von der sunde slafhaite
mit gebe der verwizzenhaite.
si erstärbent gire des flaisces,

si erchukkent werch des gaistes,
si erringent den Jacôbis segen,
si garnent daz sie got gesehent.
gehelcent si des flaisces craft,
so werdent si så sigehaft.

Dar nach gern wir ane got
'hêrre, gib uns unser prôt
daz tagilîche hiute.'

vernement wol waz daz tiute.

er ist selbe der engele prôt,

sin ist ouch der sêle sô nôt,
der lib vertuelt ânez prôt,
same tuot diu sêle âne got.
daz wizet, daz er selbe ist,
deist der sêle wegewist,
unte diu suoze gotes lêre,
diu ist dritte labe der sêle.

In dri wis maine wir daz prôt.

sålige die des hie hungerôt:

si begrabent mit gote den alten man,
den niwen wâtent sie sich an.

daz prôt git uns sterche

zallen guoten werchen;

wider demo gotes worte

so ne craftent nieht die helleborte.

dise geb Îsâc habete,

dor sich zer martere garete.

er wolte selbe der ophervriscinch wesen: mit dem scàphe geruoht in got verwesen.

Wir tuon mit got ein gedinge

daz uns sô sêre twinget.

wir queden 'vergib uns unser sculde
daz wir chomen ze dîner hulde,
same wir allen den vergeben
die uns der sculde vergehent.'

der sinem scolen nieht vergibet,
wie unsâlichlîche er disses diget!
er laitet uber sich gotes zorn,
er hât die toufe gar verlorn.

demo gnôz ni wil er clainez nieht vergeben,
demo hêrren muoz er grôzez wider geben.

Sâlic ist der dir disen rât

von der gotes gnåda hât,

ze vergebenne daz man im vergebe:
daz ist tiu vunfte gotes gebe.

dàz sîn crûce treit der nâch gebote,
die martir lidet er mit gote,

er weinet iegeliches val,

er betet al wider dem âhtesal.

sô better guote Abraham

ùmben chunech der ime die chonen nam;

er chlagete der verworchten burge flor,
er geweget in gerne dà vore.

Diu bechorunge ist so manichslaht,

einiu guot, d'ander tarahaft.
diu guote irliutteret daz muot
samez golt der eiteoven tuot:
si clophet an den stâtegen man,
er clinget same der ganze haven.
diu vone dem tiufel aver vert,

dèr sich dere mit gote nieht irwert,
alsez pli verbrinnet:

vonem hamer er gar zespringet.

der hamer ist der verwâzen:

dème scolt unser hêrre uns niuht lâzen.

Die senften sâlicliche lebent

di des strîtes niene phlegent.

ir ougen diu sint einvalt;

zer tûben sint sie gezalt

diu in Christes touf erscain:

dem toufe gît sie noch daz hail,

si brâhte ein olezwî ouh ê

in d’arche dem guoten Nôè.

si scol laiten unsr vernunst

in die gaistlichen chunst,

swie uns der viant bechore,

deir uns nien verlaitte zemo flore.

An disses gebetes ente,

so wir denchen in diz ellente,
so wir ane sehen den val

vone demo rich in der zâri tal,
wir sprechen herre in himile,
irlôs uns von dem ubile.'

wir mainen al die wênichait
sorge nôt und aribait

ùntes viantes âhtisal,
dei uns brâhte Ádâmes val.
dar zuo sin wir geborn:

so freislich was ter gotes zorn.

Wie sâlich die gotes armen sint,
want ir dei himilriche sint!
die tuot der wâre wîstuom
vermanen der werlte richtuom.
dès wîstuomes unser vater wielt,
so lang er gotes gebot bihielt.
dó er strebete ubir sich,
đô ........ unsich.

vèrscelket hât uns der alte man,
gèvrien muoz uns der niwe man.
ni wâre got nicht geborn,

wir muosen alle wesen verlorn.

Dirre siben bete drî zêrist,

die sint aller hérist.

si gerent der durnahtichaite

zer drivalten gothaite.

dèr gedinge wir zem suontage,
wante wir si hie haben ne magen.

die viere die då nåch sint stênte
trôstent des libes ellente,
den uns der scephâre hât geben
von angengin vieren so wir lesen.

135