Obrazy na stronie
PDF
ePub
[ocr errors]

35. Various prayers to, and concerning, St. Mary the Virgin, the Person of the Father, the Person of the Son;

the Person of the Holy Ghost; Jesus Christ; St. Peter; the Salutation of the Cross; St. Benedict; St. Gregory; 1. 816] St. Augustine; St. Cecilia; and other Saints.

APPENDIX F.

Lives of Saint Thancred and Saint Torhtred.
BRIT. MUS., HARLEY MS. 3097, f. 64b.

DE SANCTIS THANCREDO. ET TORHTREDO .

SANCTI et electi Dei interna animi consideratione seculum respuentes huius fragilitatis. simplici intentione ad illud future beatitudinis gaudium promerendum aciem fixerunt cordis. Si qua vero huic sancto proposito accessere contraria. deliberatione strenua posponentes meliori mentis oculo libera concessére repudia. ne antiquus hostis de eis triumphare se posse solita putaret fallacia. Vnde accidit propitio Deo annuente. sanctos confessores domini Thancredum atque Torhtredum quos hodierna venerantur celebritate. post mundi contemptum tanto virtutis culmine divinitus erectos in theórica solidari contemplatione. ut in Thornensi heremo humani generis hostem singulari certamine expeterent. et eádem Dei gratia favente turpiter fallentem pulchra acclamatione triumpharent. Horum siquidem sanctorum genus siue continuam vitę conversationem nobis nulla commendat historia. nulla ueterum relationis reserat pagina. Intuentes tamen Dei omnipotentem gratiam in omni gente se timentes iustificantem. que de eis pauca comperimus. latére non patimur nostram posteritatem. Incoluere diuisis ab inuicem non longe habitaculis heremum predictam. frater a fratre. sacerdos idem a sacerdote remotam habentes cellam. in qua meditatione celestium preceptorum omnem exegerunt corporis uitam. Quis aestimare . quis referre ualeat eorum in tanta solitudine labores. uigilias. inedia. animi patientiam. corporis incommoda . animę Deum assidue suspirantis

decoras lacrimas et pia desideria ? Inter hęc duorum sanctorum fratrum sancta pręconia . nequit latére perlucidum splendoris Dei margarita. eorum scilicet soror et socia gloriosa Christi virgo Tóua. Que sicut beatus Christi presul et eiusdem loci primus constructor et abbas sanctissimus Aetheluuoldus in suis testatur scriptis non solum erat tantorum sanctorum soror carnali propinquitate. sed etiam uirtutum sedula imitatione. Hęc itaque longius et quasi miliario uno remótius in silua uirili pectore sibi singulare delégerat tugúrium . ut scilicet terréna consolatione et societate éminus deserta. diuinum familiarius optineret amminiculum. Triumphato mundi tyranno in tali agone. menbrum Christi facta caput meruit Christum habere cui unita est in compage corporis ecclesię in illa uidelicet celesti sanctorum communione. Prędicamus digne sanctos in seculo contemptu tamen seculi sublimes . predicare quoque nichil próhibet eos qui talia pro Dei amore contempnentes solitudinis petiere quietem ut in sola divinorum exequutione omnem sui infunderent intentionem. Exulati enim ab actibus hujus mundi . quasi in continua astiterunt acie contra inpugnationem diaboli. nec unius diei uel mensis siue prolixioris anni martirio. sed potius totius uitę suę triumpho meruerunt honorari a domino Nec temporalis sane gladiator eorum defuit coronis . quia éadem pestis pyratica que legitur Angliam depopulasse tempore beati Eadmundi regis et martiris. diuersa passim loca inquiétans ad eandem etiam heremum peruenit. ibique in cella sua repertum beatum Christi antistitem Thancrédum martirem fecit. longiorisque luctę pugnam tandem glorioso fine decoráuit. Frater vero eius Torhtredus aeque antistes domini ut predictus Dei pontifex Atheluuoldus éadem scriptis suis édocet. in confessonis1

1 Sic, MS.

[ocr errors]

gloria inimicum et mundum deuincens ad Christum in pace obdormiens migrauit. et in éadem heremo cum fratre martire et sorore uirgine sepulturam optinuit. Ubi etiam usque in hodiernum diem ad honorem sanctę Trinitatis in suis requiescentes loculis. adorantur a fidelibus Christicolis. eorumque adiúti patrociniis exonerantur a peccatorum deprimentium sarcinis. et uirtute fidei accrescente exultant ad honorem et laudem eiusdem Dei et domini nostri omnipotentis. qui uiuit et regnat per omnia per omnia secula seculorum amen .

EXPLICIT DE SANCTIS THANCREDO ET TORHTREDO . ET EORUM SORORE CHRISTI UIRGINE SANCTA Tona.

DE TRANSLATIONE SANCTORUM

QUI IN THORNENSI MONASTERIO REQUIESCUNT. Cenobium Thornense a beato Atheluuoldo pontifice familiari studio et intentione constructum. non minori quoque curia ab eo glorificatum est. pigneribus pretiosissimis sanctorum tam martirum quam confessorum Hoc quoque sicut ab his qui uel interfuerunt uel ab eis fideli relatione didicerunt addiscere potuimus. memorię succedentium non temerario ausu sed potius sanctorum caritate commendare intendimus. Postquam ipsum quod adhuc superest templum et monasticas mansiones competenter pro re sua ordinatas perfecerat. ab Eadgaro rege cuius gratia familiariter utebatur plurimum postulat. ut sanctorum corpora que in destructis et neglectis tunc locis. quondam vero nobilibus et altó opere edificatis ecclesiis absque ueneratione erant ad ea que suo tempore construxerat monasteria transferri permitteret. ut in eis fidelium deuotione ut decebat possent uenerari. Quod regio fauore illi concessum cuidam monacho Ulfcytelo

[ocr errors]

nomine commendat agendum. At ille fideliter edoctus a beato presule. sapienter et altiori consilio tractat de transferendo beato Botulfo abbate. Legerat uitam eius . et qualiter monasterium Ícanho quod construxerat a persequutoribus beati Eadmundi regis destructum fuerit cognouerat certius. Destitutum quidem erat monachorum conuersatione. sed nequaquam ab omni fidelium deuotione. Tumulatus siquidem in loco certo ab incolis et noscebatur et potissimum colebatur, sed in diuinis officiis non nisi a solo presbitero seruiebatur. Adiit ergo locum cum paucis et intentus contemplator omnibus circumspectis. uidit se solum non posse sufficere ad effectum iussionis beati pontificis. Erat autem in Eliensi insula uir quidam diues et religiosus Uuina nomine. et ante id illi familiari sociatus dilectione. Huic aperit secretis affatibus preceptum beati Adeluuoldi presulis. et in tanto thesauro sanctarum reliquiarum transferendo desiderium sui cordis. et assúmit sibi socium et collegam agendi operis . Parant sumptus necessarios. et quam plures socios itineris priorque monachus iam pridem circumspector earum rerum cum paucis remittitur ad designatum locum. Postulat ergo a presbitero ecclesię permitti sibi pernoctari in eodem loco. et ad id clavibus impetratis satis agit voto suo . Iam incumbentibus tenebris adest predictus socius cum suis. ingressique pariter ecclesiam détegunt urnam sanctissimi Botulfi abbatis. involutumque in sindone pretiosi et nitidi operis . apparatis suscipiunt et recondunt marsuppiis Cumque leuatum humeris conarenter asportare . tanto figitur pondere. ut nullo annísu gressum possent mouere ; Preterea magno crépitu pérsonant claustra altaris. motumque intendunt quendam quasi inperfecti operis. Attonitis ergo stupent sensibus diutius. cum edocente Dei gratia predictus monachus recolit ex auditis in eodem loco

« PoprzedniaDalej »