Frustra cruento Marte carebimus,
Fractisque rauci fluctibus Hadriæ;
Frustra per autumnos nocentem
Corporibus metuemus Austrum :

Visendus ater flumine languido
Cocytus errans, et Danai genus
Infame, damnatusque longi
Sisyphus Æolides laboris.

Linquenda tellus, et domus, et placens
Uxor; neque harum, quas colis, arborum
Te, præter invisas cupressos,

Ulla brevem dominum sequetur.

15

20

Absumet hæres Cæcuba dignior
Servata centum clavibus, et mero
Tinget pavimentum superbis
Pontificum potiore cœnis.

25

27. Superbis. Emendationem illam proposuit Cuningham, recepitque P. Duviquet; quum vulg. legatur superbo ex MSS., vel superbum, ex ed. Lambini.

ODE XV.

IN SUISÆCULI LUXURIAM.

JAM pauca aratro jugera regiæ
Moles relinquent; undique latius
Extenta visentur Lucrino

Stagna lacu, platanusque cælebs

Evincet ulmos. Tum violaria, et
Myrtus, et omnis copia narium,
Spargent olivetis odorem,
Fertilibus domino priori;
Tum spissa ramis laurea fervidos
Excludet ictus. Non ita Romuli

Præscriptum et intonsi Catonis
Auspiciis, veterumque norma.

Privatus illis census erat brevis,
Commune magnum; nulla decempedis
Metata privatis opacam

Porticus excipiebat Arcton;
Nec fortuitum spernere cespitem
Leges sinebant, oppida publico

5

10

15

Sumptu jubentes et Deorum
Templa novo decorare saxo.

ODE XVI.

AD GROSPHUM.

20

Tranquillitatem animi optari ab omnibus : eam vero non congerendis opibus honoribusve consequendis, sed coercendis cupiditatibus comparari.

OTIUM Divos rogat in patenti
Prensus Ægæo, simul atra nubes
Condidit Lunam, neque certa fulgent

Sidera nautis;

Otium bello furiosa Thrace,
Otium Medi pharetra decori,

Grosphe, non gemmis, neque purpura ve

nale, neque auro.

Non enim gazæ, neque consularis
Summovet lictor miseros tumultus

Mentis, et curas laqueata circum
Tecta volantes.

Vivitur parvo bene, cui paternum
Splendet in mensa tenui salinum;
Nec leves somnos timor aut cupido
Sordidus aufert.

5

10

15

14. Cui paternum splendet salinum, cui a patre relictum vas sacrum salis arridet.

Quid brevi fortes jaculamur ævo
Multa? quid terras alio calentes
Sole mutamus? patriæ quis exsul
Se quoque fugit?

Scandit æratas vitiosa naves
Cura; nec turmas equitum relinquit,
Ocior cervis, et agente nimbos

Ocior Euro.

Lætus in præsens animus, quod ultra est
Oderit curare, et amara lento

Temperet risu. Nihil est ab omni

Parte beatum.

Abstulit clarum cita mors Achillem;
Longa Tithonum minuit senectus;
Et mihi forsan, tibi quod negarit,
Porriget hora.

Te greges centum, Siculæque circum
Mugiunt vaccæ; tibi tollit hinnitum
Apta quadrigis equa; te bis Afro
Murice tinctæ

Vestiunt lanæ : mihi parva rura, et
Spiritum Graiæ tenuem Camenæ,
Parca non mendax dedit, et malignum
Spernere vulgus.

17. Jaculamur, sensu verbi projicere, et gallici veteris projetter. 24. Euro (agente nimbos), pro Euro-Noto (gall. le Sud-Est).

20

25

30

35

40 ODE XVII.

AD MECENATEM EGROTUM.

Negat se ei superstitem velle esse.

Cur me querelis exanimas tuis?
Nec Dis amicum est, nec mihi, te prius
Obire, Mæcenas, mearum

Grande decus columenque rerum!

Ah! te meæ si partem animæ rapit
Maturior vis, quid moror altera,
Nec carus æque, nec superstes
Integer? Ille dies utramque

Ducet ruinam. Non ego perfidum
Dixi sacramentum; ibimus, ibimus,
Utcumque præcedes, supremum
Carpere iter comites parati.

Me nec Chimæræ spiritus igneæ,
Nec, si resurgat centimanus Gyas,
Divellet unquam; sic potenti
Justitiæ, placitumque Parcis.

Seu Libra, seu me Scorpius adspicit
Formidolosus, pars violentior
Natalis horæ, seu tyrannus

Hesperiæ Capricornus undæ;

5

10

15

20