et alia quædam Officia Ec- Ex Rituali Romano, jussu Pauli quinti edito extractus: Nonnullis adjectis ex antiquo Rituali Anglicano. + De Sacramentorum administratione in genere. IN administrandis Sacramentis caveat Sacerdos ne ritus ab Ecclesià præscriptos, prætermittere, vel in alios mutare, præsumat: memor illius canonis sacrosanctæ Tridentinæ synodi, (Sess. 7. Can. 13.) Si quis dixerit receptos et approbatos ecclesiæ Catholicæ ritus, in solemni sacramentorum administratione adhiberi consuetos, aut contemni, aut sine peccacato a ministris pro libito omitti, aut in novos alios per quemcumque ecclesiarum pastorem mutari posse, anathema sit. Cum autem in ecclesià Dei nihil sanctius aut utillus, nihilque excellentius aut magis divinum habeatur quam sacramenta ad humani generis salutem à Christo Domino instituta; parochus, vel quivis alius Sacerdos, ad quem eorum administratio pertinet, meminisse in primis debet, se sancta tractare.— Quamobrem illud perpetuo curabit ut integrè, castè pièque vitam agat--ne impure et indignè Christi sacramenta administrans, in æternæ mortis reatum incurrat. Sacerdos ergo si fuerit peccati mortalis sibi conscius (quod absit) ad sacramentorum administrationem non audeat accedere, nisi priùs corde pæniteat: sed si habeat copiam confessarii, et temporis locique ratio ferat, convenit confiteri. Quacumque diei ac noctis hord ad sacramenta ministranda vocabitur, nullam officio suo præstando (præsertim si necessitas urgeat) moram interponat. Ac propterea populum sæpè, prout sese offeret occasio, præmonebit, ut cum sacro ministerio opus fuerit, se quam primùm advocet, nulla temporis, aut cujuscumque incommodi habitá ratione. Ipse verò antequam ad hujusmodi administrationem accedat, paululùm, si opportunitas dabitur, orationi, et sacræ rei quam acturus est, meditationi vacabit, atque ordinem ministrandi et cæremonias pro temporis spatio prævidebit, et perleget. In omni sacramentorum administratione stolá saltem indutus sit; nisi in sacramento pœnitentiæ ministrando, occasio, vel locus interdùm aliter suadeat. Curabit etiam ut sacra supellex, vestes, ornamentu, linteamina et rasa ministerii, integra, nitidaque sint et munda. In sacramentorum administratione, eorum virtutem, usum, ac utilitatem, et cæremoniarum significationes, ut Concilium Tridentinum præcipit, ev Sanetorum Patrum et Catechismi Romani doctrinâ, ubi commodè fieri poterit, diligenter explicabit. Dùm autem. sacramentum aliquod ministrat, singula verba quæ ad illius formam et ministerium pertinent, attentè, distinçtè et piè, atque clarâ voce pronuntiabit nec memoriæ, quæ plerumque labitur, facilè confidet; sed omnia recitabit ex libro. Illud porrò diligenter caveat, ne in sacramentorum administratione aliquid, quávis de causa, vel occasione, directè vel indirectè exigat aut petat; sed ea gratis ministret, et ab omni si moniæ atque avaritiæ suspicione nedum crimine longissimè absit. Si quid verò nomine eleemosyne aut devotionis studio, peracto jam sacramento, spontè à fidelibus offeratur, id licitè pro consuetudine locorum accipere poterit, nisi aliter Episcop videatur. De Sacramento Baptismi. AQUA in Baptismo adhibenda debet esse eo anno benedicta in Sabbato sancto Pascha, vel in Sabbato Pentecostes quæ si defecerit, parochus aliam aquam pro baptismo benedicat, ex formulá quæ infra præscribitur. Si aqua benedicta tam imminuta sit, ut minus sufficere videatur, alia non benedicta admisceri potest, in minori tamen quantitate. Si aqua gelu concrecerit, curetur ut liquefiat.-Si liquida, sed tam frigida inceniatur, ut periculum sit ne tenello infanti noceat, modicè calefiat, vel aquæ baptismali admisceatur paululum aquæ naturalis non benedictæ sed calefactæ... Baptismus licet fieri possit aut per -infusionem aquæ; aut per immersionem, |