Là manoit en toute saison; I
Là sa garnison el avoit,
Par sa poine a vie se menoit :
De blef et de noiz garnie yere :
Bien fu garnie sa clotiere. 2
Po vouloit autre gent engier
Rondemant vivoit sans dangier
Paour n'avoit c'on l'océist
Ne que non sus li nul mal meist :
Trop grant societé ne quist,
Tout rondement sa vie aquist:
Nuit et jour sans paour estoit,
Celont son pourchas despandoit,
Dormoit et reposoit an ceur:
Ades el estoit an cest eur
Nulle foiz n'iert ses huis hurtez
Por li faire milles durtez.

Pains, vins, chars, fromages, pessons Et trestoutes autres paissons, Desquels, qu'elle vouloit user,

En povoit panre sans muser.

Un jot pot a li mout ceoir
Qu'el alast sa comere veoir :
Longuement fu qu'el n'ot vehue:
Lors cest a la veoir esmehue.

Chies sa comere s'an ala;

Pres des hus devant l'apella. 3
Celle issi hors: si la salue:
Comere, soiez bien venue;

4

Venez véoir nostre maison
Sauroiz de nostre garnison,
Telle que Dieux l'a ma donnée:
Lors a sa comere menée:
De ce qu'elle ot, devant li mist;
Mais ains chiere celle n'an fist;
Mes tout quanqu'elle voit desprise
Que n'ot pas tels viande aprise.
Qu'elle li fu povre et amere.
Lors dist la riche à sa comere:
Certes mout povre vie menez :
Comant en vie vous tenez?
Certes huit jours ne vivroie mie,
Se je estoie a vostre vie.

Telz vie doit estre la maudite:
Quanques ci aves je clam quitte
Ansinc vous si ferez savoir

Ce vous donrai cent temps d'avoir
Qui vostre touz quites cera
Et qui riens ne vous coustera
Bien vous doit tels presanz céoir,
Comeres, venez moi véoir
Je vous metrai aise sans poine.
Celle la crut: a tant l'anmoine;
De ses honneurs se va vantant,
Et l'autre se va guermantant,
Et tant leurs paroles maintindrent
Qu'amedeux chiez le borgois vindrent,
Et maintenant, et sans tardier,

Celle la mena au lardier :

Voiz ci bacons, vois ci sayn,

6

Voiz ci froumages de gayn,

Voiz ci chairs fresches et ci andouilles :
Manjue tant que tu te doilles : 7
Jà ni parre et mil fussiens
Qui feissions pis que peussiens
Dou lardier au grenier l'amoine :
Voiz ci froment, vois ci avoine,
Et vois cy pois et vois ci noiz :
Done en sus de jors et de noiz. 8
Tant a grans garnisons ceans
Ne le querroit-il hom voians.
Dist la
povre : ge non savoie:
Or suis venue a bonne voie;
Car se piesa ge le séusse,
Mon povre ostel laissié éusse.
La riche la va adestrant, 9

De chambre en chambre va entrant.

Ainsic com par leans aloient
Et les richesses regardoient.
Dont la povre s'esjouissoit
Et de planté s'esbaissoit.
Lors ont vehu frere Thiebert
Qui fu grant et fort et apert
Qui sus un grenier planchéoit
Qui bien tout autour li véoit
Comme la povre la véhu
Hide et paour en a éhu :
Si dist: Comere et qui iert

Cils grans mestres là et qui quiert?

C'est, dist celle, nostre gardians
Qui est custodes de céans:

Tost il feroit nos fins venir

S'ans pates nous povcit tenir :
C'est cil qui jusque a mort fiert. 1o

Nulle autres riens, fors nous, ne quiert.
Lors plus de paroles ne distrent;

Mes amdeux au fuir se mistrent. 12
L'une l'autre n'i regarda :

Mais qui miaux pot, si se garda.
La povre Si en tel destroit 13

Por

paour se mist si estroit
A po que la mort n'en a pris
N'ot pas tel pourveeur apris
Li cuers li bat et cors et voines :
Moult a iqui souffertes poines:
Tout le jour fu an tel martire
N'osa muer, plaindre, ne dire 14
Jusque l'autre l'a apelée

Qui sot bien de Thiebert l'alée.
Et miaux le coutume savoit :
Car plus de fois vehu l'avoit,
Pourcoi si grief ne l'an remic;
Si la hucha: comere, amie,
Issiez hors et ne vous doulez: 15
Freres Thiebers s'an est alez
Espoir vives ne revandra.
N'aiez paour ne vous tandra.

Lors c'est la povre esvennié
Quant elle a sa commeres oyé
Et dist: Comere, arriez m'an vois
En ma povre maison au bois :
Ge am miaux simple povreté
Et demourer en ceureté
Que richece et honneur tenir
Dont peril et mort peut venir,
J'am mieux povre et seur osté
Aveoir: cler il n'i a té
N'ai que faire por melodie

11