That the commoun guid and patrimonie of [all Burrowis within this Realme] salbe yeirlie bestowit at the sicht of the magistratis and counsell of the saidis burrowis To the doing of the commoun effayres thairof allanerlie . . . . And that the samyn be na vtherwayis bestowit or convertit to quhatsumeuir vse or alteratioun maid thairanent in haill or in pairt [In part rep., 6 Ed. 7 c. 38 (S.L.R.).] PARLIAMENT AT EDINBURGH, 22ND APRIL 1594. CAP. 8. [1594, cap. 201.] FOR the better observing of the sabboth day TEM Oure souerane lord and estaitis of this present parliament Ratifies and apprevis the actis maid be his hienes of befoir anent the dischargeing of halding of mercattis on the sabboth day with this additioun That quhasoeuir prophanis the sabboth day be selling or presenting and offering to be sauld vpoun the said day ony guidis or geir or quhatsumeuir vther merchandise be thame selffis or ony vther in thair name and beis thre seuerall tymes lauchfulie convict thairof ather befoir the provest and baillies within burgh quhair the prophanatioun salhappin to be committit Or befoir certane commissioneris and iustices in euerie presbiterie to be appointit be the kingis maiestie with auise of his privie counsell Thair haill guidis and geir salbe escheatit to his hienes vse and thair personis pvnist at the will of his maiestie with auise of his secreit counsell CAP. 9. FOR releif of thame quhais landis ar or sall be designit for URE Souerane Lord and estaitis of this present parliament Vnderstanding thair ar sindrie fewaris and possessouris having kirklandis neir adiacent to the kirk quhair thair hes bene ua mansis nor gleibis of auld nor yit designit of new And Considdering [that it wer baith against reasone and gude conscience] that thair suld be ane gleib designit onlie of the saidis kirklandis that pertenis to ane feuar and possessour and nocht of the rest And speciallie quhair the haill landis within the parochin or ane greit pairt of the saidis landis ar alyk haldin of the kirk and payis the like dewtie THAIRFOIR to the effect that the ministeris may be the better ansurit of thair manses and gleibis in tyme cuming and enter thairto but ony truble or contentioun Conforme to the former act of parliament maid anent manses and gleibis of the ministeris Statutis and ordanis that quhair designatioun of manses and gleibis beis maid and tane of kirkland (the haill parochin or ane greit pairt thairof being kirkland And the minister nochtwithstanding designit to the kirkland maist ewest and adiacent to the kirk) That the fewaris possessouris and takismen out of quhais landis the manses or gleibis ar designit salhaue thair releif of the remanent parochinaris quha ar fewaris possessouris and takismen of kirklandis liand within the said parochin pro rata CAP. 22. [1594, cap. 212.] ANENT the declyning of the senatouris off the college of iustice quha ar father brother or sone to the pairties URE Souerane Lord with auise of his estaitis in this present parliament Statutis and Ordanis that na senatouris of the college of iustice ordiner or extraordiner sall sitt or vote in ony actioun or caus intendit or to be intendit befoir thame quhair the parties persewer or defender is ather thair father brother or sone Sua that the father sall on nawyse be Juge in the sones caus the sone in the fatheris caus nor the brother in the brotheris bot be declynit thairin CAP. 24. THAT nane salbe compellit to produce procuratories or instrumentis of resignatioun preceptis of clare constat or vther preceptis of sesing of landis or annuelrentis possessit be thame befoir the space of fourtie yeiris URE Souerane Lord and estaitis of this present parliament Vnderstanding that sindrie of his hienes leigis ar heretablie infeft in diuers landis and annuelrentis within this realme Lyk as thair predicessouris and authouris fra quhome thair richt thairof proceidis hes bene heretablie infeft in the same landis and annuelrentis And be verteu of thair seuerall infeftmentis and lyfrentis thairin reseruit Thay and thair predicessouris and authouris (ffra quhome thair richt thairof proceidis) hes bruikit the foirsaidis landis and annuelrentis be the space of fourtie yeris togidder nochtwithstanding quhairof the saidis infeftmentis maid and grantit to thame and thair predicessouris and authouris Ar sindrie tymes drawin in questioun for laik and want of procuratories of resignatioun instrumentis of resignatioun preceptis of clare constat Or vtheris preceptis of sasing quhilkis ar nocht extant to be producit and vsit In respect that the same ar tint and amittit pairtlie be Iniquitie of tyme pairtlie be perisching of prothogollis and scrollis of notaris pairtlie for nocht deliuering of the samyn be the personis sellaris and disponeris thairof pairtlie becaus the euidentis of Comprysit landis vsis to be abstractit and withaldin vpoun malice of pairties and pairtlie as euidentis nocht thocht necessar to haue bene kepit efter sa lang tyme Be ressone that the charteris makis mentioun of the procuratories and instrumentis of resignationis and instrumentis of sasing makis mentioun of the preceptis of sasing quhairvpoun the samyn proceidis FOR REMEID quhairof Oure said souerane Lord with auise of the saidis estaitis and haill body of this present parliament ffindis decernis and declaris that nane of his hienes leigis may be compellit efter the space of fourtie yeiris To produce procuratories or instrumentis of resignatioun preceptis of clare constat Or vtheris preceptis of sasing of landis or annuelrentis quhairof the present heretable possessouris and thair predicessouris and authouris and vtheris personis be verteu of lyfrentis reseruit in the saidis infeftmentis Ar and wes in possessioun be the space of fourtie yeiris togidder And that the wanting and inlak thairof nor nane of thame salbe na caus of reductioune of the infeftmentis grantit to the proprietaris or thair predicessouris or authouris of the landis or annuelrentis quhairof the charter or charteris (makand mentioun of the resignatioun or resignationis to haue bene maid) and the instrument of seasing (makand mentioun of the preceptis of sasingis be verteu quhairof the sasingis wer gevin) ar extant And willis statutis and Ordanis that this act salbe extendit to all procuratories and instrumentis of resignatioun preceptis of clare constat or vtheris preceptis of sasingis The wanting and inlaik quhairof and nane of thame salbe na caus of reductioun nor vther quarrell quhatsumeuir efter the space of fourtie yeiris quhair infeftmentis hes tane effect be possessioun be the said space of fourtie yeiris in maner abone rehersit And quhair the charteris and instrumentis of sasing ar extant as said is CAP. 26. ANENT the bying of landis and possessionis dependand in URE Souerane Lord and estaitis of this present parliament Statutis and ordanis that in tyme cuming It sall nocht be lesum to ony lordis of sessioun ordiner or extraordiner aduocattis Clerkis writtaris thair servandis Or ony vther member of the college of iustice or ony inferiour Jugementis within this realme thair depuittis clerkis or aduocattis directlie or indirectlie be thame selffis or ony vtheris in thair names to thair behuif or vtilitie To by ony landis teyndis rowmes or possessionis quhilkis ar dependand in contraversie or questioun betuix ony pairties Or hes bene dependand and nocht as yit decydit Quhilkis gif thai or ony of thame do and contravenis the premissis the saidis lordis of sessioun aduocattis clerkis writtaris thair servandis Or ony vther member of the college of iustice or ony inferiour iugementis within this realme thair depuittis clerkis and aduocattis sall amit and tyne thair office place and all priuilegies and Immvnities bruikit or that may be bruikit be thame be verteu thairof 0' OURE CAP. 27. [1594, cap. 217.] THAT cautioun be found in actionis of eiectioun URE Souerane Lord with auise of the estaitis of this present parliament Vnderstanding the greit disordour quhilk hes arysen and daly dois aryse among his hienes leigis quhar as personis wrangouslie intrusing thame selffis in the rowmes and possessionis of vtheris be bangstre and force being altogither vnresponsall thame selffis mantenis thair possessioun thairof And quhen thai ar challengit befoir the lordis of the sessioun or vther Jugeis ordiner be the pairtie grevit The personis intrusaris of thame selffis in sic possessioun delayis the mater be proponing of peremptour exceptionis quhilkis ar nocht of veritie and delayis vpoun the probatioun thairof And efter lang pley quhen as the pairtie grevit hes gottin decreit Ordaning him to be repossessit to his rowme and proffittis thairof his pairtie being vnresponsall altogider gettis na commoditie thairof for remeid of the quhilk It is statute and Ordanit that in all tyme cuming the pairtie persewit be ane vther for eiectioun sall find cautioun for the violent proffittis as in causes of removing the first dyet of the litiscontestatioun or vtherwyis decreit to be gevin ordinand the pairtie to be repossessit OUR CAP. 30. [1594, cap. 224.] FOR pvnisement of parricide URE Souerane Lord and estatis of this present parliament Vnderstanding the abhominable and odious crueltie that hes bene at sumtymes heirtofoir vsit within this realme be children aganis thair parentis in murthering of thame and takand of thair lyves maist vnnaturally Hes thairfoir statute and Ordanit that quhatsumeuir he be that hes slayne or sall heireftir slay his father or mother guidschir or guddame and hes bene alreddie or salbe heireftir convict be ane assyise The committaris of the said cryme and his posteritie in linea recta salbe disheresit in all tyme heireftir fra thair landis heretages takis possessionis And the samyn sall apertene to the nixt collaterall and narrest of blude quha vtherwayes micht succeid falyeing of the richt lyne CAP. 35. [1594, cap. 225.] ANENT the priuilegis of burrowis URE Souerane Lord with auise of his estaitis in this present parliament Ratifies apprevis and confirmis the act and statute maid in his hienes parliament haldin at edinburgh vpoun the fyft day of Junij the yeir of god JM VC fourscoir tuelf yeiris In fauouris of the frie burrowis of this realme and thair liberties and priuilegeis aganis vnfrie traffickeris and anent vsing of craftis in all the suburbis of the saidis burowis Speciallie bering that all maner of personis inhabitantis of the saidis burrowis exerceand ony maner of traffique in merchandise or having exchange within the same Sall beir thair pairt of all stentis and taxationis watching and warding in all dewties and suites pertening to our souerane lord the weill of the realme and vtilitie of the burgh as at lenth is contenit in the said act and all clauses and condicionis thairin contenit with this additioun that the samyn salbe extendit to all merchandis or craftismen als weill frie as vnfrie that hes na vther duelling place bot within burgh and hes thair commoditie within the same burgh and beris na burding of taxatioun without the same burgh CAP. 36. ANENT the vphalding of decayed landis within burgh URE Souerane Lord with auise of his estaitis in this present parliament Ratifies and apprevis the actis and statutis maid be his hienes maist noble progenitouris of worthie memorie concerning the vphalding of landis gevin in coniunct infeftment alsweill to burgh as land and for the better executioun thairof and reparatioun of the decayed policie within burgh Statutis and Ordanis That the provest and baillies of ilk burgh Sall at the instance of the heretouris of the landis within the same vpoun citatioun of pairtie tak summar cognitioun of the estait of the landis houses or tenementis within the burgh be ane condigne inquest of the nichtbouris thairof And gif the samyn be found auld decayed and rwinous in ruif sklattis durris windois fluringis loftis tymer wark and wallis or ony of thame And ane [land] biggit of auld and throw lang tyme decayed in sic sort that it be alreddie |