O memoriale mortis Domini, Panis vivus, vitam praestans homini: Pie pellicane Jesu Domine, Me immundum munda tuo sanguine : Totum mundum quit ab omni scelere. Jesu, quem velatum nunc aspicio, Visu sim beatus tuae gloriae. Amen. (Indulg. 100. dierum. Leo XIII. P. P. 20. Dec. 1884.) ASPIRATIONES S. Ignatii ad Ss. Redemptorem. Anima Christi, sanctifica me, Ut cum sanctis tuis laudem te (Post missam indulg. 7. annorum semel in die, secus 300 dierum toties quoties. Si quotidie recitetur indulg. plen. semel in mense. Pius P. P. IX. 9. Jan. 1854.) ORATIO CORAM IMAGINE CHRISTI CRUCIFIXI. En ego, o bone et dulcissime Jesu, ante conspectum tuum genibus me provolvo, ac maximo animi ardore te oro atque obtestor, ut meum in cor vividos Fidei, Spei et Charitatis sensus, atque veram peccatorum meorum poenitentiam, eaque emendandi firmissimam voluntatem velis imprimere; dum magno animi affectu, et dolore tua quinque Vulnera mecum ipse considero, ac mente contemplor, illud prae oculis habens, quod iam in ore ponebat suo David Propheta de te, o bone Jesu: Foderunt manus meas et pedes meos: dinumeraverunt omnia ossa mea. Ps. 21. (Indulg. plenar. Pius P. P. IX. 31. Julii 1858.) ORATIO AD DOMINUM JESUM CHRISTUM. Obsecro te, dulcissime Domine Jesu Christe, ut passio tua sit mihi virtus, qua muniar, protegar, atque defendar: vulnera tua sint mihi cibus potusque, quibus pascar, inebrier atque delecter: aspersio sanguinis tui sit mihi ablutio omnium delictorum meorum: mors tua sit mihi gloria sempiterna. In his sit mihi refectio, exultatio, sanitas et dulcedo cordis mei: Qui vivis et regnas in saecula saeculorum. Amen. (Post missam recit. indulg. 3 annorum. Pius P. P. IX. 11. Dec. 1846.) ORATIO S. CAJETANI. Respice Domine de sanctuario tuo et de excelso coelorum habitaculo, et vide hanc sacrosanctam Hostiam, quam tibi offert magnus Pontifex noster, sanctus puer tuus Dominus Jesus pro peccatis fratrum suorum; et esto placabilis super multitudinem malitiae nostrae. Ecce vox sanguinis fratris nostri Jesu clamat ad te de Cruce. Exaudi Domine: placare Domine: attende et fac: ne moreris propter temetipsum, Deus meus, quia nomen tuum invocatum est super civitatem istam et super populum tuum: et fac nobiscum secundum misericordiam tuam. Amen. Ut civitatem istam defendere, pacificare, custodire, conservare et benedicere digneris. Te rogamus audi nos. (Indulg. 100. dierum. Pius P. P. IX. 4. Febr. 1877.) ORATIO AD B. M. V. O serenissima et inclyta mater Domini nostri Jesu Christi, virgo Maria, regina mundi, quae eumdem Creatorem omnium creaturarum in tuo sanctissimo utero fuisti digna portare, cuius idem sacratissimum corpus et sanguinem sumpsi, ad ipsum pro me misero peccatore intercedere digneris; ut quidquid in hoc ineffabili sacramento ignoranter, negligenter, irreverenter, et accidentaliter omisi, tuis precibus sanctissimis mihi indulgere dignetur, qui vivit et regnat in saecula saeculorum. Amen. O Regina plena maiestatis! ne avertas oculos tuos misericordes a nobis: fac precibus tuis, Mater charissima, ut Deus consummet adoptionem discipulorum, et gloriosum titulum filiorum, et cohaeredes effecti dilectissimi Filii tui, tecum eius semper laetemur aspectu. Amen. ORATIO AD B. M. V. O Maria, Virgo et Mater sanctissima, ecce suscepi dilectissimum Filium tuum, quem immaculato utero tuo concepisti, genuisti, lactasti, atque suavissimis amplexibus strinxisti. Ecce, cuius aspectu laetabaris, et omnibus deliciis replebaris, illum ipsum tibi humiliter et amanter repraesento, et offero tuis brachiis constringendum, tuo corde amandum sanctissimaeque Trinitati in supremum latriae cultum pro tui ipsius honore et gloria, et pro meis, totiusque mundi necessitatibus offerendum. Rogo ergo te, pissima Mater, impetra mihi veniam omnium peccatorum meorum, uberemque gratiam ipsi deinceps serviendi, ac denique gratiam finalem, ut eum tecum laudare possim per omnia saecula saeculorum. Amen. (Indulg. 100. dierum. Leo P. P. XIII. 20. Dec. 1884.) DEPRECATIO PRO ALIORUM NECESSITATIBUS. (Ex Constitut. Apost. lib. VIII. cap. 15.) Domine, Deus omnipotens, Pater Christi tui benedicti Filii, exauditor eorum qui recte invocant te, cognitor precum etiam eorum qui tacent; gratias agimus tibi quod nos dignos censuisti, qui participaremus sancta tua mysteria, quae praebuisti nobis ad plenam eorum quae bene cognovimus persuasionem, ad custodiam pietatis, ad remissionem delictorum; quoniam nomen Christi tui invocatum est super nos. Qui segregasti nos ab impiorum communione, aduna cum iis, qui tibi sunt consecrati; confirma nos in veritate per sancti Spiritus adventum; quae ignoramus, revela, quae deficiunt, supple, quae novimus, corrobora. Sacerdotes inculpatos conserva in cultu tuo, reges tuere in pace, magistratus in iustitia, aërem in temperie, fruges in ubertate, mundum in omnipotente providentia. Gentes bellicosas seda; errantes converte; populum tuum sanctifica; virgines conserva; coniuges custodi in fide; castos robora; nuper initiatos firma; catechumenos erudi, ac dignos initiatione redde; nosque omnes congrega in regnum coelorum, in Christo Jesu Domino nostro; cum quo tibi gloria, honor ac veneratio, et sancto Spiritui in saecula. Amen. OBLATIO SUI. Suscipe Domine universam meam libertatem. Accipe memoriam, intellectum, atque voluntatem omnem. Quidquid habeo, vel possideo, mihi largitus es: id ibi totum restituo, ac tuae prorsus voluntati trado gubernandum. Amorem tui solum cum gratia tua mihi dones, et dives sum satis, nec aliud quidquam ultra posco. (Indulg. 300. dierum. Leo P. P. XIII. 26. Maii 1883.) ORATIO S. AUGUSTINI edita iussu Urbani Papae VIII. Ante oculos tuos, Domine, culpas nostras ferimus, et plagas quas accepimus, conferimus. Si pensamus malum quod fecimus, minus est quod patimur, maius est quod meremur. Gravius est quod commisimus, levius est quod toleramus. Peccati poenam sentimus, et peccandi pertinaciam non vitamus. In flagellis tuis infirmitas nostra teritur, et iniquitas non mutatur. Mens aegra torquetur, et cervix non flectitur. Vita in dolore suspirat, et in opere non se emendat. duramus. Confitemur in correctione, quod egimus: obliviscimur post visitationem quod flevimus. Si extenderis manum, facienda promittimus: si suspenderis gladium, promissa non solvimus. Si ferias, clamamus ut parcas: si peperceris, iterum provocamus ut ferias. Habes Domine confitentes reos: novimus quod nisi dimittas, recte nos perimas. Praesta, Pater omnipotens, sine merito quod rogamus, qui fecisti ex nihilo, qui te rogarent. Per Christum Dominum nostrum. Amen. V. Domine non secundum peccata nostra facias nobis. R. Neque secundum iniquitates nostras retribuas nobis. Oremus. Deus, qui culpa offenderis, poenitentia placaris: preces populi tui supplicantis propitius respice: et flagella tuae iracundiae, quae pro peccatis nostris meremur, averte. Per Christum Dominum nostrum. Amen. |