Egens benignæ Tantalus semper dapis;
Optat Prometheus obligatus aliti:
Optat supremo collocare Sisyphus

In monte saxum; sed vetant leges Jovis.
Voles modo altis desilire turribus,
Modo ense pectus Norico recludere;
Frustraque vincla gutturi nectes tuo,
Fastidiosâ tristis ægrimoniâ.

Vectabor humeris tunc ego inimicis eques;

Meæque terra cedet insolentiæ.

An, quæ movere cereas imagines

(Ut ipse nôsti curiosus), et polo

Deripere lunam, vocibus possim meis,
Possim crematos excitare mortuos,
Desiderîque temperare poculum;

Plorem artis in te nil habentis exitum ?

Q. HORATII FLACCI

CARMEN

SECULARE,

PRO INCOLUMITATE IMPERII.

Chorus Puerorum et Fuellarum.

Phœbe, silvarumque potens Diana,
Lucidum cœli decus, o colendi
Semper et culti! date, quæ precamur
Tempore [prisco;]

Quo Sibyllini monuêre versus
Virgines lectas puerosque castos
Dîs, quibus septem placuêre colles,
Dicere carmen.

Chorus Puerorum..

Alme Sol, curru nitido diem qui
Promis et celas, aliusque et idem
Nasceris, possis nihil urbe Româ
Visere majus.

Chorus Puellarum.

Rite maturos aperire partus

Lenis Ilithyia, tuere matres;

Sive tu Lucina probas vocari,
Seu Genitalis.

Diva, producas sobolem, Patrumque

Prosperes decreta super jugandis
Feminis, prolisque novæ feraci
Lege maritâ ;

M

Uterque Chorus.

Certus undenos decies per annos
Orbis ut cantus referatque ludos,
Ter die claro, totiesque gratâ
Nocte frequentes.

Vosque veraces cecinisse, Parcæ,

Quod semel dictum est, stabilisque rerum

Terminus servet; bona jam peractis

Jungite fata.

Fertilis frugum pecorisque tellus
Spiceâ donet Cererem coronâ :
Nutriant fetus et aquæ salubres,
Et Jovis auræ.

Chorus Puerorum.

Condito mitis placidusque telo
Supplices audi pueros, Apollo;

Chorus Puellarum.

Siderum regina bicornis, audi,
Luna, puellas.

Uterque Chorus.

Roma si vestrum est opus, Iliæque
Litus Etruscum tenuêre turmæ,
Jussa pars mutare lares et urbem

Sospite cursu ;

21

25

30

35

40

Cui per ardentem sine fraude Trojam

Castus Æneas, patriæ superstes,

Liberum munivit iter, daturus

Plura relictis;

Dî, probos mores docili juventæ,

Dî, senectuti placidæ quietem, Romulæ genti date remque prolemque, et decus omne.

45

Quique vos bubus veneratur albis,
Clarus Anchise Venerisque sanguis,
Imperet, bellante prior, jacentem
Lenis in hostem.

Jam mari terrâque manus potentes
Medus Albanasque timet secures :
Jam Scythæ responsa petunt, superbi
Nuper, et Indi.

Jam Fides, et Pax, et Honos, Pudorque

Priscus, et neglecta redire Virtus

Audet; apparetque beata pleno

Copia cornu.

Chorus Puerorum.

Augur et fulgente decorus arcu

Phoebus, acceptusque novem Camœnis,
Qui salutari levat arte fessos

Corporis artus,

Si Palatinas videt æquus [aras;]

Remque Romanam, Latiumque felix,
Alterum in lustrum, meliusque semper,
Proroget ævum.

Chorus Puellarum.

Quæque Aventinum tenet Algidumque,

Quindecim Diana preces virorum

Curet, et votis puerorum amicas

Applicet aures.

Uterque Chorus.

Hæc Jovem sentire, Deosque cunctos,

Spem bonam certamque domum reporto,
Doctus et Phoebi chorus et Dianæ

Dicere laudes.

60

65

70

75

Q. HORATII FLACCI

SATIRARUM

LIBER PRIMUS.

SATIRA I.

In Avaros.

Qui fit, Mæcenas, ut nemo, quam sibi sortem
Seu Ratio dederit, seu Fors objecerit, illâ
Contentus vivat? laudet diversa sequentes?
O fortunati mercatores! gravis annis
Miles ait, multo jam fractus membra labore.
Contra mercator, navim jactantibus Austris,
Militia est potior: quid enim? concurritur: horæ
Momento cita mors venit, aut victoria læta.
Agricolam laudat juris legumque peritus,
Sub galli cantum consultor ubi ostia pulsat.
Ille, datis vadibus qui rure extractus in urbem est,
Solos felices viventes clamat in urbe.

10

Cætera de genere hoc (adeo sunt multa) loquacem
Delassare valent Fabium: ne te morer, audi,
Quo rem deducam. Si quis Deus, En ego, dicat, 15
Jam faciam, quod vultis: eris tu, qui modo miles,
Mercator: tu, consultus modo, rusticus: hinc vos,
Vos hinc, mutatis discedite partibus. Eia,
Quid statis? Nolint. Atqui licet esse beatis.
Quid causæ est, merito quin illis Jupiter ambas 20
Iratus buccas inflet? neque se fore posthac