Aderant etiam sequentes Procuratores Capitulorum. Adm. Rev. D. EDUARDUS M'CABE, Vic. Gen., Parochus de Kingstown et Proc. Cap. Dublinensis.

JOANNES LEVINS, Par. de Ardee, Proc. Cap. Armacani. ULICKIUS BURKE, Praeses Collegii Sti. Jarlathi, Proc. Cap. Tuamensis.

GUALTERUS CANTWELL, Par. de Fethard, Decanus et Proc. Cap. Casseliensis.

HENRICUS NEVILLE, Vic. Gen., Par. Sti. Finbarri, Decanus et Proc. Cap. Corcagiensis.

LAURENTIUS KIRWAN, Par. de Piercestown, Decanus et Proc. Cap. Fernensis.

JACOBUS JOSEPHUS M'MAHON, S.T.D., Vic. Gen., Par. de Carrickmacross, Dec. et Proc. Cap. Clogherensis.

BERNARDUS DURCAN, Vic. Gen., Par. de Swinford, Decanus et Proc. Cap. Achadensis.

ROBERTUS O'SHEA, Par. de Ballyhale, Archidiaconus et Proc. Cap. Ossoriensis.

JOANNES FITZPATRICK, Par. de Midleton, et Proc. Cap. Cloynensis.1

Aderant etiam sequentes Officiales:

(Illmus et Rmus D. LAURENTIUS GILLOOLY,

1 Postea advenerunt Adm. Rev. D. ANDREAS HIGGINS, Vic. Gen. Par. de Kenmare, Proc. Cap. Kerriensis, et Adm. Rev. D. JACOBUS REYNOLDS, Par. de Ardagh et Proc. Cap. Ardacadensis.

Cancellarius, Adm. Rev. D. GUALTERUS LEE, S.T.D.,

Par. de Bray.

Rev. D. Jos. M'SWIGGAN, Presb. Dublinensis.

Aderant insuper sequentes Theologi.
Ex Dioecesi:

Dublinensi-Adm. Rev. D. ED. M'CABE, Vic. Gen. Par. de Kingstown; et Adm. Rev. D. BARTH. WOODLOCK, Rector Univ. Catholicae.

Armacana-Rev. D. PATRITIUS QUINN, par. de Dun

gannon.

Tuamensi-Rev. D. ULICKIUS BURKE, Praeses Col. Sti. Jarlathi.

Casseliensi-Adm. Rev. D. JOANNES RYAN, S.T.D., Vic. Gen. par. de Ballingarry.

Corcagiensi-Adm. Rev. D. GEORGIUS SHEEHAN, Parochus de Bantry.

Kerriensi-Rev. D. DANIEL M'CARTHY, S.T.D., Vicepraes. Coll. Sti. Patritii, Maynutiae.

Dromorensi-Rev. D. PATRITIUS M'KAY, par. de

Clonduff.

Elphinensi-Rev. D. THOMAS M'NAMARA, Praes. Coll. Hib. Parisiis.

Fernensi-Rev. D. EDMUNDUS O'REILLY, e Soc. Jesu. Galviensi-Rev. D. JACOBUS DIXON, e Cong. Miss. Rossensi.-Adm. Rev. D. JEREMIAS MOLONY, Vic. Gen. par. de Rosscarbery.

Dunensi et Con.-Rev. D. GEORGIUS CROLLY, S.T.D., Prof. in Coll. Sti. Patritii Maynutiae.

Limericensi.-Rev. D. ROBERTUS F. WHITEHEAD, S.T.D., olim Vice-praeses Coll. Sti. Patritii Maynutiae.

Kilmorensi.-Rev. D. BERNARDUS FINNEGAN, Praeses Coll. Sti. Patritii apud Cavan.

Midensi. Rev. D. JOSEPHUS COYNE, Sec. Episcopi Midensis.

Clogherensi.-Rev. D. PETRUS BERMINGHAM, S.T.D., par. de Castleblayney.

Ardacadensi.-Adm. Rev. D. NICOLAUS O'FLANAGAN, Vic. Gen., par. de Abbeylara.

Rapotensi.-Rev. D. JOANNES M'DEVITT, S.T.D., Prof. in Coll. omnium Sanctorum.

Alladensi.-Rev. D. JOANNES CONMY, Praeses Seminarii Dioec. apud Ballina.

Achadensi.-Adm. Rev. D. BERNARDUS DURCAN, Vic. Gen., par. de Swinford.

Ossoriensi.-Rev. D. GUILLELMUS J. WALSH, S.T.D., Prof. Theol. in Coll. Sti. Patritii, Maynutiae.

Waterfordiensi.-Rev. D. JACOBUS V. Cleary, S.T.D., Praeses Coll. Sti Joan. apud Waterford.

Cloynensi.-Adm. Rev. D. P. D. O'REGAN, Vic. Gen., par. de Mallow.

Laonensi.-Adm. Rev. D. PATRITIUS O'MAILLY, Vic. Gen., par. de Nenagh.

Omnibus paratis, Hymnoque Veni Creator Spiritus a Cantoribus incoepto, processio inchoata est. Prosequentes Hymnum Veni Creator Spiritus atque insuper decantantes Hymnum Ave Maris Stella, Psalmosque 80 et 67, ad Ecclesiam Collegii perrexerunt: quam quum ingressi sunt Missam de Spiritu Sancto solemni ritu celebravit Emus et Rmus Praeses, cui ad altare adstiterunt: Sacerdos assistens, Adm. Rev. D. Ed. M'Cabe; diaconi assistentes, Adm. RR. DD. Barth. Canonicus Woodlock et Matthaeus Canoni

cus Keogh diaconus et subdiaconus missae RR. DD. Patritius Fee et Guillelmus Cullen. Missa finita, concionem ad Synodum habuit Illmus et Rmus D. Episcopus Dromorensis. Persolutis deinde Psalmis precibusque pro aperienda Synodo praescriptis, mandatum est ut omnes praeter synodales exirent. Clausis januis Emus Praeses synodales allocutus est juxta formam in Pontificali Romano traditam.

Tum institerunt Promotores ut Consilium hoc plenarium Episcoporum Hiberniae ab Emo Praeside, auctoritate a Sede Apostolica accepta, rite convocatum, hoc ipso die inciperet jamque incoeptum esse declararetur. Quorum precibus annuens Emus Praeses Decretum de Synodo aperienda Secretario legendum tradidit: quod quum a secretario perlectum esset, et a Patribus, nemine dissentiente, probatum, Emus Praeses Concilii plenarii initium fieri atque jam factum esse pronuntiavit.

Eadem ratione Decreta de modo vivendi, de praejudicio non afferendo, de Concilii officialibus, de judicibus causarum personalium in Synodo occurrentium, atque de non discedendo et secreto servando, perlecta et probata sunt.

Post hoc Concilii Promotores rogaverunt Emum Praesidem ut omnes ad Synodum citati aut qui ex sacrorum Canonum praescripto ei interesse deberent, nominatim vocarentur. Quod ex Praesidis mandato deinde a secretario factum est.

Responderunt omnes praeter Illmos et Revños Episcopos Kerriensem, Kildariensem, et Laonensem, quorum Episcopus Kerriensis, qui errore circa tempus aperiendae synodi deceptus fuerat, post finitam sessionem pervenit. Episcopi vero Kildariensis et Laonensis, legitime impediti, per Procuratores aderant: Kildariensis per suum coadjutorem Illmum et Rmum D. Jacobum Lynch, Episcopum Arcadiopolitanum; Laonensis etiam per suum coadjutorem Illmum et Rmum D. Jacobum Ryan, Episcopum Echinensem.

Postea proponente Emo Praeside Patres communi consensu statuerunt duobus Episcopis coadjutoribus, qui etiam Episcoporum absentium Procuratores erant, vocem decisivam esse concedendam. Idem jus, per speciale privilegium, concessum est Rño Fratri Brunoni, Abbati Cisterciensi de Monte Mellario, qui unicus Abbas Mitratus in Hibernia existit.

Tum fidei Professio juxta formam Pii IV. emissa est ab omnibus qui ad eam emittendam ex Concilii Tridentini praescripto tenebantur.

Postulantibus deinde Promotoribus ut dies secundae sessionis indiceretur, et habita de ea re sententia Patrum, statuit Emus Praeses secundam sessionem habendam esse in festo Nativitatis B. M. V. Feria IV. hebdomadae proxime sequentis. In fine benedictionem solemnem Emus Praeses omnibus impertivit.

PRIMA CONGREGATIO PRIVATA.

Die 1 Septembris, Feria IV.

Mane convenerunt Episcopi, hora undecima. Aderant Secretarii et Synodi scriptores. Postulante Emo et Rmo Praeside statuerunt Patres litteras scribendas esse ad SSmum D. N. Pium Papam IX., in obsequii et venerationis signum; ad Emos et Rmos DD. Archiepiscopos Neo-Eboracensem et Westmonasteriensem eis gratulantes ob dignitatem Cardinalitiam ipsis nuper collatam, necnon ad Emum et Rñum D. Archiepiscopum Posnaniensem et Gnesensem in carcere propter Ecclesiae jura fortiter propugnata detentum; atque ad Illmum et Rmum Dñum Episcopum Basiliensem qui cum suis Ecclesiae Helvetianae Fratribus tot tantasque ob fidem catholicam patitur