9 Jehovæ est salus; super populum tuum sit benedictio tua maxime. 2 3 IV. Magistro symphonia fidium psalmus Davidis. INVOCANTEM me exaudi, Deus justitiæ meæ, in angusto dilatasti mihi locum: gratiosus esto mihi, et audi orationem meam. Filii virorum, quousque gloria mea ignominiæ futura est? dilecturi estis inanitatem? procuraturi mendacium summe? 4 At agnoscite separatim asseruisse Jehovam sibi eum, quem benigne accipit; Jehovam exauditurum, quum inclamavero ipsum. 5 Commovemini, et ne peccetis: cogitate cum animo vestro in cubili vestro, et quiescite, ut qui maxime. 6 Sacrificate sacrificia justitiæ: et fiduciam habete in Jehova. 7 Multi dicunt, O si quis efficiat, ut fruamur bono! Attolle super nos lucem faciei tuæ, Jehova, 8 Indideris lætitiam animo meo; majorem quam temporis, quo frumentum istorum et mustum istorum percipiuntur ab ipsis copiose. 9 In pace simul cubabo et dormiam: quum tu, Jehova, solus facias, ut secure habitem. V. Magistro symphonia ad pneumatica instrumenta psalmus Davidis. 2 DICTA mea auribus percipe, Jehova; considera meditationem meam: 3 Attende voci clamoris mei, rex mi et Deus mi; nam apud te orationem habeo. 4 Jehova, mane auditurus es vocem meam: mane disserturus sum coram te et speculaturus. 5 Nam non es Deus fortis, qui delectetur improbitate; non est commoraturum apud te malum. 6 Non consistunt insani e regione oculorum tuorum: odisti omnes, qui operam dant iniquitati. 7 Perditurus es loquentes mendacium; virum sanguinarium et dolosum abominatur Jehova. 8 Ego autem instructus amplitudine benignitatis tuæ ingrediar domum tuam: incurvabo me versus templum sanctitatis tuæ cum reverentia tui. 9 Jehova, deduc me in justitia tua propter observatores meos: complana coram me viam tuam. 10 Nam non est in ore illius rectum; intimum illorum ærumnæ; sepulchrum apertum guttur illorum; lingua sua dolose blandiuntur. Reos fac istos, o Deus; decidant de consiliis suis: amplitudine defectionum istorum depelle istos, quia rebellant in te. 12 Et lætabuntur ommnes se recipientes ad te; in seculum canent, quos protecturus es: et exsultabunt in te amantes nominis tui. 13 Quia tu benedicis justo, Jehova: facis, ut bene volentia tanquam umbo circumtegat eum. 2 VI. Magistro symphoniæ fidium ad gravem symphoniam psalmus Davidis. JEHOVA, ne in ira tua reprehendas me, neque in excandescentia tua castiges me. 3 Gratiosus esto mihi, Jehova, quia languefactus sum: cura me, Jehova, quia conturbata sunt ossa mea. 4 Et anima mea conturbata est valde: tu ergo, Jehova, quousque? 5 Revertere, Jehova; expedi animam meam: salvum fac me propter benignitatem tuam. 6 Nam non est in ipsa morte recordatio tui; in sepulchro quis celebraret te? 7 Defatigatus sum in gemitu meo; feci, ut natet totam noctem lectus meus: lacrymis meis spondam meam liquefeci. 8 Depastus est ab indignatione oculus meus; consenuit inter omnes oppressores meos. 9 Recedite a me, omnes, qui datis operam iniquitati: nam audit Jehova vocem fletus mei. 10 Audit Jehova deprecationem meam: Jehova orationem meam acceptam habet. 11 Erubescant et conturbentur valde omnes inimici mei: revertantur, erubescant momento. 2 VII. Ode mixta Davidis, quam cecinit Jehova ad verba JEHOVA, Deus mi, ad te recipio me: salvum me fac ab omnibus persequentibus me, et li bera me. 3 Ne abripiat tanquam leo animam meam; dilaceret nemine liberante. 4 Jehova, Deus mi, si feci istud, si est iniquitas ista in manibus meis: 5 Si intuli malum colenti pacem mecum, qui expedire solitus sum quemque opprimentem me immerito: 6 Persequatur inimicus animam meam et assequa tur; conculcetque in terra auferens vitam meam, et faciat, ut gloria mea in pulvere habitet, ut qui maxime. 7 Surge, Jehova, in ira tua; extolle te gravis simo furore percitus in eos, qui me opprimunt: et invigilans attende ad me; judicium præcepisti. 8 Ergo cœtus nationum circumdet te, et supra hunc in altum revertere. 9 Jehova jus dicit populis, judica me, Jehova, secundum justitiam meam et secundum integritatem meam pronuncia pro me. 10 Deficiat, quæso, malum improborum, et stabilito justum: prout explorator es animorum et renum, Deus juste. 11 Clypeus meus est in Deo; qui dat salutem rectis corde: 12 Deo vindice justi; et Deo forti detestante quotidie. 13 Si non convertatur improbus, gladium suum acuet; arcum suum adduxit, et sagittam aptavit ei. 14 Denique in eum aptavit arma lethifera: sagittas suas in fervidos occupaturus est. 15 Ecce, parturiet vanitatem; ut concepit laborem, ita mendacium pariet. 16 Cisternam fodit, et excavavit eam: dejecit eo se, in fovea operaturus opus suum. 17 Redibit labor ejus in caput ejus: et super verticem ejus injuria ejus descensura est. 18 Celebrabo Jehovam secundum justitiam ejus; et psallam nomini Jehovæ excelsi. VIII. 2 Magistro symphonia ad stationem Gitthæam psalmus Davidis. JEHOVA, Domine noster, quam magnificum est nomen tuum in universa terra, cui exponis super cœlestem decorem tuum! 3 Ab ore infantium et lactantium fundatam disposuisti laudem, propter hostes tuos, ad compescendum inimicum et ultorem sui. 4 Quum respicio cœlos tuos, opus digitorum tuorum: lunam et stellas, quas statuisti; 5 Quid est mortalis, quod memor sis ejus? aut filius hominis, quod visites eum? 6 Minorem quidem fecisti eum paulisper angelis: sed gloria et majestate coronasti eum; 7 Præfecisti eum operibus manuum tuarum: omnia posuisti sub pedibus ejus; 8 Greges et armenta, quotquot sunt: etiamque bestias agrestes; 9 Aves cœli et pisces maris: quicquid permeat semitas marium. 10 Jehova, Domine noster, quam magnificum est nomen tuum in universa terra! IX. Magistro symphonie acute ad medianam psalmus Davidis. 2 N CELEBRABO, Jehova, ex toto animo meo; enarrabo omnia mirabilia tua opera. 3 Lætabor et exsultabo in te; psallam nomini tuo, Excelse: 4 Revertentes inimicos meos retrorsum corruere et perire a facie tua. 5 Nam exercuisti jus meum et causam meam; sedisti in solio, o vindex justitiæ. 6 Increpasti gentes, perdidisti improbum; nomen istorum delevisti in secula sempiterna. 7 O inimice, consummate sunt vastitates in æternum, et civitates exstirpasti, scilicet istorum: istorum, inquam, memoria periit. |