Ad

SERVUS SERVORUM DEI

perpetuam rei memoriam.

Immensa aeterni Dei etc.

CONGREGATIO QUINTA

Pro sacris Ritibus, et Caeremoniis

Jam vero cum sacri Ritus

am vero cum sacri Ritus, et Caeremoniae quibus Ecclesia a Spiritu Sancto edocta ex Apostolica traditione, et disciplina utitur in Sacramentorum administratione, Divinis Officiis, omnique Dei, et Sanctorum veneratione magnam Christiani populi eruditionem, veraeque fidei protestationem contineant, rerum sacrarum maiestatem commendent, fidelium mentes ad rerum altissimarum meditationem sustollant, et devotionis eam igne inflamment, cupientes filiorum Ecclesiae pietatem, et divinum cultum sacris ritibus, et caeremoniis conservandis, instaurandisque magis augere.

Quinque itidem Cardinales delegimus, quibus haec praecipue cura incumbere debeat, ut veteres ritus sacri ubivis locorum in omnibus Urbis, orbisque Ecclesiis, etiam in Cappella nostra Pontificia in Missis, Divinis Officiis, Sacramentorum administratione, caeterisque ad divinum cultum pertinentibus a quibusvis personis diligenter observentur

Caeremoniae si exoleverint restituantur, si depravatae fuerint reformentur, libros de sacris Ritibus, et Caeremoniis, in primis Pontificale, Rituale, Caeremoniale prout opus fuerit reforment, et emendent, Officia Divina de Sanctis Patronis examinent, et Nobis prius consultis concedant. Diligentem quoque curam adhibeant circa Sanctorum Canonizationem, festorumque dierum celebritatem, et omnia rite, et recte, et ex Patrum traditione fiant, et ut Reges, et Principes, eorumque Oratores, aliaequae personae etiam Ecclesiasticae ad Urbem, Curiamque Romanam venientes pro Sedis Apostolicae dignitate, ac benignitate honorifice more Maiorum excipiantur, cogitationem suscipiant, seduloque provideant; controversias de praecedentia in Processionibus, aut alibi, caeterasque in huiusmodi sacris Ritibus, et Caeremoniis incidentes difficultates cognoscant, summarie terminent, et componant etc. Nulli ergo omnino hominum liceat hanc paginam etc.

Datum Romae apud Sanctum Petrum anno Incarnationis Dominicae millesimo quingentesimo octogesimo septimo, undecimo kalendas februarii, Pontificatus nostri anno tertio.

CONGREGATIONIS SACRORUM RITUUM.

3

CAPUT I.

De Missis, quae dicuntur vivorum.

Additionis

1. dditionis Nominis s. Joseph sponsi B. M. V. in Canone Missae, instantibus pluribus eiusdem Sancli devotis, sacra Rituum Congregatio ad relationem Eminentissimi, et Reverendissimi D. Cardinalis Julii M. de Somalia Praefecti, et Ponentis respondit: Negative quoad additionem Nominis sancti Joseph sponsi B. M. V. in Canone, consulendum vero Sanctissimo pro additione permissiva Nominis in collecta. A cunctis. Die 16 septembris 1815.

Facta per me (scilicet Cardinalem S. R. C. Praefectum) relatione ad Sanctitatem Suam, eadem benigne annuit. Die 17 sept. 1815. Urbis, et Orbis. (Potest ergo quilibet Sacerdos addere in Missa Nomen s. Joseph sponsi B. M. V. in oratione A cunctis, et hoc ante nomina SS. Apostolorum Petri, et Pauli ).

2. Circa Communicantes proprium dicendum in festo Pentecostes, in quibusdam Missalibus legitur igneis linguis, in aliis quampluribus legitur innumeris linguis; et cum ex hac lectione varia haud modica exorta sit controversia, ad eam dirimendam enixe petitur a S. R. C., quatenus declarare digne

tur, quaenam ex dictis duabus lectionibus amplecti debeat?

Sacra eadem Congregatio, exquisita sententia unius ex Apostolicarum Caeremoniarum Magistris, respondit: Lectionem innumeris linguis esse conformem Missali ab Urbano VIII recognito. Et ita declaravit, et servari mandavit. Die 13 martii 1804. In una ordinis Clericorum Minorum. Ad 11.

3. Utrum oratio praecepta a Superiore necessitatis publicae tempore locum habeat in diebus primae, et secundae classis? Et an praedicta oratio dici debeat sub distincta conclusione?

S. R. C., audito prius voto unius ex Apostolicarum Caeremoniarum Magistris, censuit respondendum: si oratio praecepta sit pro re gravi, dicenda erit in duplici primae classis sub unica conclusione, et in duplici secundae classis sub sua conclusione. Si non sit pro re gravi omittenda in duplici primae classis, in duplici vero secundae classis arbitrio Sacerdotis S. R. C. 7 sept. 1816. In Tuden. in Hispania ad 22 et 23.

4. An iis temporibus, quando tertia oratio in Missis est ad libitum, et ex iussu vel Summi Pontificis, vel Episcopi in Missis debeat apponi aliqua specialis oratio pro publica indigentia, videlicet contra Persecutores Ecclesiae, seu ad petendam serenitatem, aut pluviam etc. haec oratio praescripta a Sum. Pont., vel ab Episcopo necessario ponenda sit in Missis tertio loco, et praetermittenda quae ad libitum? Seu potius Celebrans possit recitare tertiam orationem ad libitum, seu devotionis, et quarto loco quae est praescripta de mandato Pontificis, vel Episcopi?

Et S. R. C. censuit respondendum: in casu pro

posito ad primam partem Negative: ad secundam Affirmative per modum praecepti, et obligationis. Die 17 augusti 1709. In Bergomensi.

5. An in Dominicis Adventus, et quadragesimae omittenda sit collecta a Superioribus imperata?

Resp. Negative, exceptis Dominica Palmarum ; et Dominica IV Adventus in huius occursu cum vigilia Nativitatis D. N. J. C., in quibus omittenda est collecta imperata. S. Rit. C. 20 apr. 1822. In una Cotronensi.

6. An aspersio aquae benedictae in Dominicis diebus fieri debeat per Celebrantem, non obstante contraria consuetudine?

Resp. Fieri debere per Celebrantem, et non per alium, non obstante contraria consuetudine. S.R.C. 5 julii 1631. In Turritana (Sassari ).

7. An in aspersione aquae benedictae, quae fit a Sacerdote alba, et stola sola induto, celebraturo immediate Missam conventualem, stola sit aptanda ante pectus in modum Crucis, vel ad utrumque latus pendens a collo ?

Resp. Stolam esse ante pectus ad modum Crucis aptandam. S. Rit. C. 30 septemb. 1679. In una Ordinis Minorum Capucinorum.

8. Interrogata S. Rit. C. An, si transferantur ad tempus Paschale festa Sanctorum Martyrum, in quorum Missa Introitus sit Gaudeamus omnes in Domino, debeat idem Introitus dici tempore Paschali, vel potius alter eiusdem temporis incipien. Protexisti me Deus?

Resp. Si Officium Missae Ss. Martyrum ultra Introitum Gaudeamus habeat etiam proprium Evangelium, vel Epistolam, tunc debeat recitari idem Introitus, secus si nihil aliud proprii haberet.