In qualibet fere paroecia piae sodalitates Sacrae Familiae, SSmi. Cordis, Beatissimae Virginis vel S. Vincentii quamplurimos ad perfectionem adducunt, 156. Ubique conspicere licet Ecclesias pulcherrimas, Collegia, Scholas, Monasteria, Hospitalia et Asyla, 156. In longinquas terras Missionarii Hiberni exeunt ad praedicandum evangelium, 157. INDIFFERENTISMUS.-Damnatur in Syllabo, 210. INFALLIBILITAS.-Vide Ecclesia. Pontifex, SS.

JEJUNIUM. Sanctae Sedi supplicandum ut benigne dignaretur concedere dispensationes quasdam in lege jejunii, et abstinentiae, 54. JOSEPH, S.-S. Joseph Patronus Ecclesiae Universalis nuper declaratus est, 96; singulare obsequium erga eum Sacerdotibus commendatur, 96.

LATITUDINARISMUS.-Damnatur in Syllabo, 210.

LIBERALISMUS.-Errores qui ad liberalismum hodiernum referuntur, damnantur in Syllabo, 220.

LIBERI MURATORES.-Vide Societates Proscriptae.

LIBRI. Synodus serio tractare debet de pravorum librorum et publicarum ephemeridum abusibus, 10. Libri pii quamplurimum disseminentur, libri damnati rejiciendi, 71. Libri qui noxium aliquid in rebus fidei et morum continent in scholis nullomodo tollerentur, 129. Nullus liber de religione vel moribus tractans in scholas admittatur nisi sit ab Episcopo saltem toleratus, 130. Libri in bibliothecis scholarum Monialium caute seligendi, 133. Inter innumera mala quae hac aetate grassantur, vix ullum magis plorandum est quam teterrima librorum pravorum contagio, 144. Existit hoc malum quoque in Hibernia, 144. Sacerdotes hortantur hos libros a fidelibus arcere, 145. Corripiendi parentes qui hos libros in suis domibus permittunt, 145. Qui libellis et ephemeridibus perversis diffundendis operam navant, monendi sunt quantum sit ipsis flagitium fidem et bonos mores quaestui habere, 145. Libri boni commendandi, 145. Libri de religione ex professo tractantes, vel precum formulas continentes, nec praelo mandentur nec venales a Catholicis exponantur sine Episcopi licentia, 145. Epistola, mandatum, et monita S. Cong. Indicis de libris pravis, 343, 347.

LIBRI PAROCHIALES.-Utilissimum foret librum aliquem in singulis paroeciis confici quo Sacerdotes cognoscere possint quinam in paroecia aegrotent et Sacramento Extremae Unctionis indigeant, 90. Parochi habeant libros in quibus baptizatorum, confirmatorum, eorum qui matrimonio conjunguntur, et defunctorum nomina et cognomina describantur, 102, 113. Libri in hunc finem adhibendi illi sint qui ab Episcopis approbati sunt, 102. Habeant quoque librum status animarum, 113. Habeant insuper Parochi inventarium omnium bonorum quae ad Ecclesias suas vel paroecias spectent, 126. Parochus et Vicarii jubentur librum communem bene compactum, et apud Parochum retinendum habere, in quo singuli accurate inscribant pecunias a se perceptas, 113 liber iste Episcopo, quotiescunque id visur fuerit opportunum, exhibendus est, 113.

LINGUA LATINA.-Hujus linguae studium regulari methodo inter clericos promoveatur, 10. Inter Missarum solemnia nihil nisi latine cantetur, 82. Instituendae scholae in oppidis majoribus ubi lingua Latina tradatur, 135. Lingua Latina adhibenda in litteris ad Sedem Apostolicam mittendis, 181; ex illius linguae neglectu gravissima per orbem Ecclesiis detrimenta obveniunt, 182. LITTERAE.-Litterae testimoniales liberi status in ordine ad matrimonium non sunt habendae ut continentes sufficientem delegationem vi cujus quilibet sacerdos praesit latoris matrimonio, 91. Episcopi habeant apud se formulas litterarum quae in Appendice inseruntur, 105, 286-298. LITES.-Norma aliqua proponenda et a Sancta Sede sancienda quae lites impediat a laicis instructos contra ecclesiasticos et a sacerdotibus intentatos contra clericos ipsosque Episcopos, 10, 11. Lites et jurgia inter se de rebus politicis in conventibus publicis vel ephemeridibus non ineant Sacerdotes, 120. Ne lites de bonis, quae ab Episcopis et a parochis tenentur, post eorum obitum oriantur, singuli Episcopi et Sacerdotes omnes bonorum ecclesiasticorum possessionem habentes, testamenta sua rite confecta et signata, in loco tuto ab Episcopo designato reposita habeant, 127. Judicia publica evitanda; lites componendae, 121, 122. Regulae ad lites evitandas traduntur, 122. LUDI.-Caute admodum adversus chartarum lusum se munire debet Sacerdos, praesertim ubi de pecunia agitur, 94. Districte pro

hibentur Sacerdotes chartarum vel alios hujusmodi lusus ad multam noctem protrahere, 94.

Vide praeterea, Sacerdos.

MARIA. Synodus Pio IX. grates exhibet propter definitionem Immaculatae B. V. Mariae Conceptionis, 18, 65. Maria sub titulo Immaculatae Conceptionis est Patrona Hiberniae, 18. Singulare obsequium erga Dei Matrem Immaculatam Sacerdotibus commendatur, 96. MATRIMONIUM.—1. Praeparatio, Celebratio. Caveant Parochi ut uterque contrahentium sciat rudimenta fidei, 90; admoneant conjuges, ut antequam contrahant, sua peccata confiteantur et ad Sacramenta Eucharistiae et Matrimonii accipienda pie accedant, 90; eos diligenter instruant, 91. Ad probandum statum liberum eorum qui matrimonium contrahere volunt dantur duae instructiones, 263–272. Formulae petendi et concedendi dispensationem a bannorum publicatione, item petendi et concedendi dispensationes in impedimentis matrimonialibus, 291-294. Parochi moneantur ea servare quae in Rituali Romano de matrimonio contrahendo praescripta sunt, 90. Servanda sunt quae de vagis in Conc. Trid. praescripta sunt; curent Parochi ut certiores de eorum statu libero efficiantur, 91.

2. Assistentia Parochi. Litterae testimoniales de statu libero alicujus non sunt habendae ut continentes sufficientem delegationem, vi cujus quilibet sacerdos praesit ejusdem matrimonio, 91.

3. Locus. Matrimonia fidelium, extra casum necessitatis vel gravem aliam causam ab Episcopo definiendam, fiant semper in Ecclesia, 91.

4. Oblationes. Damnatur agendi ratio quorumdam Parochorum qui plus aequo exigunt occasione matrimonii, 11. Sacerdos recusans matrimonium celebrare, nisi obtenta prius aut saltem promissa certa quadam pecuniae summa, vel alia re pretio aestimabili, suspensionem Ordinario reservatam ipso facto incurrit, 92. Nihil pro litteris testimonialibus liberi status exigatur, praeter id quod ab unoquoque Episcopo in sua Synodo Dioecesana solvendum statuatur, 92.

5. Mixta. Matrimonia Catholicorum cum Acatholicis vetantur, 91. Si rerum adjuncta suadeant ea esse permittenda, curandum erit ut libero religionis exercitio a catholica parte consulatur, sicut et prolis utriusque sexus in fide catholica educationi, 91; nullus tamen ritus sacer fiat, nulla vestis sacra adhibeatur, dum ista foedera ineantur, quae nec intra Ecclesiam ineunda sunt, 92.

6. Errores de Matrimonio Christiano damnati in Syllabo, 218— 220. MEDICI. Instruendi de Baptismo in certis casibus conferendo, 74. METROPOLITANI.—Tenentur Metropolitani singulis trienniis provinciale Concilium cogere, 100. Si quis injuriam ab ecclesiasticis judicibus passum se esse autumet, appellet ad Archiepiscopum vel ad Summum Pontificem, 124. Officia Metropolitani in electione Episcoporum Hiberniae, 273, sqq. MILITES.-Curandum ne militibus aut nautis catholicis quid impedimenti in officiis religionis exequendis ponatur, 71. Cavendum ne eorum filii, praesertim si orphani sint, in aliena religione educentur, et ne scholas frequentare cogantur in quibus libri religioni catholicae infensi adhibentur, 72. Capellani militares super hac re invigilare debent, et Ordinarium loci de abusibus commonere, 72.

MISSA.-1. Ritus. Ritus illi adhibendi qui in Missali Romano praescribuntur, 80. Debita praeparatio et gratiarum actio facienda, 79.

2. Supellex et Materia. Sacra supellex sit pretiosa vel saltem munda, nitida, convenientis materiae et praescriptorum colorum, 80. Sacerdotes hac in re delinquentes denunciandi, 80. Vestis talaris semper adhibenda, 79. Calices sint aurei vel argentei, vel saltem cuppa sit argentea intus deaurata, 80. Lapides sacri sint justae magnitudinis, 80. Colluceant duae saltem candelae cereae, 80. Panis consecrandus sit recens, purus, albus; hostiae rotundae et non nimis parvae ; vinum sincerum, 80.

3. Tempus, locus. Ubi adest copia sacerdotum, Missa sit quotidiana et hora fixa, 80. Missae post meridiem non celebrentur, 80; nec in aedibus privatis sine licentia Episcopi, 80. Diebus Dominicis et festivis fiant Missae publicae hora fixa quam sine Ordinarii licentia non licet mutare, 109. Si Missa publica in die Dominica vel festo de praecepto omissa fuerit, Episcopus statim a Parocho vel Vicario Foraneo monendus, 109.

4. Fundationes et Stipendia. Onera perpetua Missarum a nullo sacerdote saeculari suscipiantur sine Ordinarii licentia, 80. Parochi secundam Missam celebrantes non possunt eleemosynam aut stipendium pro ea accipere, 81. Episcopi tamen Hiberniae possunt in hac lege dispensare, 81.

5. Facultas bis in die celebrandi. Missa bis in Dominica vel die festo non celebretur nisi Episcopus id necessarium existimaverit, 81. Necessitas est unica causa ob quam possunt Sacerdotes hac facultate uti, 233. Plures casus assignantur in quibus non licet bis in die celebrare, 233-237. Qualis esse debet necessitas quae requiritur ad licitum usum facultatis? 237-244. Instructio S. Rituum Cong. de modo celebrandi cum quis bis eadem die celebret, 245-247.

6. Missa pro populo. Quae de applicatione Missae pro populo in lege canonica, aut statutis provincialibus aut dioecesanis definita sunt, accurate observanda, 108. Parochus Missam in Ecclesia parochiali diebus Dominicis et festivis de praecepto ordinarie celebrare tenetur, 109; legitime tamen absens a sua paroecia suae obligationi satisfacit applicando Missam pro populo in loco ubi degit, dummodo alius sacerdos in ecclesia parochiali celebret, 299; impeditus ne celebret Parochus tenetur Missam die festo per alium celebrari et applicari facere pro populo in ecclesia parochiali, 299; quod si factum non fuerit, quamprimum poterit, missam pro populo applicare debet, 299. Omnes animarum curam actu gerentes Missam pro populo sibi commisso celebrare et applicare debent, etiam festis diebus suppressis, nisi ex Sanctae Sedis indulgentia a proprio Episcopo dispensati fuerint, 109. Episcopi postulant ut Parochos ab onere celebrandi in suis Ecclesiis et applicandi Missam pro populo in festis diebus suppressis dispensare possint, 81. Sanctitas Sua benigne annuit juxta petita ad decennium, 300.

7. Missae de Requiem. Quandonam permittitur Missa privata Defunctorum? 81. In Missis de Requiem communicari possunt fideles ex particulis in praevia Missa consecratis; potest etiam celebrans in vestimentis nigris, ex sufficienti causa Tabernaculum aperire et communionem distribuere immediate ante vel post Missam, 81; sed in neutro casu, danda est benedictio, 81.

8. Cantus, caeremoniae. Nullus cantus nisi gravis et ecclesiasticus adhibeatur, 82. Libri chorales a Pustet editi quamprimum adhibeantur, 82. Nil nisi latine cantetur, 82. Alumni Seminariorum sacras caeremonias probe ediscant, 82.

9. Obligatio audiendi. Curent Parochi ut populus non tantum diebus Dominicis sed etiam festivis de praecepto Missam audiat, 109. Nundinae in festis diebus fieri solitae saepe impediunt ne Missa audiatur, proinde transferendae in alios dies, 109. Vide praeterea, Defuncti, Eucharistia, Sacerdos. MISSIONES.-Divini verbi praecones mittendi sunt in loca ubi adest periculum fidei, 70. Plures sunt in Hibernia ordines religiosi et congregationes qui in missiones tradendas magno zelu et fructu incumbunt, 70; eorum opera utantur Episcopi

et Parochi, 70. Nullae fiant collectae occasione Missionum nisi pro expensis necessariis Missionis, 71. Si quid pecuniae super expensas remaneat, juxta Episcopi judicium est applicandum, 71. MONIALES. Moniales ab Episcopo fovendae, 105; habeant confessarium idoneum, et bis vel ter in anno confessarium extraordinarium, 105. Quot et quanta beneficia in Ecclesiam et societatem contulerint? 117. Visitandae ab Episcopo vel Sacerdote ad id deputato quotannis, 117; qui diligenter inquiret an constitutiones rite observentur, 117. E septis Monasterii non exeant nisi juxta regulas aut de licentia Episcopi, 117; Monasteria non erigenda sine congruis redditibus, 118. Non mendicent moniales de domo ad domum sine licentia Episcopi in scriptis, 118; non permittant mulieres saeculares pernoctare in conventu, 118; non permittant visitationes otiosas, 118. Non recipiant puellas nisi hae scripto se obligent ad non exigendam mercedem servitii praestandi tempore quo fuerint in monasterio, 118. Moniales quae scholis praesunt specialem ad hoc munus institutionem accipiant, 118. Confessarius Ordinarius munere suo non fungatur ultra tres annos nisi cum debita licentia, 118. Manifestatio conscientiae facienda superioribus non respiciat materiam confessionis propriam, 119. Pactum ineundum est inter superiores, cum Moniales ab aliquo Monasterio ad aliud transferuntur, 119. Magistrae in scholis Monialium in arte docendi sunt instituendae, 135. Vide praeterea Educatio, Episcopus, Libri, Choreae. MULIER.-Purificatio mulieris post partum non perficienda extra Ecclesiam, vel locum in quo sacrum fit, nisi in periculo mortis, 76; ad benedictionem post partum jus tantummodo habent mulieres quae ex legitimo matrimonio pepererunt, 76. Mulieres quae sacerdotibus ministrant sint aetate provectiores, &c., 95. Stricte servanda Instructio S. Cong. de Prop. Fide de non admittendis Tertiariis ad habitum nisi servatis servandis et de licentia Episcopi, 116; quae instructio in Appendice insertur, 304. Mulieres saeculares non permittantur pernoctare in conventu sine licentia Episcopi, 118. Quid exigendum a puellis Ordinem seu Congregationem ingressuris? 118.

MONASTERIUM.-Novum Monasterium nullibi erigatur sine congruis redditibus, 117. Ubi monasteria aedificanda sunt, res ad Episcopum deferatur, ejusque consensus obtineatur, 111. praeterea Moniales, Regulares.

Vide

MIRACULA. Sunt revelationis argumenta, 189; multa et manifestissima edita a Moyse, Prophetis, Christo et Apostolis, 189. NAUTAE.-Videant Episcopi ne nautis quid impedimenti ponatur in religionis officiis exequendis, 71. Vide Milites.

NUNDINAE.-Nundinae quae fiunt diebus festivis occasionem dant ebrietati et saepe impediunt ne Missa audiatur, 109; ideo transferendae sunt in alios dies, 109.

NATURALISMUS. Ejus origo et propagatio, 184; damnatur in Syllabo, 207, 208.