hibet illam in posterum observari, etiamsi diuturno et immemorabili tempore, ac usu convaluerit ac praecipit, ut Sacerdos sacram illam exercens functionem in quibusvis Ecclesiis Monialium ubique locorum erectis, cuiusvis sint Ordinis, et Instituti (omissa speciali, ac separata Monialium benedictione) unicam tantum cum eodem Sanctissimo Sacramento benedictionem interessenti populo impartiatur. Et ita decrevit, et servari mandavit, die 11 decembr. 1773. Urbis, et Orbis.

150. An conveniat cantare aliquas cantiones vulgari sermone, non tamen profanas, in festivitate SS. Sacramenti?

Resp. Non convenire. Et ita declaravit S. R. C. die 21 martii 1609. Abulensi.

151. An Chorus, dum recitat Horas Canonicas ante SS. Sacramentum velo coopertum in loco eminenti, sedere, et tegere caput cum bireto valeat, vel stare debeat nudo capite, quasi esset sine velo?

Resp. Poterit Clerus sedere tecto etiam capite cum bireto; sed laudandus esset, si sederet detecto capite. S. Rit. C. 40 sept. 1796. In Bracharensi ad 3.

152. Eucharistia non est singulis diebus exponenda super Altari, sed in quibusdam tantum solemnitatibus. S. R. C. 4 martii 1606. In Placentina.

153. An toleranda sit consuetudo quorumdam, qui contra quod praescribitur in Missali, exponunt patenter Hostiam consecratam conservandam a fe ria V in Coena Domini usque ad ipsius consumptionem in feria VI in Parasceve?

Resp. Servandam omnino Rubricam Missalis. S. R. C. 14 febr. 1705. Ordinis Capucinorum Galliae

454. Exposuit S. R. C. Archipresbyter Loci dicti de Novi Caputaquen. Dioecesis, consuetudinem inolevisse in sua Ecclesia in actu benedicendi populum cum Sanctissimo Eucharistiae Sacramento, ut populus, vel Ministri Altaris canerent versiculum psalmi 68 Benedicat nos Deus, Deus noster, benedicat nos Deus, hanc consuetudinem reputans adversari opinionibus expositorum sacrorum Rituum, petit ut S. C. declarare dignetur, an consuetudo praedicta uti abusus eliminari debeat?

Audito igitur per sac. Congr. voto unius ex Magistris Caeremoniarum respondendum censuit : In benedicendo populum cum Sanctissimo Sacramento Celebrans nihil dicere, Cantores et Musici nihil quoque canere interim debent, ad praescriptum Ritualis Romani, et Caeremonialis Episcoporum, non obstante quacumque contraria consuetudine. Et ita declaravit, et servari mandavit die 9 februarii 1762. Caputaquensi.

155. Moniales Sanctissimae Annuntiationis de Bastia supplicarunt pro facultate asservandi in earum Ecclesia Sanctissimam Eucharistiam.

Et S. R. C. respondit: Aut Monasterium est canonice erectum, et non indiget; aut non, et non est approbandum. Die 16 apr. 1644. Marianen.

456. Duo petiit Episcopus Urbaniae: 1. An ipse possit in sua Diocesi nti decretis alias editis non licere Regularibus exponere Sanctissimaè Eucharistiae Sacramentum sine licentia Ordinarii ?

Et S. C. respondit: Debere uti, etiam non obstante contraria consuetudine.

Secundo: An iidem Regulares habere possint conciones, et sermones, non petita prius benedictione ab Episcopo, iuxta Constitutionem Gregorii XV?

Et S. C. respondit: Non posse. Die 12 iunii 1738. Urbaniae.

157. Augustinus Taddeus Rector Ecclesiae Parochialis B. M. V. de Plebe Cunei, Dioecesis Montis Regalis, Provinciae Taurinensis, declarari postulavit: non potuisse, nec posse Regulares quoscunque, etiam Societatis Jesu exponere Sanctissimum Sacramentum in eorum Ecclesiis, nisi de licentia Parochi, intra cuius Parochiae limites sita est Regularis Ecclesia?

Et S. C. respondit: Regularibus licentiam Episcopi satis esse. Die 9 iunii 1657. Montis Regalis. Ítem S. Rit. C. inhaerendo decretis saepius per orbem terrarum promulgatis, Dioecesis, et Civitatis Toletanae Clero tam Saeculari, quam Regulari, Monialibus, atque Confratribus Sanctissimum Eucharistiae Sacramentum publice exponere, nisi cum speciali Ordinarii licentia non licere: et inhobedientes poenis, et censuris coercendos esse declaravit. Die 18 dec. 1647 in Toletana.

158. An in expositione Sanctissimi Sacramenti pro defunctis, dicendo psalmum De profundis, sive Miserere, liceat in fine dicere Requiem aeternam, A porta Inferi etc. pro Oratione defuncti, sive defunctorum, sicuti multis in locis faciunt?

Resp. Tolerandam consuetudinem, si adsit. S.R.C. die 16 decemb. 1828. In Volaterana.

159. Episcopus Nucerinus Paganorum prohibuerat Ecclesiis Sanctissimi Sacramenti Nuceriae superioris, et B. Mariae de Carmine inferioris, Nucerinae Dioecesis, retinere Sanctissimum Sacramentum, ex quo non erant Parochiales; et habito recursu S. C. approbavit decretum Episcopi qui tamen Episcopus modo scripsit in favorem dictarum

Ecclesiarum, narrans se ideo prohibuisse, ut Oeconomi dictae Ecclesiae recurrerent pro licentia ad S. C., prout recurrerunt.

Et S. C. respondit: Nihil, quia ubique prohibitum est. Die 12 septemb. 1626. Nucerina Paganorum.

160. An toleranda, vel eliminanda sit consuetudo, quae in dies evalescit, superimponendi Sanctorum Reliquias, pictasque imagines Tabernaculo, , quo Augustissimum Sacramentum asservatur, ita ut idem Tabernaculum pro basi inserviat?

Et S. R. C. respondit: Assertam consuetudinem tanquam abusum eliminandam esse. Die 31 Martii 1821. Decretum generale ad 6.

161. An Thuriferarius, dum Sacerdos benedicit populo, debeat Sacramentum incensare quaestio est, quae cum novissime Romae consulta fuerit sub die 16 martii 1746 rescriptum extitit: Servari posse utrumque, nempe Sacramento adhiberi posse, et omitti thurificationem. P. Cavalieri tom. 4. cap. 9. in ord. 70. (In Dioecesi Nicensi servatur huiusmodi thurificatio).

162. Archiepiscopus Smirnensis petiit responderi: An Regulares intra hebdomadam Corporis Christi inter Missarum solemnia, et ad vesperas possint exponere Sanctissimum Sacramentum absque eius licentia ?

Et S. C. respondit: Posse Regulares in casu proposito publice exponere Sanctissimae Eucharistiae Sacramentum absque licentia Ordinarii. Die 20 aprilis 1641. Smirnensis.

163. Ex causa privata licitum est Regularibus Sanctissimae Eucharistiae Sacramentum palam adorandum exponere dummodo non extrahatur a Ta

bernaculo, et maneat velatum, ita ut ipsa Sacra Hostia videri non possit. S. R. C. die 31 maii 1642. Savonensis.

164. Ex parte Magistri Caeremoniarum Regiae Capellae, et Monasterii Monialium Reformatarum Ordinis s. Augustini S. R. C. humillime supplicatum fuit pro declaratione:

An in Missis solemnibus , quae celebrantur in Altari, quo publicae venerationi est expositum Sanctissimum Sacramentum, Subdiaconus sustinens Patenam debeat genuflectere, quando Celebrans post Offertorium genuflexus thurificat Sanctissimum Sacramentum, sicut genuflectit in actu Consecrationis, et Elevationis?

Resp. Negative. Et ita declaravit S. R. C. die 11 februar. 1764. Toletana ad 4.

165. Cum in Ecclesia s. Ignatii Urbis, expositio Sanctissimi Eucharistiae Sacramenti, quae dicitur quadraginta Horarum, singulis fere annis incidat in diem commemorationis omnium Fidelium defunctorum, et Praeses eius Ecclesiae anceps haeserit, num liceat, durante tali expositione, recitare Officium, et celebrare Missas defunctorum in dicta Ecclesia, humillimis precibus petiit a S. R. C. resolutionem infrascriptorum dubiorum :

Primo An in Ecclesiis, in quibus expositum manet Sanctissimum Eucharistiae Sacramentum Fidelium adorationi in turno perpetuae orationis, quae dicitur quadraginta Horarum, occurrente die commemorationis omnium Fidelium defunctorum, liceat recitare Officium defunctorum, et celebrare Missam solemnem, et etiam Missas privatas itidem defunctorum? Resp. Affirmative.

Secundo: Et quatenus affirmative, an adhiberi