Pueri a teneris annis ad bellicam fortitudinem, virtutem, et pietatem erga Deos formandi sunt
Angustam amice pauperiem pati
Robustus acri militia puer Condiscat, et Parthos feroces Vexet eques metuendus hasta;
5 Vitamque sub divo, et trepidis agat In rebus. Illum ex moenibus hosticis Matrona bellantis tyranni Prospiciens, et adulta virgo, Suspiret: heu, heu! ne rudis agminum Sponsus lacessat regius asperum Tactu leonem, quem cruenta Per medias rapit ira caedes.
Dulce, et decorum est pro patria mori. Mors et fugacem persequitur virum; Nec parcit imbellis iuventae Poplitibus, timidoque tergo.
Virtus, repulsae nescia sordidae, Intaminatis fulget honoribus; Nec sumit, aut ponit secures Arbitrio popularis aurae.
Virtus, recludens immeritis mori Caelum, negata tentat iter via; Coetusque vulgares, et udam
Spernit humum fugiente penna.
Est et fideli tuta silentio
Merces: vetabo, qui Cereris sacrum
Vulgarit arcanae, sub îsdem
Sit trabibus, fragilemve mecum Solvat phaselum. Saepe Diespiter Neglectus incesto addidit integrum: Raro antecedentem scelestum Deseruit pede Poena claudo.
O DE III.
AD CAESAREM AUGUSTUM.
Constantia viam aperit ad astra. Romanae magnitudini Iuno favet, Troiae cineribus iniqua.
Iustum, ac tenacem propositi virum Non civium ardor prava iubentium, Non vultus instantis tyranni
Mente quatit solida, neque Auster,
Dux inquieti turbidus Hadriae, Nec fulminantis magna manus Iovis: Si fractus illabatur orbis, Impavidum ferient ruinae.
Hac arte Pollux, et vagus Hercules Enisus, arces attigit igneas: Quos inter Augustus recumbens Purpureo bibet ore nectar.
Hac te merentem, Bacche pater, tuae Vexere tigres, indocili iugum Collo trahentes. Hac Quirinus Martis equis Acheronta fugit;
Gratum eloquuta consiliantibus Junone Divis: Ilion, lion Fatalis, incestusque iudex, Et mulier peregrina vertit
In pulverem, ex quo destituit Deos Mercede pacta Laomedon, mihi, Castaeque damnatum Minervae Cum populo, et duce fraudulento.
Iam nec Lacaenae splendet adulterae Famosus hospes; nec Priami domus Periura pugnaces Achivos Hectoreis opibus refringit;
Nostrisque ductum seditionibus 30 Bellum resedit. Protinus et graves Iras, et invisum nepotem,
Troia quem peperit sacerdos,
Marti redonabo: illum ego lucidas Inire sedes, ducere nectaris
Succos, et adscribi quietis Ordinibus patiar Deorum;
Dum longus inter saeviat Ilion, Romamque pontus; qualibet exsules In parte regnanto beati:
Dum Priami, Paridisque busto
Insultet armentum, et catulos ferae Celent inultae; stet Capitolium Fulgens, triumphatisque possit
Roma ferox dare iura Medis.
Horrenda late nomen in ultimas Extendat oras; qua medius liquor Secernit Europen ab Afro,
Qua tumidus rigat arva Nilus:
Aurum irrepertum, et sic melius situm, Quum terra celat, spernere fortior, Quam cogere humanos in usus;
Omne sacrum rapiente dextra.
Quicumque mundo terminus obstitit, Hunc tangat armis; visere gestiens, Qua parte debacchentur ignes, Qua nebulae, pluviique rores.
Sed bellicosis fata Quiritibus Hac lege dico: ne nimium pii, Rebusque fidentes, avitae
Tecta velint reparare Troiae.
Troiae renascens alite lugubri Fortuna, tristi clade iterabitur; Ducente victrices catervas Coniuge me Iovis, et sorore.
Ter si resurgat murus aheneus Auctore Phoebo; ter pereat meis Excisus Argivis; ter uxor
Capta virum, puerosque ploret. Non haec iocosae conveniunt lyrae: Quo, Musa, tendis? desine pervicax Referre sermones Deorum, et Magna modis tenuare parvis.
Poeta se a multis periculis Musarum ope ereptum esse dicit, et tutum Augustum fore.
Descende Caelo, dic age tibia, Regina, longum, Calliope, melos; Seu voce nunc mavis acuta,
Seu fidibus citharaque Phoebi. Audiris? an me ludit amabilis Insania? Audire, et videor pios Errare per lucos, amoenae
Quos et aquae subeunt, et aurae. Me fabulosae Vulture in Appulo, Altricis extra limen Apuliae, Ludo, fatigatumque somno, Fronde nova puerum palumbes Texere: mirum quod foret omnibus, Quicumque celsae nidum Acherontiae, Saltusque Bantinos, et arvum
Pingue tenent humilis Forenti;
Ut tuto ab atris corpore viperis Dormirem, et ursis; ut premerer sacra Lauroque, collataque myrto,
Non sine Dîs animosus infans.
Vester, Camenae, vester in arduos Tollor Sabinos: seu mihi frigidum Praeneste, seu Tibur supinum, Seu liquidae placuere Baiae.
« PoprzedniaDalej » |