alofa mo tokaga ki le Aliki, peka tou fia ano ki le Eke„lesia, o feao mo atolasio ki lona Agai; ti ko lenei le kole e „aoga ki le kilisiteano, peka ano aia o fai lona atolasio i le Ekelesia."

Aliki Sesu, ko au-nei ko le nea noa mo le agasala, ti e leaise kau aoga ke kau au mo pati ki lou Agai mafimafi; kae kau aufuai, talie ko lau folafola, ku kau iloa e leaise ke tekei nea vale mo agasala, peka tagi latou ki lou Agai; kae ke finegalo alofafuai ki ai; se na ke au ki malama-nei, talie ko le agasala; ti e ke agai mau aifuai i le Eukalisitea, talie ko lou alofa lasi kia matou mativa, ke tou feofi ai mo lou Agai, ka ke tokoi mo taupaui matou i le malama veli-nei. Koia e kau fia au ai o feao mo fetapa ki lou Agai; se ku kau iloa ko le Aliki alofa a koe, ti ko le fakamailoga o lou alofa lasi kia matou ko lou nofo mau i le tapenakulo tapu; koia e kau au ai, o fakafetai mo atolasio mo kole ki lou Agai; ke ke epa mai kiate au; e kau su atu-nei ke ke fakamolemole mua oku agasala, ka ke fakakoloa loa loku loto, ti ke tokoi aia ke kau taofi makeke loku tonu ki lou Agai i aso katoa ai. Io, Aliki Sesu, ke ke tagaki mai kiate au mei lou tapenakulo tapu, ti ke finegalo mai ki laku tagi-nei; oono mai ki loku mativa, ti ke fakakoloa loku laumalie i lou kalasia; ti ke oono mai ki loku gaegae, ti ke tokoi au; ti ke oono mai ki loku vale, ti ke akonaki au, mo ke fakamalamai loku loto; ti ke oono ki fakasala kesekese, e faa fai mai e le fili ki loku loto, ti ke lolomi latou mo ke tekei latou iate au; io, Sesu alofa, ke ke tapuaki mai kiate au, ti ke afe makeke loku loto ki lou Agai, ke kau mulimuli aifuai i lou finegalo malie i aso katoa ai; ti ke tapuaki ki oku matua mo oku kaiga fuli ai, ke motou manuia ai mo tonu fuli ki lou Agai, kae motou katoa ai kiato koe i Selo. Amene.

Malia, loku tinana mo loku ulufaga, e kau kole atu ke ke alofa mai kiate au i loku fakamamae, e fai-nei, kia Sesu e agai fakafufu i le Eukalisitea; e motou feala ki le Atua, talie ko koe le fanakiaga o kaiga agasala; e kau vale mo mativa; ako mai kiate au le alofa kia Sesu, lou Alo tapu; e kau fia mulimuli aifuai kiate ia, o fakalogo maoki mo pipiki mau ai ki ana folafola tapu, ti mo faifaitaki foki ki lana agamalie i lalo-nei. Ulufaki au ke kau mauli agatonu; kole kia Sesu-Kilisito ke ina fakakoloa loku laumalie, mo tokoi loku loto gaegae ki ona kalasia, ke kau ma kataki i mamae kesekese, ti mo tali malie akonaki fuli ai, e fai e le Tui kia matou i malama-nei. Taupoou imakulata, ko koe ko le Aliki o le kau Aselo mo le kau Sagato, ke ke taupaui au e fakaugaki kiato koe; fakamamao iate au fakasala mo pikoi kesekese a le fili, na mavae au ia Sesu, loku Fakamauli. Tinana o le Atua tapuaki mai kiate au, ke kau nofo agamalu i aso fuli, mo fai aifuai le finegalo o le Tui, kae kau tatae atu kiato koe i Selo. Amene.

Ei kaiga, e tou iloa ko le ola lenei e tou tuu ake ai mei le moe; se kua ofi mai loa le mauli o tatou, ka na mamao i lotatou fuafua tui. Kua teitei oki le pouli, ka kua ofi mai le ao. Pei ke tou tiaki ai le gaoi o le faka

pouli, kae tou ai le teuteu o le malama. Ke atiga malie atatou taka, ofaipe se taka-ao; aua se tou kai fakavale, mo inu fakavale a nea kona; manava le feauàki, mo le aga fakalialia, mo le fekinauaki, mo le finenonofo, kae tou teuteufuai tatou ki le Aliki, ko Sesu-Kilisito.

Luc. c. XXI.

I le temi aia, na folafola a Sesu ki ana tisipulo: E tuu i se aso le u fakamailoga i le laa, mo le masina, mo fetuu; ti e lū ai i le manavase le kakai o le lalo-lagi, talie ko le ùùlu faikese o le tai mo le galu. Ti e tinoă le kakai i le ì ai, ti mo lolatou tuania i tāui ka soko mai ki le malama-nei katoa, se e galulu ai le makeke o le lagi. Ti fokifa e lotou mamata ki le Vosa o le tagata e ifo mai i le ào mo le toe makeke, ti mo le kololia lasi. Ka fuafua tùu mai le u fakamailoga ko ia, ti koutou tio ake mo aga ake okoutou mata, talie kua ofi mai iokoutou mauli. Ti na fai loa kia latou se pati fakatata: koutou tio ki le fiku mo laakau kesekese; ka somo ake olatou fua, ti e koutou iloa ai kua ofi mai le koga-fetuu mafana. Ti e fenaaki foki, peka e koutou mamata ki fakamailoga na pati atu, ke koutou iloa ai kua vave mai le puleaga o le Atua. E kau pati atu maoki: e soko a nea-nei fuli, ka leikiaise puli a tautupu-nei. E puli le lagi mo le kele, kae leaise puli aku folafola.

II. TOMINIKA O LE ATEVETU.

Rom. XV.

Ei kaiga, ko nea fuli e tuu i le tosi, na tosi ai ko lotatou akonakii, talie ke tou amanaki malie mo tou faa kataki i le tokoi mei le tosi. Ke tuku atu e le Atua o le kataki mo le tokoi, ke koutou iloa a nea-na, ke kou

tou felotomalie-aki ai ia Sesu-Kilisito, talie ke koutou loto tasi, mo vikiviki fakatasi ai ki le Atua, le Tamana Sesu-Kilisito lotatou Aliki. Koutou fekatakiaki mo fealofaki, ofaipe le alofa o Sesu-Kilisito kia koutou, talie ko le kololia o le Atua. Se e kau pati atu kia koutou: Na tausi le kakai silikosisio e Sesu-Kilisito, ko lana fakamaoki o le Atua, ko le fakamaoki foki o lana folafola fakapaupau na fai kia matua. Ka ko le kakai na pagani, ke lotou agaaga fakafetai ki le Atua i lona finegalo alofa kia latou, so ko le kupu-nei o le tosi: Koia e kau vikiviki ai kiate koe, Aliki, i fenua pagani, ti e kau sua-aki lou suafa. Ti ko le tasi kupu o le tosi: Kakai pagani, ke kouton fakafiafia mo lana kakai. Mo le tasi kupu: Fakafetai ki le Aliki, a koutou kakai pagani fuli ai; vikiviki kiate ia, a koutou fenua fuli. Ti mo le kupu a Isaia: E tupu i se aso se sako o Sese, ti e aga aia o pule ki le kakai pagani, ti e fanaki kiate ia le kakai pagani. Ke tuku atu e le Atua e fai ki ai le fanaki, ke koutou apele i le fiafia mo le fulufulumalie i le tausi, ke lasi ai ia koutou le amanaki malie mo le makeke o le LaumalieMaokioki.

Matth. c. XI.

I le temi ko ia, na logo a Soane, i lona nofo i le fale fakapouli, ki gaoi fakatalatupua a Kilisito, ti na ina kakau ana tisipulo e tokalua ke la fano o vesili atu ki ai: Po ko koe ka au, pe e motou tatali ki se tasi? Ti folafola atu ki ai e Sesu, o pati kia laua: kulu ano o fakasa kia Soane a nea, na kulu logo ai mo mamata ki ai. Kua ala a kivi, kua saele a vae kito, kua mauli a kilia, kua logo kaiga tulituli, kua tuù-ake a mate, ti kua fai le ako ki le kakai mativa. Ti e manuia leia e leaise sala talie ko au. Ti tali-tua laua, ti folafola a Sesu ki le kakai,