et, si in contumacia perstiterit, privilegiis Universitatis exuatur. Persona vero non privilegiata, vel oppidanus, qui Scholari vel personæ privilegiatæ extra Universitatem in hujusmodi causis litem intentaverit, commercio cum Scholaribus et personis privilegiatis interdicto, donec satisfecerit, coerceatur : extraneus vero, tanquam jurisdictionis Universitatis contemptor, si apprehendi poterit, incarceretur. Cancellarius etiam, et Vice-Cancellarius, omnesque alii, pro sua cujusque auctoritate ac potestate, quo minus in hac parte Universitatis privilegia violentur, se, virtute juramenti Universitati præstiti, teneri et obligari noverint.

§. 2. De Curia Commissarii sive Vice-Cancellarii Universitatis.

PRO expediendis majoris momenti causis in Universitate controversis, Statutum est, quod semel in qualibet septimana Terminorum temporibus, et vacationum etiam, (quamdiu ViceCancellario expedire videbitur,) die scilicet Veneris post meridiem, in Boreali Sacello Ecclesiæ B. Virg. Mariæ, aut alio loco per Universitatem assignando, Curia habeatur. Cui præsit Commissarius sive Vice-Cancellarius Universitatis, ejusve Deputatus; assidentibus sibi duobus, (cum ipsis videbitur,) qui pro tempore fuerint, Universitatis Procuratoribus.

Coram quibus, Procuratores ad lites, quiete et modeste, ea omnia edant, proferant, et exhibeant, quæ ad causas directe facere videbuntur : edita vero, prolata, et exhibita, Curiæ Registrarius ex mandato judicis, vel ad requisitionem

partis, fideliter describat, in acta redigat, et custodiat.

Singulis item Curiis intersit Bedellus inferior Facultatis Juris, aut alius ab eo substitutus, qui mandatarii et præconis officio fungatur, et alia, quæ Vice-Cancellarius vel ejus Deputatus imperabit, exequatur.

In qua Curia, Vice-Cancellarius ejusve Deputatus secundum jura, privilegia, et consuetudines ipsius Universitatis procedat, decernatque quæ ad causas ordinandas et terminandas conducent. Quin et (si quid tumultuose, proterve, vel indebite a Procuratoribus causarum, vel aliis Curiæ officiariis, actum vel gestum fuerit) mulcta pecuniaria corrigendi, incarcerandi, suspendendi ab officio, aut etiam officio Procurationis privandi et amovendi, potestatem habeat.

§. 3. De Assessore, sive Deputato Vice-Cancellarii.

QUO melius in Curia Universitatis ordo procedendi observetur, et cum minori molestia Vice-Cancellarii (qui pluribus occupationibus distinetur) negotia forensia expediantur; Statutum est, quod Vice-Cancellarius aliquem e Doctoribus vel Baccalaureis Juris (quem magis idoneum, judicio suo, existimaverit) assumere possit, qui in audiendis causis ipsi assideat; et, cum Vice-Cancellarium abesse contigerit, ejus in judicio vices sustineat.

Qui, tempore admissionis suæ ad hujusmodi officium, corporale juramentum præstet, "quod "Statuta, privilegia, libertates, ac consuetu"dines Universitatis observabit, et, quantum "in se fuerit, ab aliis observari procurabit."

Insuper, "quod sine acceptione personarum, "secundum jura, Statuta, privilegia, libertates, "et consuetudines ipsius Universitatis, causas "sine ulla mora aut dilatione audiet, decidet, 66 ac terminabit."

§. 4. De Registrario Curia Vice-Cancellarii.

STATUTUM est, quod is, qui officium Registrarii in Curia Universitatis sustinebit, sit Notarius publicus, Artium Magister, vel Baccalaureus Juris, et in ejusdem praxi exercitatus; judicio et auctoritate Cancellarii, sub literis ipsius patentibus, ad id muneris deputandus; qui etiam in sua admissione juramentum præstet, "De bene et fideliter iis omnibus "exequendis, quæ ad officium Registrarii per"tinebunt;" Et "de secretis Universitatis celan"dis."

Ipsius vero munus est, Vice-Cancellario sive ejus Deputato, in causis tam publice quam privatim audiendis, adesse: coram eo acta registro inscribere, et actorum libros, seu registra, publica Universitatis negotia concernentia, quotquot in ipsius manibus fuerint, sub fideli custodia conservare ; data scilicet cautione 1007. pro quolibet registro, per obligationem reponendam in abaco; ubi registra vetera in tuto reponenda esse, nec inde promenda sine obligatione 100%. pro unoquoque volumine, præsenti Statuto cau

tum esto.

Denique, registro peculiari (penes Vice-Cancellarium perpetuo adservando) nomina ipsorum, qui coram Domino Vice-Cancellario majorum criminum rei peracti sunt, secundum seriem alphabeti inserere, una cum crimine, condemnatione, cautione, et quota vice sic delique

rint. Quod quidem registrum, ubi ad umbilicum perductum fuerit, in abaco reponendum erit, et aliud ipsi succenturiandum.

§. 5. De Procuratoribus ad Lites.

AD officium Procuratorum in Curiis Universitatis admittendi sunt, non nisi Artium Magistri, aut Juris Baccalaurei, in praxi juris exercitati, et arbitrio ac auctoritate Vice-Cancellarii comprobati. Qui etiam, in sua ad prædictum officium admissione, juramentum præstent, super officio Procuratorum Curiæ Cancellarii diligenter et fideliter exequendo: et quod causas quas susceperunt, secundum ordinationes et consuetudines Universitatis tractabunt et expedient: nec cuiquam consilium, favorem, aut auxilium dabunt, ex quo jurisdictio Universitatis aliquid detrimenti capiat.

§. 6. De Contumacia coercenda.

STATUTUM est, quod si quis alicui in Curia Cancellarii litem intentare velit, primum, partem cui litem intentat, per Bedellum Curiæ inservientem, ad comparendum in judicio certo die monendum curet; et, si quæsitus a Bedello conveniri non poterit, (facta fide quod sic quæsitus conveniri non potuerit,) citatio viis et modis decernatur, cubiculi foribus in Collegio vel Aula ubi moratur, vel domus in qua habitat, ostio affigenda et si personaliter monitus, vel post affixionem citationis viis et modis (facta itidem fide) definito tempore non compareat, contumax, et in pœnam contumaciæ (h. e. incarcerationem vel excommunicationem) incidisse pronuncietur: et, si in contumacia per tres menses perstiterit, Scholaris aut persona

privilegiata banniatur; oppidanus vero commercio interdictus declaretur, quamdiu in contumacia perstiterit; ita ut, cum juri paruerit, absque alio præjudicio restituatur. Quod intelligi volumus duntaxat de bannitione et interdicto commercii, ob contumaciam adversus Curiam, non ob aliam causam quamcunque. Quod si extraneus fuerit, in Universitate moram non facturus, vel quispiam alius de fuga suspectus, licebit, ex decreto judicis, quocunque tempore, per arrestationem corporis, vel districtionem bonorum, (si quæ intra Universitatis præcinctum habuerit,) in jus pertrahere.

§. 7. Cum Reus comparuerit in Judicio, quid agendum.

DIE juridico, reo comparente, actor, sive is qui eum in jus vocavit, (nisi id antea apud Registrarium fecerit,) statim in Curia stipuletur, et de lite prosequenda, expensisque solvendis, casu quo in causa succubuerit, Fide-jussorem interponat reus item de re judicata, et expensis solvendis stipuletur, et fide jubeat: uterque etiam Procuratorem sibi constituat: in quibus si actor defecerit, reus cum expensis dimittatur; si reus, donec præstiterit, incarceretur. Fidejussoribus vero interpositis, et Procuratoribus constitutis, partes juramentum utrinque suscipiant, quod, super libellis, exceptionibus, aliisque materiis hinc inde proponendis, examinati fuerint, omnem quam sciverint vel crediderint veritatem, quatenus ad id de jure adstringuntur, proferent.

cum