defuncti abbatis substituit anno Domini 841, ut habet ms. Chronicon, vel, ut alii, 842. Hic abbas admodum bene monasterio præfuit. Non tam in temporalium quam regularium divinarumque rerum cura, etc. Excitavit Grimaldus oratorium S. Othmari, et eo corpus illius de ecclesia S. Galli per Salomonem episcopum Constantiensem transtulit anno Domini 867, die vIII Kalend. Octob., indict. 1. Ab hoc abbate in monasterium receptus est S. Notkerus parvulus; sub eodemque empti sunt et scripti multi optimi libri magnis sumptibus. Erant item interior monachorum, et exterior sæcularium in monasterio celeberrimæ scholæ, in quibus et principum et nobilium filii accurate instituebantur. Obiit anno 872, cum præfuisset annis triginta uno. Et sepultus est, ut colligo ex sequenti epitaphio, in templo S. Othmari ; aliud enim condidisse non legitur. Epitaphium hoc est :
Hic. manet interius divinæ legis amator Grimualdus humilis, templum hoc qui condere jussit.
Plurima tranquillæ cum sint insignia vitæ, Non minimum est, si quis Pestanæ deditus arti, Noverit obsceni curas tractare Priapi. Ruris enim quæcunque datur possessio, seu sit Putris arenoso qua torpet glarea tractu, Seu pingui mollita graves uligine fetus, Collibus erectis alte sita, sive jacenti Planitie facilis clivo, seu vallibus horrens ; Non negat ingenuos olerum progignere fructus : Si modo non tua cura gravi compressa veterno, Multiplices olitoris opes contemnere stultis Ausibus assuescit, callosasque ære diurno Detrectat fuscare manus, et stercora plenis Vitat in arenti disponere pulvere quallis. Hæc non sola mihi patefecit opinio famæ Vulgaris, quæsita libris nec lectio priscis, Sed labor et studium, quibus otia longa dierum Postposui, expertum rebus docuere probatis.
Bruma senectutis vernacula totius anni Venter, et ampliflui consumptrix sæva laboris, Veris ubi adventu terrarum pulsa sub imas Delituit latebras, vestigiaque horrida avaræ Ver hiemis reduci rerum delere pararet Stemmate a, et antiquo languentia rura nitori Reddere, ver orbis primum caput et decus anni: Purior aura diem cum jam reserare serenum Inciperet, zephyroque herbæ floresque secuti Tenuia porrigerent radicis acumina, cæco Tecta diu gremio, canasque exosa pruinas ; Cum sylvæ foliis, montes quoque gramine pingui, Prataque conspicuis vernarent læta virectis : Atriolum, quod pro foribus mihi parva patenti Area vestibulo solis convertit ad ortum, Urtica implerunt, campique per æquora parvi Illita ferventi creverunt tela veneno. Quid facerem? tam spissus erat radicibus infra Ordo catenatis, virides ut texere lentis Viminibus crates stabuli solet arte magister: Ungula cornipedum si (quando humore nocetur Collecto) putres imitatur marcida fungos. Ergo moras rumpens Saturni dente latentes Aggredior glebas, torpentiaque arva, revulsis
A Sponte renascentum complexibus urticarum Erigo, et umbricolis habitata cubilia talpis Diruo, lumbricos revocans in luminis oras. Inde Noti coquitur flabris solisque calore Areola, et lignis ne diffluat obsita quadris Altius a plano modicum resupina levatur ; Tota minutatim rastris contunditur uncis, Et pinguis fermenta fimi superinsinuatur. Seminibus quædam tentamus oluscula, quædam Stirpibus antiquis priscæ revocare juventæ. Denique vernali interdum conspergitur imbre Parva seges, tenuesque fovet præblanda vicissim Luna comas. Rursus si quando sicca negabant Tempora roris opem, culturæ impulsus amore (Quippe siti metuens graciles torpescere fibras), Flumina pura cadis inferre capacibus acri Curavi studio, et propriis infundere palmis. Guttatim, ne forteb velocior impetus undas Ingereret nimias, et semina jacta moveret. Nec mora germinibus vestitur tota tenellis Areola, et quanquam illius pars ista sub alto Arescat tecto, pluviarum et muneris expers Squalleat aerei pars illa perennibus umbris Diffugiat solem : pars hæc, quia celsior, ignei Sideris accessum lateris neget obice duri : Non tamen ulla sibi fuerant quæ credita pridem, Spe sine crementi pigro sub cespite clausit. Quin potius quæ sicca fere, translata subactis Suscepit scrobibus, redivivo plena virore Restituit, reparans numeroso semina fructu. Nunc opus ingeniis, docili nunc pectore et ore C Nomina quo possim viresque attingere tantæ Messis, ut ingenti res parvæ ornentur honore. II. SALVIA.
Umbellas jaculata breves, spiramina venti Et radios Phoebi caules transmittit ad imos, Attactuque graves leni dispergit odores. Hæc cum multiplici vigeat virtute medelæ, Dicitur occultis apprime obstare venenis, Toxicaque invasis incommoda pellere fibris. IV. ABROTONUM.
Nec minus Abrotoni promptum est mirarier alte Pubentis frutices, et quas inspicat aristas Ramorum ubertas, tenues imitata capillos. Hujus odoratum lento cum vimine crinem Pæoniis carptum prodest miscere medelis Febribus obstat enim, telum fugat, adjuvat artus Quos incerta premit furtivæ injuria guttæ. Præterea tot habet vires quot fila comarum. V. CUCURBITA.
Haud secus altipetax, semente cucurbita vili Assurgens, parmis foliorum suscitat umbras Ingentes, crebrisque jacit retinacula ramis : Ac velut ulmum hedera implicuit cum frontibus [altam,
Ruris abusque sinu toti sua brachia circum Laxa dedit ligna, summumque secuta cacumen Corticis occuluit viridi tutamine rugas : Aut arbustivum vitis genus, arbore cum se Explicuit quavis, ramorumque alta corymbis Vestiit, et propria sursum se sponte levavit : Visitur ergo rubens aliena in sede recemus Dependere, premit tabulata virentia Bacchus, Pampinus et frondes discernit latior altas. Sic mea sic fragili de stirpe cucurbita surgens Diligit appositas, sua sustentacula, furcas, Atque amplexa suas uncis tenet unguibus alnos Ne vero insano divelli turbine possit, Quot generat nodos, tot jam retinacula trudit. Et quoniam duplicem producunt singula funem, Undique fulturam dextra lævaque prehendunt. Et velut in fusum nentes cum pensa puellæ Mollia trajiciunt, spirisque ingentibus omnem Filorum seriem pulchros metantur in orbes, Sic vaga tortilibus stringunt amenta catenis Scalarum, teretes involvuntque illico virgas, Viribus et discunt alienis tecta cavarum Ardua porticuum volucri superare natatu b. Jam quis poma queat ramis pendentia passim Mirari digne? quæ non minus undique certis Sunt formata viis, quam si tornatile lignum Inspicias medio rasum, quod mymphure constat. Illa quidem, gracili primum demissa flagello, Oblongo tenuique ferunt ingentia collo Corpora tum vastum laxatur in ilia pondus, Totum venter habet, totum alvus, et intus aluntur Multa cavernoso sejunctim carcere grana, Quæ tibi consimilem possunt promittere messem. Ipsis quin etiam toneri sub tempore fructus Ante humor quam clausa latens per viscera sero
• Ingeniosum est illud caput de cucurbita, nec a melioribus auctoribus melius concinnatum videtur. BARTHIUS.
A Autumni adventu rarescat, et arida circum Restiterit cutis, inter opes transire ciborum Sæpe videmus, et ardenti sartagine pinguem Combibere arvinam, et placidum segmenta saporem Ebria multoties mensis præstare secundis. Si vero æstivi sinitur spiramina solis
Cum genitrice pati, et matura falce recidi, Idem fetus in assiduos formarier usus Vasorum poterit, vasto dum viscera ventre Egerimus, facili radentes ilia torno. Nonnunquam hac ingens sextarius abditur alvo, Clauditur aut potior mensuræ portio plenæ Amphora, quæ piceo linitur dum glutine, servat Incorrupta diu generosi dona Lyæi.
B Hoc simul in spatio, campo quo figitur imis Hæc tam læta seges, vili quam carmine pinxi, Visitur alterius vitis genus acre, per æquor Serpere pulvereum, et fructus nutrire rotundos Pomorum. Hæc species terræ super arida vulgo Tecta jacens, crementa capit pulcherrima, donec Solibus æstivis flavos intincta colores Messoris calathos matura fruge replerit. Tum videas aliis oblongo stemmate ventrem Demissum, nucis aut ovi versatilis instar : Vel qualis manibus quondam suspensa supinis Lucet, agens circum lomenti bulla salivam Ante recens maceratur aquis quam spuma refusis, Dum lentescit adhuc digitis luctantibus, et se Alternis vicibus, studioque fricantibus uno
C Inter utramque manum, parvo fit parvus hiatu Exitus huc stricto lenis meat ore Noti vis, Distenditque cavum vitrea sub imagine pondus, Et centrum medio confingit labile fundo, Undique conveniat cameri quo inflexio tecti. Ergo calybs hujus penetrat dum viscera pomi, Elicit humoris largos cum semine rivos Multiplici tum deinde cavum per plurima tergus Frusta manu spargens hortorum lætus opimas Delicias conviva capit, candorque saporque Oblectant fauces: nec duros illa molares Esca stupere facit, facili sed mansa voratu Vi naturali frigus per viscera nutrit.
Proximus absynthi frutices locus erigit acris, D Herbarum matrem simulantes vimine lento. In foliis color est alius, ramisque ordor alter Puberibus, longeque saporis amorior haustus. Ferventem domuisse sitim, depellere febres Hoc solet auxilium clara virtute probatum. Si tibi præterea caput acri forte dolore Pulsetur subito, vel si vertigo fatiget, Hujus opem rimare, coquens frondentis amaram Absynthi silvam, tum jura lebete capaci Effunde, et capitis perfunde cacumina summi. Quo postquam ablueris graciles humore capillos,
Devinctas frondes superimposuisse memento. Tum mollis fotos constringat fascia crines, Et post non multas elapsi temporis horas Hoc inter reliquas ejus mirabere vires. VIII. MARRUBIUM.
Quid referam juxta positi nimiumque potentis Marrubii non vile genus, licet acrius ora Mordeat, et longe gustum disjungat odore. Dulce enim olet, non dulce sapit, sed pectoris ægros Comprimit angores, tristi dum sumitur haustu, Præcipue talis caleat si potus ab igni,
Et cœnam cyathis cogatur claudere crebris, Si quando infensæ quæsita venena novercæ Potibus immiscent, dapibusve aconita dolosis Tristitia confundunt, extemplo sumpta salubris Potio marrubii suspecta pericula pressat. IX. FENICULUM.
Nec marathri taceatur honor, quod stipite forti Tollitur, et late ramorum brachia tendit; Dulce satis gustus, dulcem satis addit odorem. Hoc oculis quos umbra premit prodesse loquuntur. Hujus item semen, fetæ cum lacte capellæ Absumptum, ventris fertur mollire tumorem, Cunctantisque moras dissolvere protinus alvi Præterea radix marathri, commixta liquori Lenæo, tussim percepta repellit anhelam. X. GLADIOLA.
Te neque transierem Latiæ cui libera linguæ Nomine digladii nomen facundia finxit. Tu mihi purpurei progignis floris honorem, Prima æstate gerens violæ jucunda nigellæ Munera, vel qualis mensa sub Apollinis alta Investis pueri pro morte recens Hyacinthus Exiit, et regis signavit vertice nomen. Radicis ramenta tuæ siccata fluenti Diluimus contusa mero, sævumque dolorem Vesicæ premimus tali, non secius, arte. Pignore, fullo, tuo, lini candentia texta Efficit ut rigeant 2, dulcesque imitentur odores. XI. LIBISTICUM.
Inter odoratam memorare libistica silvam Fortia suadet amor parvi diffusior horti. Hoc germen succo quamvis et odore gemellis Orbibus officere et tenebras inferre putetur, Semina sæpe tamen quæsitis addere curis Parva solent, famamque aliena laude mereri. XII. CÆREFOLIUM.
Quæ tot bellorum, tot famosissima rerum Magnarum monumenta sacro pia conficis ore, Exiles, Erato, non dedignare meorum Divitias olerum versu perstringere mecum. Infirmis divisa licet Macedonia ramis Spargitur, et crebris ignobile semen aristis Sufficit, illa tamen, toto reparabilis anno, Pauperiem largo solatur munere plebis
a Barth., vigeant.
b Barth., indigno.
A Indignæ, nec non restringere sanguinis undas Corpore diffusas, facili solet obvia gustu. Illa quoque infesto venter dum forte dolore Turbatur, fomenta super non irrita ducit, Puleium sibimet frondesque papaveris addens. XII. LILIUM.
Lilia quo versu candentia, carmine quove Jejunæ macies satis efferat arida musæ? Quorum candor habet nivei simulacra nitoris. Dulcis odor, silvas imitatur flore Sabæas. Non Parius candore lapis, non nardus odore Lilia nostra premit : nec non si perfidus anguis Ingenitis collecta dolis serit ore venena Pestifero, cæcum per vulnus ad intima mortem Corde feram mittens, pistillo lilia præsta Commacerare gravi, succosque haurire falerno. Si quod contusum est summo liventis in ore Ponatur punctim, tum jam dignoscere vires Magnificas hujusce datur medicaminis ultro. Hæc et jam laxis prodest contusio membris. XIV. PAPAVER.
Et cereale quidem nugarum in parte papaver Hac memorare placet, quod raptæ mosta puellæ Mater ut immensis optata oblivia mentem Exuerent curis, fertur Latona vorasse. Hoc simul auxilio carbunculus, ater ad imo Pectore qui ructus nimium convolvit amaros Oris adusque fores, reprimi persæpe videtur. Hujus ad alta caput, granorum semine fetum Protento fragilique solet se tollere collo, Inque modum mali, regio cui Punica nomen Indidit, unius patulo sub pellis amictu Grana celebrandæ virtutis plurima claudit. Deque sono mandentis habet formabile nomen.
Quis odor alter inest, pauloque immitior haustus. Sed si quid vires, species, et nomina menthæ Ad plenum memorare potest, sciat ille necesse est Aut quot Erythreo volitent in gurgite pisces, Lemnius aut altum quot in aera Mulciber ire Scintillas vastis videat fornacibus Ætnæ.
Non patitur cunctas angustia carminis hujus Pulei virtutes celeri comprendere versu. Hoc apud Indorum tanti constare peritos Fertur, apud Gallos quanti valet Indica nigri Congeries piperis, quis jam dubitare sinetur Hac herba plures leniri posse labores? Quam pretiis inhianter emit ditissima tantis Gens, hebenoque auroque fluens, et mira volenti Quæque ferens mundo, o magni laudanda Tonantis Virtus et ratio, nullis quæ munera terris Larga suæ non pandit opis, quæ rara sub isto Axe videre soles, aliis in partibus horum Copia tanta jacet, quantam vilissima tecum Efficiunt rursus quædam quæ spreta videntur Forte tibi, magno mercantur ditia regna, Altera ut alterius potiatur fenore tellus, Orbis et in toto per partes una domus sit. Puleium quam decoctum curabit amice
Et potu et fotu stomachum (mihi crede) morantem. Dum canimus quæ certa gravi ratione tenemus Quædam audita, et jam vero miscere cothurn Fas ususque sinit: ramum conjungito pulei Auriculæ, ne forte caput turbaverit æstus Solis in aerio si te perflarit aperto. Quod nisi me currens deponere vela Thalia Cogeret, ac tandem portus intrare moneret, Hinc tibi multiplices poteram decerpere flores. XVIII. APIUM.
Quamvis in nostris apium vilesceret hortis, Et solito id multi prodesse sapore notarent, Plura tamen propriis medicamina viribus, acri Exhibet auxilio, cujus si trista capessas Semina, torquentes urinæ frangere tricas. Dicitur, ipsum etiam tenero cum germine mansum Concoquit errantes stomachi penetralibus escas. Corporis hunc regem turbans si nausea vexet, Mox apium lympha tristique bibatur aceto, Passio tum celeri cedet devicta medelæ.
Montibus et silvis, pratis et vallibus imis Bettonicæ pretiosa licet collectio cunctis Pene locis superet passim, tamen hanc quoque noster Hortus habet, cultaque docet mansuescere terra. Hæc tantum meruit generali nomine laudis, Ut si quid mea Musa velit superaddere, tandem Mole operis devicta sui, jam sentiat, illa Utilitate minus quidquid deprompserit esse. Hanc viridem si forte tuos coneris in usus Carpere, siccatamve hiemi deponere pigræ, Turbida sive tuas oblectant pocula fauces, Seu potius longo tibi defecata labore
A Dona placent, hujus virtus mirabilis herbæ Omnia sufficiet, quam quosdam pendere tanti Novimus, ut contra, totum si injuria corpus Impetit interius, muniri viribus ejus Sese posse rati, soleant haurire diebus Continuis hoc acre genus medicaminis almi. Præterea caput infesto si vulnere fractum Tabuerit, tum crebra terens imponito sacræ Tegmina bettonicæ, statim mirabere vires Illius in solidum fuerit dum clausa cicatrix. XX. AGRIMONIA.
Hic quoque sarcocolam, campos quæ plurima passim Vestit, et effetis silvarum inventa sub umbris Nascitur, ordinus facile est discernere pulchris. Hæc præter varium latæ virtutis honorem, B Trita domat ventris prædirum et pota dolorem. Si que forte chalybs infensus vulnera membris Indiderit nostris, hujus tentare jubemur Auxilium, partique imponere tonsa patenti Germina, maturum nacturi hac arte vigorem Si tamen addatur mordens cataplasmati acetum.
Inficit hic oleum proprio de nomine dictum, Quod quam sæpe fiat mortalibus utile curis, Nec meminisse potest hominum, nec dicere quisquam. Huic famosa suos opponunt lilia flores, Longius horum et jam spirans odor imbuit auras. Sed si quis nivei candentia germina fructus Triverit, aspersi mirabitur illicet omnem Nectaris ille fidem celeri periise meatu.
Hoc quia virginitas fama subnixa beata Flore nitet, quam si nullus labor exagitarit Sordis, et illiciti non fregerit ardor amoris, Flagrat odore suo. Porro si gloria pessum Integritatis eat, fateor, mutabit odorem.
Hæc duo namque probabilium genera inclyta florum Ecclesiæ summas signant per sæcula palmas Sanguine martyrii carpunt quæ dona rosarum, Liliaque in fidei gestant candore nitentis. O mater virgo fecundo germine mater, Virga fide intacta, sponsi de nomine sponsa, Sponsa, columba, domus, regina, fidelis amica, Bello carpe rosas, læta arripe lilia pace, Flos tibi sceptrigero venit generamine Jesse,
A Unicus antiquæ reparator stirpis et auctor. Lilia qui verbis vita que dicavit amœna, Morte rosas tingens, pacemque et prælia membris Liquit in orbe suis, virtutem amplexus utramque, Præmiaque ambobus servans æterna triumphis. DICATIO OPUSCULI.
Hæc tibi servitii munuscula vilia parvi Strabo tuus, Grimalde pater doctissime, servus Pectore devoto, nullius ponderis offert. Ut cum conseptu viridis consederis horti Super opacatas frondenti germine malos, Persicus imparibus crines ubi dividit umbris, Dum tibi cana legunt tenera lanugine poma Ludentes pueri, schola lætabunda tuorum, Atque volis ingentia mala capacibus indunt; Grandia conantes includere corpora palmis : Quo moneare habeas nostri pater alme laboris Dum relegis quæ dedo volens, interque legendum Ut vitiosa seces deposco, placentia firmes. Te Deus æterna faciat virtute virentem, Immarcescibilis palmam contingere vitæ ;
Hoc Pater, hoc Natus, hoc Spiritus annuat almus.
AD OPERA WALAFRIDI STRABI
SERMO IN FESTO SANCTORUM OMNIUM.
(Vide inter S. Augustini Opera, Patrologiæ tom. XXXIX, part. 11, col. 2135, serm. no 209.
CARMEN DE S. MICHAELE Walafrido abjudicandum.
Ad te confugio, Michael, tua numina posco, Eximium lumen mundi, qui vota precantum Suscipis, et placido perducis ad astra volatu, Præsidium cœleste ferens mortalibus ægris. Principio veniam tribuas peccata remittens Actibus aut verbis, aut solo noxia sensu; Mox animum corpusque tuo medicamine cures, Vulnera restringens penitus variosque dolores Atque in pace domum foveas, mentemque per ævum Lætifices, cedant meliori tristia fotu. Tu generis, tu conjugii fiducia nostri.
Torqueat inde ruens nullus mea pectora casus, Avertas morbos, proprium aut consume periclum. Impendens arcere velis, viresque potentum
C Disjicias, rabido qui me livore fatigant. Non humilis pergam, nec vero inglorius ævum, Sed liqueat, quantum pro me tua dextera possit, Quæ quondam victumque dedit, famamque togato, Ipse gubernator rerum, mihi providus adsis, Impavidumque tegas, fortunalisque fovendum. Consilis, majore gradu contingat honorum Illustrem justis operi sensuque beatum. Efficias ne dura fames, aut turpis egestas Dedecus immergat; natis quos ipse dedisti Perpetuum dones cibum, firmamque salutem. Sim gratus, carusque meo semperque probandus Martiano, quem tu incolumem summo renitentem Fastigio, gravidus tutum defende periclis, Nunc ego nunc tristem cernam relinquere cogar.
EPITAPHIUM GEROLDIS COMITIS b.
Mole sub hac magni servantur membra Geroldi, D Oppetit sævo Septembribus euse Kalendis, Hujus jura loci cunctis qui viribus auxit,
Pannoniis vera Ecclesiæ pro pace peremptus,
Sideribusque animam dedit. Artus Saxo fidelis Abstulit, huc retulit dignoque hic clausit honore.
799, Vide librum de Visionibus Wettini, supra, col. 1065.
« PoprzedniaDalej » |