tou felotomalie-aki ai ia Sesu-Kilisito, talie ke koutou loto tasi, mo vikiviki fakatasi ai ki le Atua, le Tamana a Sesu-Kilisito lotatou Aliki. Koutou fekatakiaki mo fealofaki, ofaipe le alofa o Sesu-Kilisito kia koutou, talie ko le kololia o le Atua. Se e kau pati atu kia koutou: Na tausi le kakai silikosisio e Sesu-Kilisito, ko lana fakamaoki o le Atua, ko le fakamaoki foki o lana folafola fakapaupau na fai kia matua. Ka ko le kakai na pagani, ke lotou agaaga fakafetai ki le Atua i lona finegalo alofa kia latou, so ko le kupu-nei o le tosi: Koia e kau vikiviki ai kiate koe, Aliki, i fenua pagani, ti e kau sua-aki lou suafa. Ti ko le tasi kupu o le tosi: Kakai pagani, ke kouton fakafiafia mo lana kakai. Mo le tasi kupu: Fakafetai ki le Aliki, a koutou kakai pagani fuli ai; vikiviki kiate ia, a koutou fenua fuli. Ti mo le kupu a Isaia: E tupu i se aso se sako o Sese, ti e aga aia o pule ki le kakai pagani, ti e fanaki kiate ia le kakai pagani. Ke tuku atu e le Atua e fai ki ai le fanaki, ke koutou apele i le fiafia mo le fulufulumalie i le tausi, ke lasi ai ia koutou le amanaki malie mo le makeke o le LaumalieMaokioki.

Matth. c. XI.

I le temi ko ia, na logo a Soane, i lona nofo i le fale fakapouli, ki gaoi fakatalatupua a Kilisito, ti na ina kakau ana tisipulo e tokalua ke la fano o vesili atu ki ai: Po ko koe ka au, pe e motou tatali ki se tasi? Ti folafola atu ki ai e Sesu, o pati kia laua: kulu ano o fakasa kia Soane a nea, na kulu logo ai mo mamata ki ai. Kua ala a kivi, kua saele a vae kito, kua mauli a kilia, kua logo kaiga tulituli, kua tuù-ake a mate, ti kua fai le ako ki le kakai mativa. Ti e manuia leia e leaise sala talie ko au. Ti tali-tua laua, ti folafola a Sesu ki le kakai,

o kupu kia Soane: Kolea le nea na koutou ano o mamata i le toafa? Po ko se u e viligia i le matagi? Ka kolea le nea na koutou ano o mamata? Po ko se tagata e teuteu malie? Mailoga ala e teuteu malie, ti e nofo latou i nofoaga-aliki. Ka kolea na kotou ano o mamata? Po ko se Polofêta? Io, ti e kau fakailo atu kia koutou, e lasi ake aia i Polofeta; so ko ia-nei e kupu ki ai le tosi: Ko lenei e kau kakau laku Aselo ke muamua iate koe, o teuteu lou saeleaga.

III. TOMINIKA O LE ATEVETU.

Philip. c. IV,

Ei kaiga, koutou fakafiafia maù aifuai i le Aliki; e kau tuatuani atu ke koutou fakafiafia. Fakasa lakoutou agamalie, ke iloa aia e le kakai fuli ai: kua ofi mai le Aliki. Aua se koutou loto sosaa i se nea; kae kotou momoli aifuai ki le Atua lokoutou faikole, o fai ki ai le su, mo le fakamamae, mo le fakafetai foki. Ke taofi kia Sesu - Kilisito lokoutou loto mo lokoutou laumalie e le fulufulumalie fakaatua, ko le nea aia e leaise faa iloa lona malie.

Joan. c. I.

I le temi ko ia, na kakau mei Selusalemi e le kau Aliki-Sutea le u pelepitelo mo niiki Levita, ke ano kia Soane o vesili atu ki ai: Po koai koe? Ti na fakasa tonu mai e ia, na leaise sele-pati, kae na fakasa tonufuai: E leaise ko Kilisito au. Ti lotou vesili atu ki ai: Kolea foki? Po ko Elia a koe? Ti pati aia: Se leai. Po ko se Polofeta a koe? Ti tali mai e ia: Leai. Ti lotou pati atu motou fakailo kia

kiate ia: Ka koai koe, faaki mai ke latou kua kakaui matou? Kolea lou pati kiato koe? Ti faaki e ia: Ko au ko le leo e kalaga i le toafa, leia na

kupu mai ki ai le Polofeta ko Isaia: Fakatokatoka tonu le ala o le Aliki. Ti ko latou na ave le kavelogo, na kau ki le kakai faliseo. Ti na lotou toe vesili kiate ia, mo pati ki ai: Kolea foki e ke papitema ai, peka e leaise ko Kilisito a koe, po ko Elia, po ko se Polofeta? Ti faaki e Soane kia latou: E kau papitema i le vai;'ka e i ai se tasi ia koutou, e leaise koutou iloa; ti ko ia ai ka muli mai, ka kua muamua aia iate au, ti e leaise kau aoga au kau tala a nonoa 0 ona taka. Ko le patiga-nei na fai i Petania, i le kauvai o Soletane, i le ganea na papitema ai e Soane.

IV. TOMINIKA O LE ATEVETU.

I. Cor. c. IV.

Ei kaiga, ke oono mai e le kakai ko matou-nei ko faifekau o Sesu-Kilisito, ti mo le kau pule o misitelio o le Atua. Ti ko le nea e tafito taupau e le kau pule ke fai tonu olatou gãoi ke mailoga. Ka ko au-nei e leaise kau tokaga atu ki lokoutou fakamau kiate au, pe ki se tasi fakamau fakamalama; na mo au e leaise kau fakamau

au.

Se e leaise kau iloa se nea sala í loku loto, kae leaise kau tonu ai, ka ko le Alikifuai e fakamaui au. Koia ai aua se koutou fai fakavilivili se fakamau, kae tatali ki le saele mai a le Aliki; ko ia e ina fakamalama ai a nea fuli e lilo i le fakapouli, ti e ina fakasa le u fakakaukau o le loto; ti e tasi maua ai lona vikivikiia mei le Atua.

Luc. c. III.

I lona fetuu e kau-agafulu tupu lima o le sau a Tipelio-Sesale, i le nofo a Posio-Pilato i Sutea, i aso foki na pule ai a Helote i Kalilea, ka e pule lona taina ko Filipo i Itulea mo le fenua ko Talakonetite, ti pule a Lisania i

Apiline, i le temi na tausi-lotu ai le kau aliki-tausi ko Ana mo Kaifa, na tatae ake ki le lavaki le folafola o le Aliki kia Soane, le vosa o Sakalia. Ti na au aia ki potu kesekese o Soletane, o fakasa le papitema o le fakasemala, mo fakamolemole agasala, ofaipe le kupu e tuu i le tosi-akonaki o le polofeta ko Isaia: Ko le leo o leia e kalaga i le lavaki: teuteu le ala o le Aliki; fakatotonu ana saeleaga. Tanu ganea popoko fuli ai; solosoloi a mauga mo potu taualuga fuli ai. Ti fakatotonu ala piko, mo fakatokamalie ala patupatu; ti e mamata le kakai fuli ki le fakamauli a le Atua.

VISILIA O LE NATIVITATE.

Rom. c. I.

Ko au Paulo, ko le fakasausau o Sesu-Kilisito, na fakanofo au ko le Apositolo, ti na vaevae au ki le Evaselio o le Atua, aia na tomua folafola mai i ona polofeta, i le tosi tapu, ki lona Alo foki na tupu-tagata i le kutuga o Tavite; ti na mailoga mago aifuai, ko ia ko le Alo o le Atua, i lona mafimafi mo lona finegalo fakamaokioki, mo lona tuù-ake mei le mate, a Sesu-Kilisito foki lotatou Aliki, aia na ina tuku mai le kalasia mo le poloaki tapu, kau fakamaopoopo ai ki le lotu le kakai pagani fuli ai, i lona suafa, lenei kua koutou kau foki ki ai, o koutou pati ko fanau a Sesu-Kilisito lotatou Aliki.

Matth. c. I.

Na tosi a Malia, le tinana o Sesu, na la tosi mo Sosefo, ti na leikiaise lā feilogaki, kae mailoga ake kua tinaekīki aia i le Laumalie-Maokioki. Ka ko Sosefo, na la nonofo, ko le tagata agatonu a ia, ti na leaise pau iate ia ke ina fakamelemele aia, ka na fakakaukaufuai ke la mavae fakafufu. Ti i le lolotoga o lona fakakaukau ki

ai, ti sa mai kiate ia, i lona moe, le Aselo o le Aliki, o pati ai: Sosefo, vosa o Tavite, aua se ke manavase i taulua nonofo mo Malia lou avaga: so ko lona tinaekīki ko le gãoi aia o le Laumalie-Maokioki. E ina fanau se tama, ti e ke fakaigoa aia ko Sesu; so ko ia ai e ina fakamauli lona kakai mei alatou agasala.

NATIVITATE O SESU-KILISITO.

MISA O LE TUULUAPO.

Tit. c. II.

Aloa, kua sa mai ki tagata fuli ai le kalasia o le Atua lotatou Fakamauli, mo fakapoto tatou, ke tou tiaki le fakatevolo, mo le oli veli fakamalama, kae tou nofo fakatoopoto, mo agatonu, ti mo fakamaokioki foki i lalo-nei, o tatali ki le manuia e tou anianaki ki ai, ki le kaku mai foki o le kololia o le Atua mafimafi, ti mo Sesu-Kilisito, lotatou Fakamauli, aia na ina soli mai mo tatou, talie ke ina fakamauli ai tatou mei agasala fuli, ti ina fakamaà tatou, ti ina gaoi tatou ko lona kakai malie ti mo fai kauga malie. Fakamatala a nea ko ia, ti ke tokoi le fenua ki ai, ia Sesu-Kilisito lotatou Aliki.

Luc. c. II.

I le temi aia, na fai se fono e Sesale-Okusito ke tosi le kakai o le atulaulau katoa. Ko le uluaki tosi ko ia na fai e Silino, aia na pule ki Silia. Ti na tasi ano ki lona fenua ke tosi ai. Ti na siki ai mo Sosefo i Kalilea, i le kolo ko Nasaleti, o fanatu ki Sutea kile kolo o Tavite e igoa ko Peteleemi, talie na kau mai aia ki le nofoaga mo le faasiga o Tavite, ke la tosi ai mo Malia lona avaga na tinaekiki. Ti i le lolotoga o laua nofo i ai, ti soko ai lona aso fanau, ti na fanau ai le tama ko lona