STATUTA

1] 1) Statutum et ordinatum est per fundatores et confratres istius hospitalis, quod singuli presbyteri cuiuscumque nationis fuerint, suas missas in eodem celebrantes, habeant omnes fundatores et confratres, sorores et benefactores tam vivos quam mortuos dicti hospitalis in huiusmodi missis specialiter Deo commendatos. Quicumque omnes alii presbyteri in dicto hospitali hospitati ac aliis emolumentis dictae domus gaudentes, sive in eodem hospitali aut transeundo circuitum in aliis locis devotis, missas suas celebraverint, pro huiusmodi fundatoribus et confratribus, sororibus ac benefactoribus tam vivis quam mortuis orare specialiter teneantur. Et quicumque aliquid predictorum expresse adimplere recusaverint, in dicto hospitali hospitari aut huiusmodi missas celebrare in eodem nullatenus tolerentur.

Oratio.

Omnium sanctorum tuorum intercessionibus, quesumus Domine, gratia tua nos semper protege, fratribus, sororibus, amicis et benefactoribus huius hospitalis et christianis omnibus viventibus atque defunctis, misericordiam tuam ubique pretende, ut viventes ab omnibus impugnationibus sint tua opitulatione defensi, et defuncti remissionem mereantur suorum omnium accipere delictorum. Per D. N. etc. Numeri uncis inclusi indicant paginas codicis manuscripti.

Secreta

Oblationes nostras, quaesumus Domine, propitiatus intende: fratribus, sororibus, amicis et benefactoribus huius hospitalis et ob tuorum omnium sanctorum honoreni veniam nobis nostrorum tribue peecatorum et christianis omnibus viventibus atque defunctis hec presens oblatio presentis vite subsidia et futura premia eterna adquirat. Per Dom. etc.

Complenda.

Hec sacrificia, que sumpsimus, Domine, meritis et intercessionibus omnium sanctorum nobis ad salutem proficiant et fratribus, sororibus, amicis et benefactoribus huius hospitalis et christianis omnibus viventibus atque defunctis, te favente, eterna ac temporalia premia benigne acquirant. Per Dom. etc.

2) Item singulis quatuor temporibus seu septimana immediata sequente fiant exequie solemnes pro animabus fratrum, sororum et benefactorum predictorum cum collecta secreta et complenda predictis in dicto hospitali.

འ་་་་

3) Item singulis diebus hora vicesima quarta cantabitur < Salve regina » vel « Regina çeli » iuxta exigentiam temporis cum pulsu Ave Maria. Et presbyter dicto de profundis, et aspersa aqua benedicta dícat collectam predictam pro animabus predictis.

4) Item quilibet inscribendus in fraternitate tenetur pro recognitione fraternitatis, et onerum, supportatione dare XV, et singulis temporibus supradictis tres aut saltem omni anno duodecim obolos assignare provisori pro tempore existenties 200m

5) Item provisor in signum fraternitatis tenetur cuilibet fratri et sorori obolos predictos solventi in festo Purificationis assignare unam candelam iuxta conditionem et statum recipientium.

6) Item quilibet presbyter hospitatus in dicto hospitali tenetur interesse divinis officiis supplicatus et, si recusaverit, expellatur et similiter tenetur ad missas legendas iuxta arbitrium provisorum.

7) Item quilibet peregrinus, sive masculus sive femina, hoc petens debet in dicto hospitali propter Deum recipi et tribus vel quatuor noctibus aut alias iuxta arbitrium provisorum in lecto et linteaminibus munde collocari et postea hospitale ad premissa non tenetur.

8) Item in electione provisorum talis servetur ordo, quod post renuntiationem officii antiquorum provisorum unus illorum de novo deputetur; et illi unus vel duo novi ad voluntatem confratrum, qui ad hoc specialiter sunt vocandi, adiungentur sic, quod semper unus ex antiquioribus remaneat, ut statuta et consuetudines et alia per seniores magistros observ...ab eisdem studeat et introduc... observet.

9) Item quod antiqui provisores seu magistri praesentibus fratribus vel per fraternitatem deputandis, novis provisoribus seu magistris infra decem dies de expositis et sublevatis ac rebus et bonis hospitalis reddere computum et rationem et novi magistri similiter ad accipiendum computum et rationem huiusmodi teneantur sub pena arbitraria per fratres infligenda.

Hucusque scripsit prima manus, quae videtur
esse Henrici a Marwede, copistae.

10) Item quod dicti antiqui magistri de eorum dispensatione et administratione, adiunctis nonnullis fratribus eiusdem hospitalis, ut moris est, infra terminum per novos magistros aliosque fratres dicti hospitalis prefigendum faciant debitam rationem de omnibus receptis et expositis, et si infra dictum terminum hoc facere neglexerint, ultra penam arbitrariam, per magistros novos et fratres huiusmodi statuendam, decem ducatos auri de camera in usum dicti hospitalis toties quoties irremissibiliter solvere teneantur, nisi legitima causa et per fratres sufficiens reputata illos a prefata solutione excusaret.

11) Item quod per prefati hospitalis capellanum vel sacristam aliosve ministros tempus, quo novorum magistrorum electio et antiquorum magistrorum ratio seu computus fieri debuerit, singulis fratribus eiusdem hospitalis legitime intimetur. Et quicunque eorum scilicet fratrum etiam non vocatus electioni novorum et rationi antiquorum magistrorum interesse voluerit, absque contradictione quacunque admittatur.

12) Item quod in electione novorum magistrorum maior pars fratrum in electione virorum idoneorum appropriatorum, bona conscientia moribus et honestate perfulgentium minori parti anteferatur, nisi ex evidente utilitate videatur, antiquos magistros fore continuandos.

Nomina summorum pontificum,qui fuerunt tempore huius hospitalis et erunt pro tempore.

1342 Clemens VI. papa CCV, qui vixit annis XI et suo tempore in Jubileo anno 1350 primo hospitale fuit inceptum per quendam Ioannem Petri de Dordraco, laicum Almanum, et Catherinam legitimam eius uxorem, intuitu pauperum Almanorum propter Jubileum in urbe tunc existentium.

1353 Innocentius VI. papa CCVI vixit annis X. 1362 Urbanus V. papa CCVII vixit annis octo. 1371 Gregorius XI. papa CCVIII annis VII. mensibus quinque reduxit curiam a Francia.

1378 Urbanus VI. papa CCIX annis XI. mensibus VIII.

Notandum, quod dicto Urbano canonice electo et in die pasche coronato, certi cardinales, forte ut papatus ad Gallos reduceretur, confingentes, per vim et metum elegisse, in civitate Fundarum Rupertum Gebenensem cardinalem in papam, qui Clemens septimus post cuius obitum in Francia..... cardinales Petrum de Luna, qui Benedictus XIII. vocabatur nulliter elegerunt, quodque....Benedictus....usque ad tempora Martini infradicti gerebat se pro indubitato pontifice et quod post obitum eiusdem quidam abbas assumptus erat, qui evanuit per processus pape Martini V.

1389 Bonifacius IX. papa CCX per obitum Urbani electus annis XIV mensibus IX, qui reaedificavit castellum sancti Angeli.