tiae et veritatis, justitiae ac salutis. Cui filiali prorsus amore atque officio adstrictus usque ad mortem inservies ita, ut ejus eloquia, desideria, studia, prosperitates in visceribus semper geras. Coenobia enim antiquitus Summorum Pontificum castella censentur.

Ex quo fit, ut, quaecunque commendaverit S. Sedes Apostolica, veluti pia exercitia rosarii, viae crucis, alia ss. indulgentiis ditata, quam maxime cordi tibi sint; ut vota facias pro incremento ac triumpho s. Ecclesiae, Religionis progressu, haeresum schismatumque exstirpatione, pro conversione gentilium atque infidelium, emendatione peccatorum, justorum perseverantiâ ac defunctorum refrigerio; ut tota denique vita tua, in arctissimâ cum s. Matre Ecclesiâ conjunctione transacta, continuum sit opus Dei bonusque JESU CHRISTI odor. In eo enim verus constat Religionis spiritus, fons ille certus solidae pacis ac dulcissimae unctionis, aeternae salutis securitas et sola ratio, quâ In Omnibus Glorificatur Deus, ut “sine timore, de manu inimicorum nostrorum liberati, serviamus Illi, in sanctitate et justitia coram Ipso omnibus diebus nostris " (Luc. 1, 74 sq.).

66

Pietatis

exercitiis.

Religionis spiritu ple

nus.

U. I. O. G.

D.

Oratio communis.

Opus Dei.

Ejusdem dispositio.

Testimonia

I. er S. Regula, II. er decretis et documentis S. Ecclesiae, III. er Sanctorum et Doctorum scriptis deprompta.

S. Regula.

DHIBEAT Abbas, quod majus est, suam et omnium fratrum pro infirmo fratre orationem, ut Dominus, qui omnia potest, operetur salutem circa eum. (C. 28.)

Intrantes et exeuntes hebdomadarii in Oratorio, mox Matutinis finitis, Dominicâ omnium genibus provolvantur, postulantes pro se orari. (C. 35.)

Lector Dominicâ ingrediens post Missas et Communionem, petat ab omnibus pro se orari, ut avertat ab eo Deus spiritum elationis. (C. 38.)

Dirigendi fratres in viâ, omnium fratrum et Abbatis orationi se commendent. (C. 67.)

Antequam me invocetis, dicam: «Ecce adsum» (Is. 65, 24). Quid dulcius nobis hâc voce Domini invitantis nos, fratres carissimi? (Prolog.)

Nihil operi Dei praeponatur. (C. 43.)

Nuntianda hora operis Dei die noctuque sit cura Abbatis,... ut omnia horis competentibus compleantur. (C. 47)

Facto signo absque morâ surgentes festinent invicem se praevenire ad opus Dei, cum omni tamen gravitate et modestiâ. (C. 22.)

(Cap. 8, usque ad Cap. 18, ordinatio et dispositio officii divini peragendi).

Ut ait Propheta : « Septies in die laudem dixi Tibi » (Ps. 118, 164); qui septenarius sacratus numerus a nobis sic implebitur, si Matutini, Primac, Tertiae, Sextae, Nonae, Vesperi Completoriique tempore nostrae servitutis officia

persolvamus. Quia de his horis dixit Propheta : « Septies in die etc. »; nam de nocturnis vigiliis idem ipse Propheta ait : «Media nocte surgebam ad confitendum Tibi » (Ps. 118, 62). Ergo his temporibus referamus laudes Creatori nostro super judicia justitiae suae. (C. 16.)

Facto autem primo signo disjungant se ab opere suo singuli et sint parati, dum secundum signum pulsaverit. (C. 48.) Oratorium hoc sit, quod dicitur. (C. 52.)

Agant ibidem fratres opus Dei, cum tremore divino flectentes genua... et servitutis pensum non negligant reddere. (C. 50.)

Praemisso imprimis versu: "Deus in adjutorium meum intende, etc." (C. 9.)

... Qui cantat, dicat « Gloria », quam dum incipit cantor dicere, mox omnes de sedibus surgant ob honorem et reverentiam SS. Trinitatis. (C. 9.)

Legat Abbas lectionem de Evangelio, cum honore et tremore stantibus omnibus. (C. 11.)

Si cum hominibus potentibus volumus aliqua suggerere, non praesumimus nisi cum humilitate et reverentiâ; quanto magis Domino Deo universorum cum omni humilitate et puritatis devotione supplicandum est? (C. 20.)

Si quis fallitur, nisi cum satisfactione ibi coram omnibus humiliatus fuerit, majori vindictae subjaceat, quippe qui noluit humilitate corrigere, quod negligentiâ deliquit. (C. 45.)

Ubique credimus divinam esse praesentiam, et oculos Domini in omni loco speculari bonos et malos: maxime tamen hoc sine aliqua dubitatione credimus, cum ad opus divinum assistimus. Ideo semper memores simus, quod ait Propheta : « Servite Domino in timore » (Ps. 2, 11). Et iterum : « Psallite sapienter» (Ps. 46, 8). Et : « In conspectu Angelorum psallam tibi » (Ps 137, 1). Ergo consideremus, qualiter oporteat nos in conspectu Divinitatis et Angelorum esse, et sic stemus ad psallendum, ut mens nostra concordet voci nostrae. (C. 19.)

Statio.

Opus Dei

opus.

Psalmodia et cantus.

Chorus et

Altare.

Oratio.

Omni hebdomadâ Psalterium ex integro numero psallatur,... quia nimis iners devotionis suae servitium ostendunt monachi, qui minus... psallunt. (C. 18.)

Fratres non per ordinem legant aut cantent, sed qui aedificent audientes. (C. 38.)

Cantare aut legere non praesumat, nisi qui potest ipsum officium implere, ut aedificentur audientes. Quod cum humilitate et gravitate et tremore faciat, et cui jusserit Abbas. (C. 47.)

Secundum ordines (in Oratorio) fratres accedant ad Pacem, ad Communionem, ad psalmum imponendum, in choro standum. (C. 63.)

Expleto opere Dei omnes cum summo silentio exeant, et agatur reverentia Deo (in SS. Sacramento?). (C. 52.)

Vita S. P. Bened.: Vir Dei, correptus febribus, sextâ die portari se in Oratorium a discipulis fecit, ibique exitum suum Dominici Corporis et Sanguinis perceptione munivit, atque... spiritum inter verba orationis efflavit. (C. 37.)

Quidquid agendum inchoas bonum, a Deo perfici instantissima oratione deposcas... Quod minus habet in nobis natura possibile, rogemus Dominum, ut gratiae suae jubeat nobis adjutorium ministrare. (Prol. 37, 58, 70.)

Instrumenta artis spiritualis sunt: Orationi frequenter incumbere; Mala sua praeterita cum lacrymis vel gemitu quotidie in oratione Deo confiteri ; — In Christi amore pro inimicis orare. (C. 4.)

Non in multiloquio, sed in puritate cordis et compunctione lacrymarum nos exaudiri sciamus. Et ideo brevis debet esse et pura oratio, nisi forte ex affectu inspirationis divinae gratiae protendatur. (C. 20.)

Frater si vult sibi secretius orare, simpliciter intret (in Oratorium) et oret, non in clamosâ voce, sed in lacrymis et intentione cordis. (C. 52.)

Vita S. P. Bened.: Vir Dei consuevit orando plangere. (C. 17.)-Biduo, more suo, in oratione fuit occupatus. (C. 27.)

Venerabilis Pater Benedictus ad B. Joannis Oratorium perrexit ad orationem, (et, contemptis diaboli minis, nonnisi) eâ completâ rediit. (C. 30.)

Quum vir Dei, quiescentibus adhuc fratribus, instans vigiliis, nocturnae orationis tempora praevenisset, ad fenestram stans et Omnipotentem Deum deprecans, subito vidit lucem clarescere. (C. 35.)

Quod restat post Vigilias, a fratribus, qui psalterii vel lectionum aliquid indigent, meditationi inserviatur. (C. 8.)

Frater, qualiter contemnentes Deum in gehennam pro peccatis incidunt, et vitam aeternam, quae timentibus Deum praeparata est, animo suo semper revolvat. (C. 7, gr. 1.)

Instrumentum artis spiritualis 46 est: Vitam aeternam omni concupiscentiâ spirituali desiderare. (C. 4.)

Monachus reum se omni horâ de peccatis suis existimans, jam se tremendo Dei judicio praesentari aestimet. (C. 7, gr. 12.) Apertis oculis nostris ad deificum lumen, attonitis auribus audiamus, divina quotidie clamans quid nos admoneat vox (Prolog.)

Vita S. P. Bened.: Constitutâ horâ, expletâ psalmodiâ, se fratres in studium orationis inclinabant. (C. 4.)

Succinctis fide vel observantiâ bonorum actuum lumbis nostris et calceatis pedibus pergamus itinera Christi... Processu vero conversationis et fidei, dilatato corde, inenarrabili dilectionis dulcedine curritur via mandatorum Dei. (Prolog.)

Instrumentum artis spiritualis 49 est: In omni loco Deum se respicere pro certo scire. (C. 4.)

Aestimet se homo de coelis a Deo semper respici omni horâ et facta sua in omni loco ab aspectu Divinitatis videri et ab Angelis omni horâ Deo nuntiari... Ergo, si oculi Domini speculantur bonos et malos, et Dominus de coelo semper respicit super filios hominum, ut videat, si est intelligens aut requirens Deum, et ab Angelis nobis deputatis quotidie die noctuque Domino, Factori nostro et Creatori omnium Deo, opera nostra nuntiantur, cavendum est ergo omni horâ,

Meditatio.

Vita fidei.

Ambulatio
Deo

coram

et Angelis.