ECCLESIASTICORUM SEU COLLECTIO DECRETORUM AUTHENTICORUM SACRAE RITUUM CONGREGATIONIS QUAE CUILIBET ECCLESIASTICO MAGIS UTILIA VEL NECESSARIA CENSENTUR Editio altera Romana emendata, et aucta. ROMAE TYPIS S. CONGREGATIONIS DE PROPAGANDA FIDE MDCCCXLV. In altera quae nunc prodit editione Manua lis ecclesiasticorum seu collectionis decretorum Sacrae Rituum Congregationis, utilitati et commoditati prospeximus. Siquidem quae in prioribus editionibus secundam opusculi partem distinguebant decreta, quaeque ipse Auctor animadverterat addenda esse respectivis capitulis vel paragraphis pro singulis materiis, ordinatim suis locis disposuimus, et novissima etiam quae usque nunc prodierunt (*), opportuniora seligendo, adiunximus. Integritati quoque huius operis consuluimus, apposite subiicendo adnotationes quasdam brevissimas in iis, quae minus consona rubricis, vel Sacrae Congregationis legibus adversantia reperiuntur, exceptis praeterea paucis decretis, quae in collectione authentica non referuntur, vel repetita legebantur. Quam itaque in hac editione accurate comparanda posuimus operam, ecclesiasticis viris, qui sacri sui muneris partem diligenter implere student, neque inutilem neque ingratam fore confidimus. PIUS MARTINUCCI Apost. Caerem. Mag. Recentiora decreta prodierunt usque ad num. 4596 collectionis authenticae, nempe usque ad diem 23 maii anni 1835. |