sitis. Historias Sanctorum ex puris fontibus et ad sanæ criticæ leges describi curavimus. Responsoria singulis Lectionibus subjuncta fuerunt, cum iisdem eximiam consensionem quantum licuit præbentia. In iis autem Responsoriis necessitudinem utriusque Testamenti sectati sumus; quoties tamen hæc necessitudo sese obtulit sponte, neque per vim et quasi verborum lusibus, fuit accersenda; illam enim reformidavimus quam Tertullianus cædem Scripturarum appellat, in Scripturis quidquid velis inveniendi facilitatein. Nec tamen contra sanas ire visum est regulas, si quandoque pias a sensu litterali ad accommodatitium transitiones admitteremus; ex his nempe quas jure quodam præscriptionis sibi jamdudum consecratas habet pietas publica, et in quibus sanctos Patres duces ac sponsores haberemus. Orationes fere omnes ex veteribus petitæ sunt Sacramentariis, vel ex aliis libris Liturgicis apud Ecclesiam Gallicanam probatissimis. Si quædam sint novæ, eas ad antiqui styli simplicitatem et unctionem concinnatas fuisse facile deprehendetis ; Dominicis autem per annum, sicut et Feriis intra Quadragesimam, specialiter adsignatæ sunt quæ magis apposite cum Evangelio diei congruerent. Feriale Officium, etiam extra Quadragesimam, suas varias et proprias habet Orationes, vel tempori vel diversis Hebdomadæ diebus consonantes. Canones pro singulis anni diebus ad Primam legendos apposuimus, præsenti quidem disciplinæ consentaneos; et quo majoris essent apud vos momenti, ex Conciliis generalibus, quorum veneranda est ubique terrarum auctoritas; ex Mediolanensibus, sub S. Carolo; ex Meldensibus, Parisiensibus, Senonensibus, quibus interfuerunt nostræ Ecclesiæ Pontifices; aut ex aliis intra Gallias habitis, ut plurimum decerpere studuimus. Statuta autem Synodalia Ecclesiæ Meldensis, præcipue vero quæ a Bossuetio nostro fuerunt decreta, nefas erat negligere. In hoc novo Breviario, si plane adtenditis, fratres carissimi, minor est quidem, quam in præcedentibus, copia verborum quotidie recitandorum; sed magis rebus abundat, quæ fidem vestram foveant, doctrinam enutriant, atque pietatem dulcioribus accendant affectibus. În eodem multo plura vestræ sollicitudini offeruntur subsidia quibus populos vobis commissos scientia salutis æternæ instruatis facilius. Unum superest, quod nostri maxime est muneris, adhortari vos, fratres ornatissimi, et pars nostri gregis dilectissima, ut toto erecti animo, has preces vobis quotidianas eo recitetis pietatis sensu quem sanctissimi illius ministerii magnitudo postulat. Sed simul vos Ministros Christi et dispensatores mysteriorum Dei (1) enixe precamur et obsecramus ut, quantum humana fragilitas patitur, huic angelico muneri mores angelicos præmittere non omittatis: Multum enim valet deprecatio justi assidua (2), sed Non est speciosa laus in ore peccatoris (3). Felices igitur, qui psallendo Deo nostro, psallunt sapienter; quia dum eum laudant, toti laudant, ut vult Augustinus vita videlicet et factis, simul ac voce eloquia ejus cantantes; sed heu miseri, qui dum labiis Dei supremi justitias enarrant, cor eorum ab eo ita longe est, ut oratio eorum fiat in peccatum, quia oderunt disciplinam ejus et projecerunt sermones ejus retrorsum! Confidimus de vobis, dilectissimi, meliora et viciniora saluti (4), et hoc unum Deum (1) I. Cor. 4. (2) Jac. 5. (3) Eccli. 15. , nostrum atque Patrem misericordiarum flexis genibus oramus, ut quod cœpit in vobis opus bonum, ipse perficiat et confirmet. Quocirca ut uno a nobis ore ac precationis ritu glorificetur Deus, de venerabilium fratrum Ecclesiæ nostræ Cathedralis consensu, mandamus et præcipimus omnibus nostræ dioeceseos Ecclesiis, Seminariis et Collegiis, necnon quibuscumque Clericis ad recitationem Horarum Canonicarum adstrictis, ut hoc nostro utantur Breviario; prohibemusque ne aliud quodvis sive publice in Choro, sive privatim extra Chorum, absque peculiari a nobis concessa facultate, recitare præ sumant post Festum SS. Trinitatis anni proxime sequentis (14 Jun. 1835); declarantes omne aliud Breviarium saltem quoad privatam recitationem, elapso tempore prædicto, fore interdictum, prohibitum et illicitum. Et quoniam in cordibus nostris estis ad commoriendum et ad convivendum (1), obsecro vos, Fratres, per Dominum nostrum Jesum Christum, et per caritatem sancti Spiritus, ut adjuvetis me in orationibus vestris pro me ad Deum. (2) Datum et promulgatum in Seminario nostro Clero Meldensi ad Exercitia spiritualia congregato, die decima mensis Octobris, ante primas Vesperas Sancti Sanctini, primi Meldensis Episcopi, anno vero reparatæ salutis millesimo octingentesimo trigesimo quarto. 1 +ROMANUS FREDERICUS, EPISC. MELD. DE MANDATO ILL". AC REV. DD. EPISCOPI, BREUL, Can. Secr. 2 (1) II. Cor. 7. (2) Rom. 5. Hæc tabula inservit ad inveniendam diem mensis in qualibet die Hebdomada. Litteræ in capite columnarum positæ, sunt Dominicales dierum quæ subtus ipsas in eisdem columnis designantur. Indicati sunt tantum septem priores dies cujusque mensis, præter Januarium, ex quo, utpote completo, ceteris suppleatur. Quænam autem sit Littera Dominicalis pro quolibet anno, usque ad 1978 inclusive, videre est ad Tabulam Paschalem retro scriptam. |