maison Gerart de Goreur qui estoit balhier de Hesbain, et là dest li balhier à li qu'ilh alast al maison Johan de Tilhou, et venissent deleis li tous armeis. Et adonc Johans de Tilhou et pluseurs altres vinrent tous armeis al maison ledit balhier. Adonc veiit-ilh Giles de Bersés resachier le strouke' d'onne baniere blanke, où ilh avoit eus alcunne coleur de noir, dedens le maison, et dest: « Beais sangnours, avisons-nos. » Et adonc dest Johans de Tilhou qu'ilh soy retrairoit en son vinable; et adonc dest Giles de Bersés que chu estoit li melheur, car plus de gens auroient, mies valroit por eaux. - Item, ilh dest qu'ilh savoit bien que Giles Salhet fist recoupeir, le nuit que li trahison devoit avenir, à Sainte-Magriet, à Ains, à Montengnée et altre part, por avoir les gens de leur aiide. Et apres chu ilh oiit dire Giles Salhet, que Wilhem Datin avoit dit que ses amis se retraissent as Balanches. Item, ilh dest que ilh oiit dire Gerart de Goreur que ons wardasse bien le porte d'Aroit, affin qu'ilh en fussent maistres por lassier ens leur amis del banlieu ou d'altre part; car Johans Toussaint faisoit I wait à Avroit que li balhier li faisoit faire; car de chi à Huy n'avoit-ilh mie IIII hommes qui fussent contraire à leur oppinion. -- Apres ilh veit Johans de Hesbain, qui enportoit le banire fours del maison ledit balhier; mains adonc furentilh mals d'accort, dont ilh covient ens resachier ledit banire. Adonc.dest li balhier: «< Sereis l'husserie . » Et apres chu dest li balhier à dit Lorent qu'ilh alast à Sains-Servais veioir nostre maistre Wilhem, por savoir en queile pont ilh estoit. Adonc respondit lidit Lorent que li pas estoit sereis à Pont d'Isle. Et adonc dest li balhier qu'ilh s'en allassent sour Mouse, et là troveroient-ilh unc ponton. Et adonc s'en allont-ilh passeir Mouse, et vinrent al maison Wilhem Datin; mains quant ilh vinrent laens, ons les dest qu'ilh estoit laval', et adonc s'en allont-ilh vers le maison Giles le proidhomme, et oïrent crier : al arme.

Et dest avant que, quant li mestier dez fevres fut ensemble as Meneurs, que Johans de Tilhou vient as treest en disant que ons s'armast. Et cheli jour del vesprée Johans de Tilhou et Ernul Maelfrait eurent armeis en

Fol. 76, r".

Comment Lorent fut justichiet.

2

-

1

leur maison X ou XII compangnons.
Item, ilh dest avant que I jour
qu'ih estoient en mostier Saint-Lambert, qu'ilh disoient l'unc à l'autre que
Waltier Datin revenroit en la citeit; car cheaz nel voloient nient r'avoir,
qui avoient paour que Waltier Datin ne les fesisse compareir le promesse
que ons avoit fait à madamme de Borgongne, et certe s'ilh revenoit ilh
diroit tout la chouse. Item, ilh dest que li balhier des Hesbain avoit dit
qu'ilh li feroit avoir le verge affin que remanisse deleis li, car ilh savoit
bien que li maire estoit leur bons amis. - Item, ilh dest qu'il avoit oyut
dire le balhier de Hesbain, que monsangnour le mandat le jour que les
fevres furent ensemble as Meneurs, et li dest qu'il soy retraisse et fesisse
resomonr les vernais 3, car por li n'oroient point de default. Et adonc li dest
li balhier: « Monsangnour, je ne le croie mie, car j'ay des bons amis qui
» m'ont lassiet savoir que les fevres sont bien d'acort del mettre les esplois
>> en vos mains. » Adonc dest monsangnour: «Ne crois-tu point, pensse-tu
» tout savoir? >> Et sourplus dest-ilh que ilh ne savoit point justement
tous les secreis qui estoient entre les capitaines, ne comment ne quant le
citeit devoit estre trahie, et s'ilh fussent venus à leur fais comment ons se
devoit useir; mains ilh creioit, se ons poioit attrappeir alcuns desdis capi-
taines, que ons saroit adonc tout leur volonteit et le trahison. Et dest avant
que Servais Soufflet, quant ilh parloit de Waltier Datin, ilh disoit qu'ilh
estoit fors asseis sour son mestier et plus que nostre maistre Bareit, et avoit
bien pussanche del faire revenir Waltier Datin à loi. - Et quant lidit Lo-
rent oit tout chu dit en presenche de maire et des esquevins, ilh fut livret
à maieur qui estoit por le temps, que ons nommoit Ystause Chabot, san-
gnour de Mosaie, qui demoroit el cachie de Preit, à piet de pont des Arches.
Liqueis maieur fist faire dedit Lorent une tres-crueuse justiche; car, por
donncir aux altres exemple, ilh fist metre I banc devant le Destroit et les
greis de marchiet, et ameneir ledit Lorent devant li, qui savoit mult bien
parleir, et cognut devant la justiche, assavoir maieur et esquevins de Liege,

1 Voilà un mot qui s'est déjà présenté à la page 508, ligne 27, et que nous reproduisons, ne pouvant déchiffrer autrement les trois lettres dont il se compose dans le MS.: un e surmonté d'une abréviation et suivi de la syllabe te.

Il y a ici une allusion à quelque fonction pu

blique. Certains employés portaient une verge ou un bâton comme signe de leur qualité.

3 J'avoue humblement ne rien comprendre à cette expression. Resomonre peut signifier rappeler; mais qu'indique le mot vernais ou vervais?

2

et tout le peuple qui estoit là assembleis tres-grand nombre de gens, tout chu que devant avoit dit et confesseit. Et là oit-ilh coupeit le tieste. De là fut-ilh mis sus unc banc, et en fist maistre Copkin, qui estoit bochier de Treit, quatre quartiers, lesqueis quartiers ons mist et sa tieste aux portes ou à plus pres de la citeit de Liege, et les traienoit lidit Copkin en I banste loiet d'onne corde en lieu où ilh les voloit avoir. Et apres luy s'en alont pluseurs jovenes enfans por chu veioir; et son corps fut, quant les membres furent distribueis, mis en la banste devantdit, qui remanit tout jour tant qu'ilh awist asseneis les membres devant les greis Saint-Lambert, qui estoit crueux et hisdeux chouse à veir. Et puis fuit li remanant de corps herchiet1 en ladit banste sus le grant pont, et jetteis en Mouse. Et fut enssi cel justiche fait à Liege l'an devantdit XIIIe et XXXIII, le Xe jour de mois de jenvier. Apres chu fut pris à Treit Colet Blancbarbe, qui avoit esteit mult favorable à cheaz Datin, et at cognut et gehit sens tenir, ne yestre travelhiés ne stendus, et deleis lequeile ilh est demoreis plainement jusqu'à sa mort; chi'apres s'ensiiet le manire comment. — Premier demorat lidit Colar Blanc- Legehinne Colet Blane barbe entirement deleis le confession et testamens le devantdit Lorent, com de li en at dit et gehit. Et dest encor plus avant qu'ilh devoit avoir, des devantdis milhe florins, et seroient pris as biens de cheaux qui ne seroient aidans à Waltier Datin. - Et dest avant que chest obstat fut fait et ordinée al maison Wilhem Datin trois jours devant que le remour avient; et chu ordinarent Wilhem Datin, Gerart de Goreur, le jovene Waltier Datin, Wilhem de Harche, Henri Brech, Johan Nyvar, Piron Borget, Winan le carpentier, le jovene Renkin Orban et le jovene Bonem. — Et dest avant que chest obstat fut fait, por ches personnes chi-apres escript à ferir jus et por tueir en leur maisons ou altrepart, assavoir: Fastreit Bareit Surlet, Henri del Cachie, Johan de Bernamont, Alixandre de Serain, Clouz del Cyvre, Andrier de Hacourt et Gerar del Vesquecourt. Et tout ches chouses devoient eistre faites por Waltier à ens r'avoir et ramineir, et pour metre la citeit à leur volenteit.Et dest encors que les personnes chi- · apres escriptes furent consentans à toutes ches obstat, et y awissent esteit

' Traîné. Voy. Grandgagnage, vo hierchi. Ailleurs Colar.

s Travaillés et étendus sont des allusions à la

torture à laquelle étaient d'ordinaire soumis les
accusés, surtout les récalcitrants.

barbe.

Fol. 76, vo.

aidans et confortans en toutes manieres, assavoir sont : Johans d'Awilhincamps, Hervis, Servais Sofflet, Lambert Datin, Winant le varlet, Waltier Datin, Wilhem son rechuvoir, le fis Johan de Burgilay, Johans demorant desous Saint-George, et Arnus Mealfrais. Et por chi fait Gerart de Goreur donnat à dit Colar une fois II florins et VIII croustert', et à li-meismes donnat-ilh encor une altre fois unc florin, et le jovene Waltier Datin li donnat XIIII bogdrahes'; et cheli argent li donnarent-ilh portant qu'ilh frequentoit et alloit entre les compangnons, por atraire et à li eistre aidant et confortant deldit obstat. Et Wilhem de Harche donnat à dit Colart, en l'engliese Saint-Lambert, I florin, lequeile ilh le donnat en le presenche de Wilhem l'entalheur, demorant en Pereux 3; mains por quoy che estoit à faire, ilh ne le savoit.

3

Apres dest lidit Colar que tout ches chouses at parsuit Wilhem Datin, com dit est, et conselhiet del fair; mains ilh en voloit avoir ses mains nettes, et n'en voloit riens savoir. - Item, environ d'une heure apres méenuit de matin, que toutes les chouses estoient jà commenchié, veit lidit Colar Henri del Cachie; adonc tantoist de là alat-ilh al maison Wilhem Datin, et là trovat-ilh bien plus de cent hommes armeis, et là dest-ilh comment ilh avoit veyut Henri del Cachie qui s'en aloit; adonc dessent-ilhs tout ensemble qu'ilh avoient tres-mal fait, en disant que che estoit leur dolant qu'il ne l'avoient cachiet ou assegiet en alcunne maison. Et enssi Andrier de Lairdieu et Giles de Namure avoient une summe de gens armeis en leur maison. Et dest qu'ilh fut à Liege presens là Giles del Stouve fut tueis, et en avoit fait bonne paix. - Et dest avant que Antonne de Beghine avoit eyut enssi de chesti argent, et enssi Johan de Hesbain; et Johan de Tilhou, Arnus Maelfrail et Wynan le carpentier enssi. Et tenoit lidis Colar que toutes les personnes et les armeis qui estoient en leur maisons armeis, avoient eyut de cheli argent.-Chi-apres s'ensiwent cheaux qui del obstat savoient à parleir, assavoir : Pirar le blavier, Lowy Fraisant, Balduin Roisar, Pirlot le governeur des hulheurs, lesqueis III personnes derains nommeis furent envoiet de part Wilhem Datin al maison Gerart de Goreur

1 Kreuzer.

2 Plus haut bogdrais.

3 Pierreuse.

Je retranche ici les mots Wilhem Datin, qui évidemment sont de trop.

apres méenuit, por ledit remour qui estoit enssi esmows. Et savoient enssi à parler de chesti obstat le fostier de Froimont et son fil, et le jovene Gile Pangnol. Item, tant que del fait de jour del visitation Nostre-Damme, dest-ilh que uns appelleis Pangnoceal, qui estoit marlier de Saint-Severin, chis escript et fist les fauses cedulles par l'ordinanche Pirar le blavier, Johan Nyvar, Henri Brech; et tant que de monsangnour de Liege, ne savoit lidis Colar riens en maniers nulle. Chi s'ensiwent cheaz qui sortenoient gens armeis en leur maisons: Andrier de Lairdieu, Johans de Namure le taneure, Henry Brech, Johan Nyvar, Gerart de Goreur et pluseurs altres. Et disoient l'unc à l'autre qu'ilh aroient bien II maistres; mains de Johans de Levrier ilh ne savoit riens. Por le tesmongnage de tout chu que dit est, aye je, Oloffe Happair, maire de Treit, mon sael par desus applichiet en singne de veriteit, l'an XIIIIe et XXXIII, le XXme jour de mois de jenvier. Et le devant gehinne fut lidit Colar Blancbarbe justichiiet el vilhe de Treit, et fut mis sus une rue 1; et cognut tout le devantdit sedition, semblamment que avoit fait Lorent à Liege. Et Colart de Lavoir, dont j'ay parleit chi-devant, avoit une très-male lenge et estoit de mult malvais parleirs; chis fut mors crueusement al debat des Trois Roys à Liege. Et fut mis à mort lidit Colar Blancbarbe à Treit, l'an devantdit, le XVIIIme jour de mois de jenvier.

arses.

Et deveis savoir que, por cel sedition qui fut fait por cheaux Datin, fu- Dez maisons qui furent rent arses leurs maisons, enssi com devant est dit et chi-apres escript assavoir l'an XIIIIe et XXXIII, le VIe jour de jenvier, qui estoit le jour des Trois Roys, le commonalteit de Liege ardirent les maisons Waltier Datin et Wilhem son cusin à Montengnée, et le maison Johans de Bolsée à Bolsée, et le maison Gile Salhet à Molins. Item, en l'an devantdit, le VIIe jour de jenvier, ardirent cheaz de Liege II maisons à Fromont, assavoir le maison le fostier et de son fis, et chi propre jour le maison Lambert Datin à Grivengnée. Item, en l'an devantdit, en mois de jenvier le IXe jour, ardirent cheaz de Liege à Wonghe IIII maisons, assavoir à Johan de Harche et à Wilhem de Harche son fil et II altres. Et en l'an devantdit, le IIIIe jour de mois de fevrier, ardirent cheaz de Liege le maison Gerart de Goreur à Goreur, qui estoit balhier de Hesbain, et le maison Colar Orban à Berlo.

1U étant d'ordinaire employé par notre chroni- queur pour ou, on comprend qu'il s'agit ici de roue.