propriam domum juxta cameram generatoris de elemosina et retro cameram domini abbatis Clarevallis, et proprium stabulum equis suis juxta domum ortolani apud Cystercium, quas domos emerunt et fecerunt denariis et expensis suis. In cujus rei testimonium presentes litteras sigilli nostri munimine roboravi. Actum anno gratie Mo. cc. quinquagesimo octavo, tempore capituli generalis. Junio 1279. IV. [DE ELEMOSINA MAGISTRI ROBERTI DE SANCTO QUINTINO.] Universis presentes litteras inspecturis, frater W...... dictus abbas Ursicampi, Cysterciensis. ordinis, Noviomensis dyocesis, totiusque dicti loci conventus, salutem in domino sempiternam. Noveritis quod cum dilectus noster in Christo quondam magister Robertus de Sancto Quintino, phisicus, clericus, in extremis positus legaverit et contulerit omnes terras et redditus suos tam hereditarios quam acquisitos, cujuscumque generis essent, et in quibuscumque constarent et ubicumque, necnon novies viginti libras parisienses a Johanna dicta le Gourlele, relicta quondam Roberti dicti Fabri, burgensis in Sancto Quintino, ipsa magistro debitas una cum centum libris parisiensibus ex ipsius magistri peccunia cedendas, transeundas et convertendas, annis singulis, post ejus obitum, in perpetuum, in usus et pitancias conventus monachorum et conversorum Ursicampi, singulis ebdomadis, in cenis quibuscumque fa ciendis a conventu predicto, a Pascha usque ad festum exaltationis sancte † ita videlicet quod haberet et habeat unusquisque dicti conventus ter in ebdomada qualibet die cuibuscumque qua sine quibus ipsos per idem tempus cenare contigerit unum alectium. Bis etiam id est per duas cenas alias tria ova, deinde per binas cenas reliquas caseum pro modo competenti, ut et septies ita quod qualibet hujus modi septimana per idem tempus in cenis hujus modipitancia fieret et fiat in perpetuum, antedicta sub forma prenotata. Ac ut predicta ullo casu contigente vel eventu infringi possent, aut retractari addiderit, magister, ad cautelam futurorum, quod si premissa processu temporis casu quocumque vel eventu deficerent, aut non fierent, quod fratres militie Templi terras, pecunias et redditus hujus modi caperent, haberent et possiderent in ipsorum fratrum usus ipsius milicie perpetuo convertendos, prout hec et alia in ultima dicti magistri dispositione super hoc confecta plenius continentur. Nos piam ipsius defuncti voluntatem laudabileque propositum adimpleri posse cupientes et fieri cum effectu sub forma prenotata volentes, ne forte pia voluntas hec ultima dicti descendentis hujus omissis in nostrum dictique nostri monasterii dampnum proinde aliorumque religiosorum in similibus redundaret; quod gravamen dictas pitancias, sicut justum est, fieri volumus et erogari ac persolvi, statuimus sub forma prenotata, de voluntate et assensu nostri conventusque predicti recognoscentes ob hec a nobis et nostris a modo successoribus abbatibus et conventu monasterii Ursicampi predicti annis singulis adimplenda competenter recepisse ex bonis, terris, redditibus et pecunia predictis. Mille libras turonenses in utilitatem nostram et nostri monasterii predicti conversas evidentem mediantibus quadraginta libris parisiensibus a modo annis singulis in posterum et in futurum capiendis in bursa nostra communi dicti monasterii, et solvendis nobis et nostris successoribus predictis, ad opus et usus pitancie supra dicte sub dicta forma faciende bursario nostro scilicet converso magistro cellarii nostri Noviomio existentis, quos a modo progressu temporis bursarium Ursicampi et magistrum conversum esse contigerit cellarii supra dicti, quos ad hoc nostros a modo constituimus et in his provisores tam nunc presentes bursarium et fratrem J...... conversum quam alios quoscumque de cetero, ut premissum est, bursarium dicti monasterii et magistrum dicti conversum cellarii venturos in futurum videlicet xx libras parisienses die dominicali ramis palmarum, et totidem in festo beati Petri ad vincula, promittentes bona fide de voluntate et assensu domini B...... abbatis Clarevallis prioris, abbatis nostri, ad supplicationem nostram et requisitionem, interponentis ac promissa acceptantis, approbantis etiam et in hiis. expresse sua gratia consencientis, hec eademque a nobis fieri volentis. Nos omnia premissa et singula firmiter ac inviolabiliter in perpetuum observaturi et in omnibus adimpleturi. Pro quibus omnibus et singulis itaque tenendis, adimplendis et observandis, et de non veniendo contra in posterum, obligamus nos, nosmet ipsos, nostrosque successores quos libet antedictos et bona nostra nostrique monasterii predicti queque, de voluntate et assensu predictis erga dictum bursarium et fratrem magistrum cellarii supradicti. Noverint insuper universi quod nos frater B...... dictus abbas Clarevallis, dicti monasterii Ursicampi prior, abbas ipsorum abbatis et conventus ac monachorum Ursicampi, in premissis conditionem considerantes existere meliorem ad ipsorum in hac supplicationem et instanciam, predicta omnia volumus, laudamus, approbamus et acceptamus et etiam confirmamus. Et ut hec omnia et singula perpetuum robur obtineant firmitatis, ac inconcussa remaneant in futurum. Nos que abbas Ursicampi et conventus predicti sigillum nostrum etiam presentibus litteris duximus apponendum. Datum anno domini м°. cc°. septuagesimo nono, mense junio. V. DE EO QUOD ECCLESIA MORTUIMARIS SIT FILIA URSICAMPI. Frater L. (Lambertus) Cyst. dictus abbas et humilis abbatum conventus, tam presentibus quam Circa 1137. futuris fratribus et coabbatibus nostris ad quos littere iste pervenerint salutem in domino. Quum decet humilitatem nostram caritatem in omnibus sectari, et quod in nobis est inter fratres nostros omnem auferre dissensionis occasionem, presenti scripto notificamus et confirmatum esse volumus, quod abbatia de Mortuomari dudum abbacie Ursicampi libere reddita est, et ab ipsa tanquam filia nutrita et propagata, hoc autem iccirco dicimus ne, quod absit, abbatia de Pinu quoquo modo, hanc aliquando reclamare possit, quasi a se priscis temporibus edificatam. Nos equidem de ejusdem domus de Pinu ad ordinem nostram unione gaudemus. Sed quum olim antequam ad nos foret associata illa de Mortuomari Ursicampo sine contradictione reddita fuit, sic eam manere decrevimus et abbacie Ursicampi tanquam filiam communi auctoritate perpetuo confirmamus. VI. CYSTERCII ET Ursicampi de DUABUS MISSIS IN CAPELLA INFIRMITORII COTIDIE CELEBRANDIS. Frater G....... dictus abbas Cystercii omnibus ad quos littere iste pervenirint in domino salutem. Universitati vestre volumus certum esse quod vir nobilis dominus B....... de Roia. 1218. camerarius Francie, deo est plurimum devotus et ordini, cum specialiter domum Ursicampi cum universis rebus que ad ipsam pertinent, cura propensiori diligit et conservat, in qua pro domino Rege, pro se, pro domina P......, conjuge sua, et pro liberis suis, ad honorem divini cultus novam edificasse basilicam, terram ad usum conventus emisse pretio ducentarum et octoginta librarum, et quum plurima eis alia beneficia dinoscitur contulisse, fratres autem prestitis scilicet a dicto viro beneficiis non ingrati, ad petitionem ipsius statuerunt ut due misse diebus singulis in eadem basilica celebrentur, et ut institutio ista perpetue firmitatis robur obtineat, communi ordinavere decreto duas missas que jugiter in ordine celebrantur, unam videlicet in honore beatissime dei genitricis Marie, et aliam pro fidelibus defunctis, amodo in memorata basilica decantari. Nos vero huic constitutioni benivolum impertientes assensum, ut facti memoria posteris certius innotescat, presenti pagine eam comitti et sigilli nostri appensione fecimus roborari, in testimonium et patrocinium firmitatis. Hec eadem sicut presentis scripti serie sunt expressa, ego frater Johannes, dictus abbas Ursicampi, et conventus rata habuimus, volumus et approbamus, et litteris istis sigillum apposuimus nostrum, in testimonium et munimentum. Actum anno domini mo. cco. octavo decimo. Junio 1285. VII. CYSTERCII, REGALIMONTIS ET URSICAMPI COMPOSITIO CUM ABBATE REGALIS MONTIS DE TERRIS Universis presentes litteras inspecturis frater Th...... divina permissione ecclesie Cysterciencis abbas humilis, salutem in domino sempiternam. Noveritis quod discordia verteretur inter viros religiosos, abbatem et conventum ecclesie Ursicampi Cysterciensis ordinis ex parte una, et viros religiosos, abbatem et conventum de Regali monte ejusdem ordinis ex alia, supra quibusdam terris et aliis eisdem de Ursicampo à magistro Roberto quondam dicto Sarrazin, clerico, legatis seu collatis, sitis in distritu seu tenencia ipsorum de Regali monte, videlicet in territorio d'Estraliers et in villa de Biauvoir les Rohardois, scilicet supra tribus modiatis et tribus sextariis terre vel circiter sitis in hiis locis, videlicet una sextaria et xvi virgas in campo ante leprosariam contingente terre Roberti Pinchart, juxta dictum campum contiguum terre magistri Roberti Carpentarii, una sextaria et tres decim virgas au pierge des Bruiles ex una parte, et ex alia contigua terre Stephani de Atrio, una sextaria ad viam Datelli, contigua terre que dicitur le main ferme Jehan Foillet, una modia au Coquerel contigua terre Werrici de Kalais, quadraginta et quatuor virge contigue terris clericorum de sancto Quintino, quinque sextaria et triginta virge et de supra contigue terre Thome d'Avesnes, centum virge quatuor minus ad fossata contigue terre Marie Erkeline, centum virge de supra le buisson Roberti decani contigue terre Balduini de Goy, novies viginti virge deriere le bu Radulfi Blanchart in duobus locis contiguis terre Johannis majoris et Petri Meurin, septies viginti et quatuor virge Emmivelli contigue terris clericorum de sancto Quintino, dua sextaria et XV virge ad viam de Vaus contigue domine de Vaus, una sextaria et quatuordecim sextaria bladi ad mensuram sancti Quintini. Annui redditus ratione hostisie apud villam de Biauvoir les Rohardois. Que premissa ipsi de Regali monte volebant quod dicti de Ursicampo a manu sua amoverent. Tandem nos, prefatis partibus ordinationi nostre supra premissis expresse con sentientibus, pro bono pacis et ad extinguendum omnis rancoris materiam, inter dictas partes supra hiis ordinavimus et ordinamus quod ipsi de Ursicampo premissa omnia et singula in manu sua tanquam in manu mortua et amortisata de certo imperpetuum pacifice et quiete tenebunt, habebunt et possidebunt, mediantibus quinquaginta libris parisiensibus eisdem de Regali monte ab ipsis de Ursicampo reddendis. Et nos Robertus dictus abbas Ecclesie Regalis montis totiusque ejusdem loci conventus volumus, concedimus et consentimus quod dicti... abbas et conventus ecclesie Ursicampi premissa omnia et singula in manu sua tanquam in manu mortua et amortisata legitime de certo imperpetuum pacifice et quiete teneant, habeant et possideant, mediantibus dictis quadraginta quinquaginta libris nobis..... abbati et conventui Regalis montis ab ipsis de Ursicampo in pecunia bona, legali et bene numerata solutis, et in utilitatem nostram et ecclesie nostre totaliter et procul dubio conversis. Ordinationem dicti domini abbatis Cysterciensis predictam laudantes, approbantes et expresse consencientes in eadem ac promittentes bona fide quod contra premissa vel aliquod eorumdem non veniemus ullo modo in futurum, nec venire procurabimus aut faciemus. Immo ad ea tenenda et adimplenda nos et successores nostros expresse obligamus, et renunciamus in hoc facto exceptioni non numerate pecunie et in utilitatem nostram et ecclesie nostre non converse, exceptioni deceptionis doli mali, beneficio restitutionis, et integrum omni statuto tam ecclesiastico quam civili et omnibus aliis que nobis seu ecclesie nostre possent prodesse, et ipsis de Ursicampo aut ecclesie sue nocere vel obesse. In quorum omnium testimonium presentibus litteris inde confectis, nos abbas Cysterciencis predictus sigillum nostrum, et nos abbas et conventus Regalis montis sigillum ecclesie nostre duximus apponenda. Datum anno domini millesimo ducentesimo octogesimo quinto, mense junio. VIII. ALBERIPPE, DE CAMERA ET STABULO ALBerippe. Universis presentes litteras inspecturis, frater Poncius dictus abbas Alberippe et conventus ejusdem domus, salutem in domino. Notum fieri volumus quod venerabiles Patres...... de Irsicampo, de Longo ponte et de Vaucellis, et filii abbates Ursicampi habent cameram propriam in domo Alberippe, videlicet novam cameram, que sita est juxta infirmitorium monachorum. Abbas vero Ursicampi et filii habent similiter ab antiquo stabulum equorum proprium situm juxta portam Alberippe. Actum anno domini m°. cc°. quinquagesimo octavo, tempore capituli generalis. 1258. IX. CLAREVALLIS ET URSICAMPI, DE DECEM MODIIS BLADI CAPIENDIS APUD CAILLOEL PRO PITANCIA CONVENTUS. Universis presentes litteras inspecturis frater Johannes, dictus abbas monasterii beate Marie de Ursicampo, totiusque ejusdem loci conventus, Cysterciensis ordinis, Noviomensis diocesis, salutem in domino sempiternam. Notum facimus universis quod Stephanus, quondam pater duorum fratrum Josephi et Johannis de Malesis monachorum nostrorum, ducenta sexa 1310. ginta libras parisienses, nec omnino debilis nec totaliter fortis monete, duo etiam fratres Johannes et Petrus dicti de Fer, armigeri, octoginta octo libras fortis monete, necnon et Reginaldus dictus de Fraisnoy octoginta libras fortis monete in bona pecunia et bene numerata per manum bursarii nostri receptas nobis in elemosinam contulerunt, in augmentationem conventualis pitancie convertendas. Quibus pecunie summis per manum dicti bursarii receptis, cum non possemus invenire quo ad presens terram venalem ad acquirendum annualem ac perpetuum redditum in usus conventualis pitancie convertendum, voluimus et volumus ac etiam expresse unanimiter omnes et singuli in pleno capitulo consentimus viva voce quod supprior domus nostre, una cum magistro cellarii nostri Noviomensis, qui pro tempore fuerint, in futurum habeant et percipiant annis singulis in perpetuum decem modios bladi ad mensuram Noviomensem super domum nostram de Cailloel et supra terris et pertinenciis ad dictam domum pertinentes, et quod pecuniam inde redditam convertant in utilitatem et augmentum pitanciarum conventualium prout et quantum eis dictante conscientia videbitur oportunum. Promittentes bona fide quod contra premissa per nos vel per alterum non veniemus in futurum, sicut firmiter observabimus, nos et successores nostros ad hoc perpetualiter obligantes tali conditione quod si aliquo anno contingeret in futurum, nos contrarium facere, religiosi viri... abbas et conventus sancti Cornelii Compendiensis possint sine conditione aliqua dictos decem modios bladi pro illo anno repetere et recipere tanquam suos. Rogamus insuper reverendum patrem dominum Clarevallis, patrem abbatem domus nostre, ut hiis presentibus dignetur suum sigillum apponere in testimonium et confirmationem omnium premissorum. In cujus rei testimonium, sigillum nostrum quo uniquo utimur, hiis presentibus duximus apponendum. Datum anno domini millesimo trecentesimo decimo, sabbato ante dominicam qua cantatur letare Jerusalem. Et nos frater Johannes dictus abbas Clarevallis, a petitione dictorum abbatis et conventus Ursicampi filie nostre, sigillum nostrum una cum suo hiis presentibus apponendum duximus in testimonium et confirmationem omnium premissorum. Datum anno et die predictis. Decemb. 1241. X. FRIGIDIMONTIS, DE CENSIBUS APUD LEGNIACUM, BELLUM PUTEUM, RESSONS, DE CENTUM ET X Universis hec visuris: frater B..... dictus abbas et conventus Frigidimontis, salutem in Domino. Noveritis quod nos, pro utilitate ecclesie nostre pari voluntate et consensu, vendidimus abbati et conventui ecclesie Ursicampi matris nostre pro centum libris parisiensibus, arreragiis preteriti temporis computatis nobis integre persolutis, centum et decem solidos annui et perpetui redditus qui in festo sancti Remigii nobis perpetuo debebantur,videlicet quinquaginta solidos apud Legniacum siccum, Noviomensis dyocesis, capiendos in censibus dicte ville, de elemosina Renaldi militis, domini quondam de Melloto, quos modo nobis debebat Johannes de Tornella junior; item xl solidos, apud Bellum Puteum, Belvacensis dyocesis, capiendos in censibus dicte ville, de elemosina Manasseri militis, domini quondam scilicet de Melloco, quos modo nobis debebat dominus Renaldus de Triecoch. Item xx solidos apud Ressons le Maz, de elemosina domini Johannis de Campo Avene senioris, capiendos in transverso suo predicte ville, quos modo nobis debebat filius ejus dominus Johannes junior. Predictos autem redditus eis tradi |