnon et pecuniarum, ab Academia juxta hanc ordinationem acceptarum et expensarum, ratio simul reddetur.