Obrazy na stronie
PDF
ePub

GOTTESCHALCI,

ET

PRÆDESTINATIANÆ CONTROVERSIÆ

VOL. IV.

AB EO MOTÆ,

HISTORIA:

UNA CUM DUplice ejusdem CONFESSIONE, nunc pRIMUM IN LUCEM EDITA.

[merged small][merged small][ocr errors]

JACOBUS

ARMACHANUS,

GERARDO JOHANNI VOSSIO,

V. CL.

SALUTEM.

PERVENERUNT in manus meas, abhinc amplius annis tredecim, Johannis Latii de Pelagianis et Semi-pelagianis commentarii: quibus eorum originem et progressum usque ad tempora Johannis papæ, qui Severino successit, studiose diligenterque est persecutus. Delectatus scriptionis genere, ab anno in quo ille desiit ducto principio, proximorum temporum historiam adjeci: ex Lugdunensis Ecclesiæ scriptis et Flodoardo, majore ex parte, eam contexens; de meo vero (illius, quem suscepi continuandum, exemplo) nihil adferens nisi ordinem. Vix dum autem ista absolveram, cum historia tua Pelagiana prodiit, et cura et vigiliis elaborata: in cujus parte extrema, ea fere omnia occupata a te comperi, quæ ego tumultuaria opera in adversaria mea conjeceram. Itaque tum quidem pákos illud ayvapov abjeci penitus: verum ubi obtulissent sese mihi postea alia ad Gotteschalci causam pertinentia, quæ in nostri utriusque collectaneis desiderari videbam; ante exorsa retexere placuit, et ad priorem illum centonem etiam ista attexere inßλhuara. Quæ, cujusmodicunque sint, ad te allegare visum fuit: si cui forte usui, in nova

iv

historiæ tuæ editione adornanda, esse poterint. Ea tu, ut ab homine existimationis tuæ cupidissimo profecta, æquo ac libenti animo accipies. VALE.

DUBLINII,

V. Kalend. Julias: anno æræ nostre Christiana

MDCXXXI.

« PoprzedniaDalej »