Textum francicum, quem quum anno 1834 Parisiis versarer ex codice descripsi, maximâ quâ fieri potuit, fide ad versus singulos et paginas codicis exprimendum curavi neque ut interpunctionem accuratiorem aut quantitatem vocalium adderem

id quod ab antiquitatum nostri sermonis editoribus hodie exigere solent - in edendo monumento tam remotae antiquitatis, quod in uno tantum codice conservatum est, licitum existimavi. licitum existimavi. Adjeci lectiones Graffii (Neues Jahrbuch der Ber linischen Gesellschaft. I, S. 57.) ubi dubitari potest, uter nostrum melius legerit; duo folia codicis secundi, quae Endlicher Vindobonae reperit, integra infra textum posui.

In Annotationibus quaedam de regulis grammaticae disserui et locos difficiliores explanare studui. Nomine dialecti alamannicae modo eam qua versio Keronis confecta est (streng - althochdeutsch) modo omnes Germaniae superioris dialectos (alt hochdeutsch, mittelhochdeutsch) indicavi.

In Glossario ne quid omitterem nixus sum. Inconstantias quasdam ex. gr. quod verba partim in forma infinitivi partim primae praesentis enumerantur, excusabis.

Carolsruhae, Mense sextili. 1836.

Prolegomena.

Codex 2326 bibliothecae regiae Parisiensis continet :

1. Isidori Hispalensis ad Florentinam sororem epistolam quae occurrit in editionibus sub nomine de nativitate Domini, passione et resurrectione, regno atque judicio,

2. ejusdem librum de gentium vocatione ad eandem,

3. breve quoddam glossarium latinum,

4. in quatuor paginis postremis parvum de Trinitate opusculum incipiens: aurum et pecunia non est mecum.

Primo operi, quod mancum est a capite, in viginti duobus foliis prioribus versio theotisca ad latus adscripta est; in multis foliis sequentibus spatium relictum est, cui versio inscribi debebat pigritia scribae omissa, praeter folii vicesimi quinti paginam alteram ubi loco versionis hoc poema notulis musicis instructum reperitur:,,Anianus aurelianorum pontifex clarus stetit in virtutibus. Beatus anianus episcopus aurelianensis civitate electus pastor vero