SUMMI PONTIFICIS, S. CONGREGATIONIS DE PROPAGANDA FIDE

ET ARCHIEPISCOPATUS MECHLINIENSIS

TYPOGRAPHUS.
MDCCCLXXIII.

1892

JUL 14 1928

SUMMA BULLÆ

1873

SS. D. N. URBANI VIII.

PRO EDITIONE DIURNALIS.

U

RBANUS VIII, Bulla, quæ incipit: Divinam Psalmodiam, data Romæ die 25 Januarii anno 1631, declarat, se piorum doctorumque virorum adhibita cura Breviarium a Pio V. editum, et a Clemente VIII. recognitum, á pluribus mendis expurgasse : hymnos ad metri et latinitatis regulas revocasse in psalmis, et canticis interpunctionem editionis vulgatæ restituisse sermones, homilias, et sanctorum historias, collatis veteribus manuscriptis, recognovisse. Quamobrem jubet, ut juxta hanc correctionem Romæ imprimatur, alibi juxta romanum exemplar excudatur, servatis conditionibus in bulla Clementis VIII. quæ incipit: Cum in Ecclesia, data Romæ die 10 Maji anno 1602, enumeratis, quas fere iisdem verbis repetit: adjungens, easdem conditiones servandas in impressione eorum, quæ a Breviario Romano ortum habent, cujusmodi sunt Missalía, Diurnalia, Officia parva beatæ Mariæ virginis, Officia majoris Hebdomadæ, et alia id genus.

EX DECRETORUM REGISTRO

SACRÆ RITUUM CONGREGATIONIS

HÆC AD BREVIARIUM ROMANUM ATTINENT.

CACRA Rituum Congregatio declaravit et decrevit, non potuisse S post Bullam Pii V. de Breviario Romano, neque posse locorum Ordinarios, tam sæculares quam regulares, addere Kalendariis, etiam propriis, Sanctorum Officia nisi ea dumtaxat,quæ Breviarii Romani Rubricis,vel Sacræ Rituum Congregationis, seu Sedis Apostolicæ licentia conceduntur: neque propria auctoritate, quovis prætextu, mutare ritum, qui habetur in Kalendario Romano, seu Rubricis Breviarii, in altiorem ritum ; neque extendere concessa Officia de loco ad locum.

VI

Item vetuit et prohibuit celebrari per totam civitatem vel Dicecesim, etiam de cujuscumque Ordinarii auctoritate, Festum cum Officio, eo quod in loco adsit Ecclesia Parochialis, vel Regularis, vel Abbatialis, aut aliqua Reliquia, sed tantum in ipsius Sancti Ecclesia titulari, seu ubi asservatur corpus aut insignis Reliquia, et non alibi.

Insignes autem Reliquias declaravit esse caput, brachium, crus, aut illam partem corporis, in qua passus est Martyr, modo sit integra, et non parva, et legitime ab Ordinariis approbata.

De sanctis Episcopis locorum, Martyribus, Civibus et aliis Festis, de quibus in Kalendario Romano, seu Rubricis Breviarii nihil habetur, uti etiam de Beatis nondum canonizatis, nihil propria auctoritate constituatur, sed omnino consulatur Sacra Ri. tuum Congregatio.

Decretum quoque nuper editum super electione Sanctorum in Patronos, et impressum, omnino servetur.

Et hæc omnia decrevit, statuit, et mandavit, innovando pœnas Constitutionis Pii V. respective.

Facta demum relatione horum Decretorum SS. D. N. Urbano Papa VIII. ea laudavit et approbavit, atque ab omnibus ubique sub prædictis poenis servari præcepit, necnon in novis Breviariis de mandato Sanctitatis suæ imprimendis apponi jussit. Die 13 Ja nuarii 1631.

Loco Sigilli.

T. TEGRIMIUS, Episc. Assisiens. Secret.

VICTOR AUGUSTUS ISIDORUS

DECHAMPS,

DEI ET APOSTOLICE SEDIS GRATIA ARCHIEPISCOPUS MECHLINIENSIS, PRIMAS BELGII, SANCTITATIS SUE PRÆLATUS DOMESTICUS ET SOLIO PONTIFICIO ASSISTENS.

CUM

Uм Papa Urbanus VIII, in Bulla quæ incipit: Divinam Psalmodiam, easdem in impressione eorum quæ a Breviario Romano ortum habent ac pro ipso Breviario, conditiones servandas præscribat, hinc est quod Nos, servatis prædictis conditionibus, licentiam dederimus dilecto Nobis in Christo HUBERTO DESSAIN, Archiepiscopatus nostri typographo, Diurnas Breviarii Romani Horas imprimendi, impressasque approbaverimus et evulgandi licentiam dederimus, prout per præsentes approbamus et licentiam damus.

Datum Mechliniæ sub nostris signo sigilloque ac Secretarii nostri chirographo, die 19 Julii 1873.

(L+ S)

+VICTOR AUGUSTUS, ARCH. MECHLIN.

De Mandato Illustr. ac Rev.
Domini Archiep.

L. GRIETENS, Secret.