E kese le menise, kese le masina: E sala le vaevae o le fetuu i masina e 12, talie ko le fetuu katoa, ko aso e 365; ka ko asofuai e 354 i masina e 12. Ko aso e 11 e loloa ake le fetuu maoki i masina e 12. Ti ka fakatasi i fetuu e tolu le u aso e tekateka i le lau-fetuu fakafutuna, ti kua 33 le u aso e tekateka; ko le masina e tasi mo se toega. Ti ko le masina tekateka ko ia e kau maoki ai ki le fetuu kua sili; ka na fakakau mai aia, i le lau fakaoseania, ki le fetuu e kamata, ti ko lona salaaga ia.

LE VASAA-ASO TAPU,

KO LE EPETOMATE.

E vaevae le menise i epetomate e 4 mo se toega; ti ko aso e 7 i le epetomate e tasi. Ko olatou igoa-nei fakalotu mei mua.

Ko lona fitu-nei na poloaki e le Atua ke aso tapu ki, ai

Ka ma

e le kakai Iselaele; ti koi fai ki ai le kakai Sutea. siki e le kau Apositolo le aso tapu mei le sapato ki le uluakį

aso o le epetomate, talie ko le aso a ia na toe tuu-ake ai a Sesu-Kilisito mei le mate. Ti na lotou fakaigoa le aso ko ia ko le Tominika, ko lona uiga aia ko le aso o le Aliki.

Ko le aso ko le fualoa o le takamilo-maù e tasifuai o le kele-nei. E kamata lau le aso e le kakai tokaapi, mei le vaeluapo malie o au ki le tasi vaeluapo malie. Na gatofuai i le kakai Sutea na lau le aso mei le galoaga o le laà ki lona tasi galoaga.

Ti ko le aso ko ola e 24; ti e vaevae le ola i minuta e 60; ko le koga-temi ikiiki aia. Ti e vaevae le minuta i sekonite e 60.

KO LE TOMINIKA MO MATA I TOSI TOMINIKALE.

E tuu i le tosi-menise le atu numelo e fakamailoga le u aso o le menise; ti e tuu foki le atu mata i tosi e feagai mo le atu numelo. Ko mata i tosi e fitufuai, e tautau lau: Ko le A, mo le b, mo le c, mo le d, mo le e, mo le f, ti mo le g. Ti ko mata i tosi ala e fakamailoga le Tominika, koia e pati ai ko le tominikale. Ti ko le mata i tosi e feagai mo le numelo o le uluaki Tominika o le fetuu, ko ia fuai e fakamailoga Tominika fuli ai o le fetuu aia.

Ko le uluaki Aso-tapu o le fetuu 1881 e soko aia i le aso 2 o Sanualio, e feagai mo le mata i tosi ko le b. Ti ko le b, ko le mata i tosi e fakamailoga ai Tominika fuli o le fetuu 1881. Ti e lau mei ai le u aso o le epetomate, o feneeki: ko le b ko le Tominika i 1881; ti ko le c, ko le felia 2; ti ko le d, ko le felia 3; le e, le felia 4; le f, le felia 5; le g, le felia 6; le A, le sapato; le b, le Tominika.

Ko mata i tosi tominikale e lua, i le fetuu pisetili, talie ko le aso tekateka e fakakau ki ai, o soko mo le 28 o Fepualio.

Ko le fetuu 1884 e pisetili, ti ko ona mata i tosi tominikale

e lua, ko le f mo le e. Ti e tominikale le f mei Sanualio o au ki le 25 o Fepualio, kae tominikale le e mei le 25 Fepualio otatae ki le gatoaga o le fetuu ko ia.

LE FETUU PISETILI.

Ka na aso 365 malie le fetuu, ti e tatau aifuai aso o le fetuu, ti faigaofie ai; ka ko aso e 365, mo ola e 5, mo minuta e 49 e kau ki le fetuu katoa. Ti oki le fetuu, i lotatou lauasofuai, ti e toe ola e 5, mo minuta e 49 e tekateka; ti sili le tasi fetuu, ti e toe tekateka ola e 5, mo minuta e 49; ti e felaaki aifuai. Ti ka tanaki le temi tekateka ko ia i niiki fetuu e 4, ti e meimei katoa ai le aso e tasi: ko ola e 23, mo minuta e 16. Ko le aso tekateka aia, ia fetuu e 4, na sala ai i le u kaletalio i mua. Koia na poloaki ai e Sulio-Sesale ke fakakau le aso tekateka a ia ki lona 4 o le fetuu, o felaaki aifuai. Ti na pati le fetuu a ia, na kau ki ai le aso tekateka, ko le fetuu pisetili, ko lona uiga ko le aso e lau tualua. Ti ko le aso a ia e lau tua lua, ko le 25 o Fepualio. Koia e 29 ai aso o Fepualio i le fetuu pisetili.

Na sala foki le fakatotonu a Sulio-Sesale, talie e leaise katoa malie le aso e tasi, ia fetuu e 4, e toe a minuta e 11; koia na fai ai e Kelekolio XIII le fakatotonu na tou patipati ki ai. Ti toe poloaki e Kelekolio XIII ke tiaki aso pisetili e tolu, i sekulo e 4, talie ko fetuu e tolu na totoe ai i minuta e 11.

KO LE EPAKETA

MO LE LAU O LE ASO O LE MASINA.

Ko le epaketa ko lona fualoa o le masina e tuu mai i le uluaki aso o le fetuu. Ka tuu foou le masina i le uluaki aso o le fetuu, ti oki le lau o masina e 12, ti koi toe aso e 11 ki le uluaki aso o le tasi fetuu. Ti e tekateka fenaaki aifuai ala aso e 11 i fetuu fuli ai. Koia e leaise tuu totonu maù aifuai le masina foou i le uluaki aso o le fetuu, kae mauke ki lana tuu foou i le aso kese. Ti ko lona fualoa o le masina, i le uluaki aso o le fetuu, e pati ko lona epaketa. "V. G.: I le fetuu 1880, e soko le uluaki aso o le fetuu, kua 18 aso o le masina; ti e pati ai 18, ko le epaketa o le fetuu 1880.

Na fakatotonu e le Atua le u aso fakamanatu, ke tausi ki ai le kakai Iselaele, ko le Sapato, mo le Pasikate etc. Ti na tapu niiki aso, kae taga fuai niiki. Ti mailoga le aso fakamanatu takimua, ti na aso valu lona fai. Ka ko lona uluaki, mo lona valu na matuaki tapu. Ti na pati le aso valu o le fakamanatu, ko lona Oketava.

Ko le aso fakamanatu na mua i le kakai Iselaele, ko le Pasikate; na lotou fai a ia i lona 14 o le uluaki masina o lolatou fetuu fakalotu.

Ti talu mei le kau Apositolo, ti tausi e le kakai katoliko niiki aso fakaaliki, kua fakatotonu e le kau Apositolo, ti mo le kau Epikopo na lotou fakanofo. Kua faitalisa le Ekelesia i lona fakatonu o aso fakaaliki, o fakatapui niiki, kae fakataga niiki.

Ko faasiga-aso fakaaliki e lua: ko aso e tuu-mau; ti mo aso e fesikiaki.

Ko-nei aso fakaaliki e tuu-maù, ko le

E kamata le Atevetu i lona fa o Tominika e muamua i le Nativitate.

Ti e fakalogo le u aso fakaaliki fesikiaki ki le Pasikate. Kua fakatotonu e le Ekelesia, i le fono lasi o Nisea (i le fetuu 325), le aso e fai ai le Pasikate: ko le masina e soko lona katoa, i le sili o le aso 21 o Malesio, pe i lona aso 21 totonu; ko le masina a ia e fai ai le Pasikate. Ti ko lona aso totonu ko le Tominika e soko mo le katoa o le masina ko ia. Koia e feanoaki ai le Pasikate mei le 22 o Malesio ki le 25 o Apelili. Ka tou iloa le tuùlaga o le Pasikate, ti e iloa gaofie ai le tuùlaga o le u aso fakaaliki fesikiaki fuli ai.

Ko le aso o sinele e fai ai i le felia 4, leia e kamata foki aso aukai e 40, e pati ko le kuatalasesima. Tie lau mei ai a Tominika e 6, ti soko le Pasikate i lona fitu. Ti e lau mei le Pasikate aso e 40, ti soko ai le Asesione i le felia lima. Ti i le sili aso e 10 mei le Asesione, ti soko le Penikosite i le Tominika tonu. Ti soa ai le Tominika o le Tositolu-tapu. Ti ko le felia lima o le epetomate a ia e fai ai le aso malie o le Eukalisitea, le aso foki o le polosesio.

E i ai aso e tolu, i koga-fetuu e fa, e pati ko le temi-fa. Ko aso e tolu ala, ko aso aukai mo fakamamae, o ulufaki le fetuu, mo le fakanofo o le Faasiga-tapu, e fai tonu i le u epetomate-na: ko le felia 4, mo le felia 6, mo le sapato e soko mo le uluaki Tominika o le kuatalasesima, mo le Penikosite, mo le 14 o Sepetepeli, mo le 13 o Tesepeli.

E kamata lau le fetuu mei le Nativitate o S.-K.

Ka tou pati ko le fetuu 1582 na fakatotonu ai le kaletalio e Kelekolio XIII, e sakinake ko lotatou pati: Na lau mei le Nativitate o S.-K. a fetuu e 1582, ti fakatotonu ai le kaletalio e Kelekolio XIII. Ti ko le fetuu 1880, ko lona uiga foki, ko lona 1880 o le fetuu mei le Nativitate o S.-K.

KO NIIKI KUPU KI LE TEUGA O LE LAGI.

Coeli enarrant gloriam Dei et opera manuum ejus annuntiat firmamentum.