tare, in quo habetur expositum SS. Sacramentum. 819. Occurrente oratione quadraginta horarum in dominica Palmarum, si fieri debeat, et deceat benedictio Palmarum, haec facienda erit in alio sacello laterali, sed absque Processione. 820. Parochus prima dignitas Ecclesiae Cathedralis non potest indicere orationem quadraginta horarum absque licentia Episcopi. 821. Oratio quadraginta horarum cessare debet a mane feriae v maioris hebdomadae usque ad mane Sabbati Sancti. 822. In expositionibus SS. Sacramenti occasione quadraginta horarum congruentius abstinendum est a celebratione Missarum de Requiem. 823. Instructio Clementis XI, pro oratione quadraginta horarum extra urbem non obligat, laudandi tamen sunt qui se illi conformare student, nisi aliud ab Ordinariis Locorum statutum sit. 824. Maxime decet in Ecclesiis Cathedralibus et Collegiatis, ut tempore quadraginta horarum aliquis Sacerdos, vel Clericus cum superpelliceo assistat, vel etiam cum stola, si Sacerdos. 825. Dum vesperae solemniter celebrantur cum expositione SS. Sacramenti, et concione ad populum, quatenus Sacerdos non recedat ab Altari, reservatio facienda est cum paramentis coloris respondentis Officio diei, et velo humerali albi coloris: quatenus vero recedat, et reservatio habeatur tamquam functio omnino separata, et distincta ab Officio Vesperarum, utendum est paramentis coloris albi. 826. In concionibus habendis a Regularibus occasione quadraginta horarum, in proprio sui Ordinis habitu (extra Urbem Romae) iuxta solitum eo fungi possunt munere: secus dicendum de Clericis Regularibus, qui uti debent superpelliceo, vel etiam stola. SCHOLION II. 827. Confutatur cum praelaudata Encyclica (sub num. 585) quod ipsimet Adversantes ultimo obiiciunt aliud nempe censeri participationem de Sacrificio, et aliud de Victima oblata. CONSECTARIUM. 828. Ostenditur etiam per decr. 2 sept. 1741; ( ad quod contrariae opinionis Assertores maxime confugiunt), et per saepe citatam Benedictinam Encyclicam, lieitam videri in Missis de Requiem Fidelium communionem cum Particulis Tabernaculo asservantur. › quae in Reimprimatur: Fr. Dom. Buttaoni Ord. Praed. S. P. A. M. Reimprimatur J. M. Vespignani Archiep. Tyaneus Vicesgerens. |