TRACTATUS THEOLOGICUS DE CHARITATE EJUSQUE DISCRIMINE AB SPE THEOLOGICA, ET RELIGIONE, SYSTEMA CL. D. JOANNIS VINCENTII BOLGENJ ACCEDIT APPENDIX INDIARUM APOSTOLO SANCTO FRANCISCO XAVERIO. N on Vota tibi, Suavissime Xaveri, non munera, quæ nulla mihi, vel certe exigua suppetunt, ad Aras tuas appensurus accedo. Tuam ego requiro benevolentiam, auxilium exposco, et intercessionem imploro, qua vere possim Doctrinæ Christianæ Caput, quo majus extat nullum, methodo exponere congruenti, et ratione theologica ex omni petita fonte confirmare. In discrimen adducitur, Amantissime Pa rens, quæ in tuo semper fixa fuit animo, vera, et germana notio illius Charitatis, quam infans in Patria pene cum lacte suxisti, Magister in celeberrima Parisiensi Academia tradidisti, et Vas electum ad Dei Nomen portandum in Gentibus, in trecentis ferme Barbarorum Regionibus miro conatu, et uberrimo animarum fructu, supra quam dici potest, exercuisti, innumeris annuncians linguis, et nulla in tot peregrinationibus admissa requie, amandum esse Deum ex toto corde, præciso etiam Inferni metu, et Spe abstracta Colestis Beatitudinis, ob ejus meritum ineffabile et Bonitatem infinitam, a qua ut omnia, quæcumque sunt tandem bona, tanquam a fonte inexhausto promanant, sic in eandem ulet regressu facili referuntur. Equidem fateor, rem, ta tro, |