Chi sont les status sor les meffais qui ave poines. parties deseurdis del queile partie ilh eskierat, por avoir memoire perpetuée de ladit englieze faite por les amendies deseurdit. Et lesdis cappelains XII deseurdis sieront perpetuelment del admission, correction et protection de venerable capitle de Liege deseur escript tant seulement. Et deveront eistre et sieront tos les biens qui à celle engliese sieront par fondation donneis et ensengniés, et qui sieront au temps future vendus, laisiés, almoneis, et qu'ilh poiroit avoir ou acquier, frans, quittes, liges et exens, et les affranquissons de toutes exactions, scos, debites, creneez', giestes, priiers, talhes, serviches et corweez envers tous prelaus, saingneurs, juges et justiches, spirituels et temporeils, auxqueis nos prions en humiliteit que ilh chest affranchissement ratifient et confirment por leur bonteis, tant et si avant que en eaux doit et puet apartenir. >> Et partant que par cheste nostre presente pronunciation est maintenant, nir puelent et lez et serat à toujours d'hors en avant, paix ferme et estaubles de toutes les guerres, morteilfaites, batalhes, haymes, rankeurs, mortaliteis, malsgriefs, mespresures, roubes, arsiens et meffais deseurdis, en queilconques manire que fais et avenus soient, de tout le temps derier jusques à ors, entres les linaiges, parties et personnes devantdit, si que deseur est contenus, nos, por contresteir à chu que li maligne espirs ne les puist entres elles faire resusciter et removeir le temps à venir, avons, d'acort common de nos les XII deseurdit, et par avis diligenment, por elles maintenir en paix à perpetueit, statueit et ordineit, statuons et ordinons par chest present pronunciation, que tous les fois que d'hors en avant avenront, comment que che soit ne eistre puist, en paiis del evesqueit et dyocese de Liege, entres les linagez, parties et personnes devantdites, soit de mort d'homme, soit de membre tolut, soit d'afolure sens membre perdre, soit de plaie ovierte, de sainc corant, de blechurez, de quassures, de batalhes, de hustiens, de piés, de pungnes, de parolles, et de teiles cas meismes' sieront ades noveals fais, à fait qu'ilh avenront, qui qui les faiche, lesqueis ne comparont fours que les faitules, et toutes altres manieres de gens en demoront quittes et en paix, sens guerriers, à nulle jour mais. Desqueis fais les corrections sieront teiles qui s'ensiwent : mort. >> Ilh est à assavoir, que quiquonques des partiies et linaiges deseurdit Le paines d'homme ochirat l'autre, mort rechiverat, se tenus est, et s'ilh n'est tenus, ilh eirt tantoist de son fait meismes banis et decachiés hors del paiis del evesqueit et dyoceise deseurdit, et en la cache de sangneur de paiis, et poirat qui qui soit parens ou proismes à mors, al corps de cheli faitule radrechier, sens meffaire encontre la justiche ne les amis de cheli faitule. Et poirat cascon teile faitule detenir et aresteir, sens meffair, por ly livreir à la justiche, et nelle poirat nuls aidier ne conforteir, por choze qui soit ne eistre puist; et s'ilh le fait, ilh iist' en point de malefaiteur en le maniere deseur escript, nequident de chi qu'ilh aurat asseis faite aux proismes del mort et à sain- Fol. 22, ro. gneur de paiis de cel meffaite, et ilh r'arait le franchiese de paiis et nient devant, sauf qu'ilh ne porait adonc encor rentreir en terres ne en poioirs de sangnour de lieu où ilh aurait le fait faite devant, jusques à tant qu'ilh aurat asseis fait à ly. Et ne porait ly sires de paiis à teile faitule son meffais pardonneir, ne li assegureir ne lasier en paiis rentreir, s'ilh n'at asseis fait premiers aux proismes des mors de se meffais. Et se li faitule noie le fais, et proveit soit por loiaule enqueste suffissamment, atains sierait de son honneur si que murdreurs. Et qui metterat avant faux tesmons, en che cas ne ens aultres chi-desouz escript, et les mentans et les tesmons sieront atains de leur honneurs, et ades demoront les amis de ches partiies en paix de celle mort et meffaite, sens reguerroier. Et se alcuns parties ou proismes de celle mort voist, apres le fait avenus et departit, por revengier le mort, alcun des proismes del faitule ochire, chis qui chu ferait sierait tantoist de son fait meismes banis et decachiés à tousjours mais, sens rapeal, hours del evesqueit de Liege et dyoceise awec, et poront les parens et les proismes de celle mort adrechier de leur male alle corps de cel faitule, où qui puist eistre atains, sens meffaire encontre le justiche, ne les proismes de cel faitule. Et ne le porait nuls aidier, conforteir ne sortenir, sour poine d'iestre en son point et en son estat, et yront tantoist les biens à ses heurs, à tosjour mais. » Item, statuons et ordinons que quiconques des parties des linaiges deseurdis, soit amis et enculpeis, que ilh aiet l'homecide devantdit devant plainte faite sourtenut ou conforteit, ilh soy porat de cel amiese3 purgier à 1 Yert. Ibid. Devantdit. Ibid. Citation. Voy. le Glossaire de Ducange, vo amissura. Ly status et la payne de cely qui l'homeeide sorcourat. son simple seriment, par enssi qu'ilh devrait jureir qu'ilh ne l'at sortenut et ne sortient teile homecide, ou jureir que ilh ne savoit que chis homecide awist le fait faite, ou qu'il en fuist amis ou enculpeis, quant ilh vient sor luy ou en sa maison; et jurrait encors que de donc en avant ne le sortenrait ne conforterait. — Item, se cel amise est apres plainte faite, purgier s'en poirat et devrait par U personnes dignes de foid, qui awec ly jurreront, et ilh enssi, qu'ilh n'at chis faitule sourtenut et nelle sourtient, et jurrat encore chis enculpeis par li soilement que ilh ne le sortenrat, ne confort ne ayde ne li ferat de donc en avant, son banissement durant devantdit. Et celle purgation faite enssi, chis inculpeis sierat del amiese en paix envers les proismes del mort et envers le saingnour de paiis, de tout che que ons li poroit por celle amiese demandeir. - Et se chis enculpeis ne se welt ou ne se puet enssi purgier, ilh eirt en point del banit deseurdit, mains ilh aurat apres chu VIII jours de dilation de voidier le paiis devantdit. Et s'ilh avient enssi que les proismes des mors deseurdis aient alcuns personnes de linaiges et partiies de paiis deseurnommeis en suspection qu'ilh aiiet sortenut ne sourtengne l'homecide devantdit, plaindre et demostreir s'en devrait alle justiche de lieu où chis suspicion ou enculpeis sierat manans, lequeile ons le devrait par II quinzaines faire adjourneir par II esquevins de lieu, qu'ilh soie vengne de cel amize excuseir. Et chis enculpeis le deverat faire dedens l'une de ches II XVnes, s'ilh est en paiis, sens maile engien, pardevant la partie deplaindainte s'el y welt yestre, et pardevant le maieur et les esquevins de lieu, et là jurrat lidis deplaindans, premierement qu'ilh tient et croit que son amiese soit vraie ; et se faire ne le welt, chis enculpeis en serat quitte de celle amiese. Et se cel justiche estoit defalante de che à faire que dit est, li sires de paiis ou ses offichiens poront et deveront et sieront tenus, en lieu de celle justiche defalante, de celle faulte acomplir, enssi et dedens teile tierme que celle justiche defalante le devoit faire. Et portant que por ches status et ordinanches ne deveront les meffais qui advenront en paiis deseurdis entres les linaiges, parties et personnes deseur escript, compareir, et ons aiet veyut en celle paiis meismes ardoir mansons par le justiche le saingnour, por chu que aulcunes qui estoient yssus de ches maisons aloient, sens le seute et volenteit de cheaz Par erreur sans doute pour suspecté. qui les maisons astoient, alcuns ochire, ou por chu que apres celle fait membres toulus. » Item, statuons et ordinons entres les linaiges et parties deseurdites, que Ly status et poine des quikonques d'eaux toulrat membre à aultruy, on li tourat teile membre que toulut aurat, se tenus est; et declarons membres tolut: piet ou pongne jus copeit, ou les II oeulx creveis; et se ilh n'est tenus, banis sierat tantoist de son fait meismes, et decachiés hours de paiis et dyoceise deseurdit, et en cache del sangneur de paiis XX ains. Et s'ilh noie le fait, et proveit soit par loiaul enqueste souffissamment, banis sierat et decachiés en teile manire XL ains. Et s'ilh rentre en paiis teile banissement durant, et tenus soit, ons li tourat teile membrez que toulut aurat. Et se poront à son corps revengier, devant chu que justiche en sierait faite, cheaz qui seront proismes et amis et de linaiges le blechiét dedens le paiis deldit evesqueit. Et encors, les XX ains ou les XL ains passeis deseurdites, qui sont pour l'amende le saingneur de paiis à chu mis tant soilement, s'ilh n'est al partie blechié en devant accordeis, li sires de paiis ne le poirat et nelle deverat assegureir ne lassier en paiis rentreir, s'airat al partiie asseis fait qui est blechié de son meffait premierement. Et li accordeit al partiie blechié et à saingneur de paiis, encors ne porait-ilh rentreir en la terre, ne en poieurs" de saingneur de lieu où ilh aurat le faite fait, s'airat asseis fait à chis sangnour ausi de son meffait. Et ne pourat enssi nus sortenir ne conforteir teiles faitules en paiis deseurdit, sour le paine qui deseur est miese à cely qui l'hommecide sortenrait. sens membre perdre. Item, statuons et ordinons entres les partiies de linaiges deseurdit, que Ly status d'afolure quikonques d'eaux aultruy affolerait sens membres perdre, ilh sierat banis et decachiés de son fait meismes hours de paiis et dyocese devantdit, et en Des plaiez et désobéissanche. a cache de saingnour de paiis X ains; en queile s'ilh y rentre, et proveit soit suffissamment por loiaul enqueste, ilh sierat banis por cest premiers rentreie de son fait meismes XX ains; et s'ilh y rentre après chu aultre fois, tous cheaz qui le poront attendre le poront prendre et detenir, sens luy ochire ne afouleire', por luy livreir à sangneur del paiis, qui ne le poroit ne deverait quitteir ne lassier alleir en manière nulle, s'aurait asseis fait à ly et al partiie blechié premièrement de ses meffais. Et déclarons affolures celles qui serat notoire, si que d'affolure de mains entier, de brechez', de jambes, de piet ou d'on oeulx creveis. Et se chis cuy ons creverait l'oulhe enssi n'ait que ons seul oelhe, adonc nos statuons et ordinons que chill oeulhe que ons li creverat enssi soit membres perdus, et que li faitule en soit alle amende, paine et taxation que de membre perdus, enssi que deseur est declareis et deviseis. >> Item, statuons et ordinons entres les linaiges et partiies devantdit, que de tous aultres menus fais que entres elles avenront en paiis devantdit, enssi que de membres brisiés sens afouleurs, de plaies overtes, de batures, de quassures de piés, de de piés, de pongne, de sanc corant, de parolles et teis3 fais menus, ly blechies soie poirait plaindre et de chu avoir recours alle loy de paiis, dedens le temps que ons doit plainte faire. Et se plaindre ne soy wet alle loy de paiis, ilh porait, s'ilh li plaist, son mail demonstreir à cheaz de nos les XII deseurdis que miese li plairat, ou qu'ilh pourat plus toist avoir fin. Et chis de nos auxqueilez chu sierat demonstreit enssi, deveront à plus toist que pouront à chu entendre sens malengien, et prendre awec eaux tant de nos lez XII deseurdis que ilh en poiront avoir bonnement. Et chis les partiies à chu appelleis enquieront del faite, et teile amende qu'ilh taxeront sour les faitules, solonc le quantiteit del meffait et des personnes, deverait et sierait tenus de faire chis faitule, et dedens le tierme et sour teiles paines que ches taxeurs ordineront et injonderont à ly. Et se chis faitule est de chu inobediens et rebellez, et ne faiche l'amende qui enssi li sierat injonte, et laisse le tierme de son amendes expireir, nos statuons et 1 Affoler. Pour bresses, bras. De tous, dans les deux pavillards cités cidessus. Miesc pour mies, mieux. Ce mot doit être de trop, et ne se trouve pas dans le texte des deux pavillards. |