Obrazy na stronie
PDF
ePub

At tu, nauta, vagae ne parce malignus arenae
Ossibus et capiti inhumato

Particulam dare: sic quodcunque minabitur Eurus
Fluctibus Hesperiis Venusinae

Plectantur silvae te sospite, multaque merces

Unde potest tibi defluat aequo

Ab Jove Neptunoque sacri custode Tarenti.
Negligis immeritis nocituram

Postmodo te natis fraudem committere ?

Debita jura vicesque superbae

3G

Fors et

Te maneant ipsum: precibus non linquar inultis,
Teque piacula nulla resolvent.

Quamquam festinas non est mora longa; licebit
Injecto ter pulvere curras.

35

[blocks in formation]
[blocks in formation]

QUID dedicatum poscit Apollinem
Vates? quid orat de patera novum
Fundens liquorem? Non opimae
Sardiniae segetes feraces,
Non aestuosae grata Calabriae
Armenta, non aurum aut ebur Indicum,
Non rura quae Liris quieta

Mordet aqua taciturnus amnis,

Premant Calena falce quibus dedit
Fortuna vitem, dives et aureis
Mercator exsiccet culullis

Vina Syra reparata merce,

Dis carus ipsis, quippe ter et quater
Anno revisens aequor Atlanticum
Impune. Me pascunt olivac,

Me cichorea, levesque malvae.

Frui paratis et valido mihi,
Latoë, dones et precor integra

10

15

Cum mente, nec turpem senectam
Degere, nec cithara carentem.

CARMEN XXXII.

POSCIMUR. Si quid vacui sub umbra
Lusimus tecum quod et hunc in annum
Vivat et plures, age dic Latinum,
Barbite, carmen,

Lesbio primum modulate civi,
Qui ferox bello tamen inter arma,
Sive jactatam religarat udo
Litore navim,

Liberum et Musas Veneremque et illi
Semper haerentem puerum canebat
Et Lycum nigris oculis nigroque
Crine decorum.

O decus Phoebi et dapibus supremi
Grata testudo Jovis, o laborum
Dulce lenimen, mihi cunque salve
Rite vocanti.

CARMEN XXXIII.

ALBI, ne doleas plus nimio memor
Immitis Glycerae, neu miserabiles
Decantes elegos cur tibi junior
Laesa praeniteat fide.

Insignem tenui fronte Lycorida.
Cyri torret amor, Cyrus in asperam

[blocks in formation]

Declinat Pholoën; sed prius Apulis
Jungentur capreae lupis

Quan. turpi Pholoë peccet adultero.
Sic visum Veneri, cui placet impares
Formas atque animos sub juga aënea
Saevo mittere cum joco.

Ipsun me, melior cum peteret Venus,
Grata detinuit compede Myrtale
Libertina, fretis acrior Hadriae

Curvantis Calabros sinus.

CARMEN XXXIV.

10

15

PARCUS deorum cultor et infrequens
Insanientis dum sapientiae

Consultus erro, nunc retrorsum
Vela dare atque iterare cursus
Cogor relictos; namque Diespiter,
Igni corusco nubila dividens

Plerumque, per purum tonantes Egit equos volucremque currum Quo bruta tellus et vaga flumina, Quo Styx et invisi horrida Taenari Sedes Atlanteusque finis

Concutitur. Valet ima summis Mutare et insignem attenuat deus Obscura promens; hinc apicem rapax Fortuna cum stridore acuto

Sustulit, hic posuisse gaudet.

[merged small][ocr errors][ocr errors]

CARMEN XXXV.

O DIVA, gratum quae regis Antium,
Praesens vel imo tollere de gradu
Mortale corpus, vel superbos
Vertere funeribus triumphos,
Te pauper ambit sollicita prece
Ruris colonus, te dominam aequoris
Quicunque Bithyna lacessit
Carpathium pelagus carina.

Te Dacus asper, te profugi Scythae
Urbesque gentesque et Latium ferox
Regumque matres barbarorum et
Purpurei metuunt tyranni,

Injurioso ne pede proruas

Stantem columnam, neu populus frequens
Ad arma cessantes, ad arma

Te

Concitet imperiumque frangat.

semper anteit saeva Necessitas Clavos trabales et cuneos. manu Gestans aëna, nec severus

Uncus abest, liquidumque plumbum.
Te Spes et albo rara Fides colit
Velata panno nec comitem abnegat,
Utcunque mutata potentes

Veste domos inimica linquis.

At volgus infidum et meretrix retro
Perjura cedit, diffugiunt cadis
Cum faece siccatis amici

Ferre jugum pariter dolosi.

Serves iturum Caesarem in ultimos

Orbis Britannos et juvenum recens
Examen Eois timendum

Partibus Oceanoque rubro.

Eheu cicatricum et sceleris pudet

Fratrumque. Quid nos dura refugimus

[blocks in formation]
« PoprzedniaDalej »