K. Sesu, e motou atolasio mo fakafetai ki lou Agai. T. Io, talie na ke fakamauli ai le malama-nei ki lou koluse tapu. KE TOU OONO kia Sesu, i lona fetaulaki mo lona tinana; na feano-aki fuai aia i Selusalemi, ko le sakili o lona Tama, ti fokifa ku la felavei i le ala ki Kalevalio. Ku felavei fuai o la mata, kae kumaki fuai o lã loto, mo kataki fuai talie ke tou mauli. Malia, tinana fakaalofaiofa, kau kole atu mua, ke ke vae-lua mo au ou mamae mo lou alofa ki lou Alo, ko loku Fakamauli, ke kau loto mamae foki i lona gaoi velii, ti ke kau alofa ai ki lona Agai. Ko lomatou Tamana e i Selo. Alofa Malia. Kololia. K. Aliki, alofa mai kia matou. T. Io, alofa mai kia matou. K. Ti ke alofa foki ki kaiga e i pulekatolio, ti ke taki ai latou ki le fakafulufulumalie-aga. Ti fokifa kua au T. Amene. Tuku, tinana 'alofa, Malia, kau kole atu K. Sesu, e motou atolasio mo fakafetai ki lou Agai. T. Io, talie na ke fakamauli ai le malama-nei ki lou koluse tapu. KE TOU OONO kia Sesu, i lana tuku ake lona koluse mamafa, ke la amo tokalua mo se tagata. Na ina ma amo tokatasi fuai aia; ka ko lona fakailoilo fuai ki le fenua, ke au latou o amo le koluse mo ia i lalo-nei, kae tatae ai mo ia ki le mauli lee gato. Sesu, ko loku Aliki, e lasi loku agaveli ki lou Agai! E kau oono atufuai e ke uaua talie ko au, kae kau aganoafuai au, mo fakafulufulumalie fuai; ti ke tuku mai se loto manuia i le aso-nei, ke kau alofa ai i lau amo tokatasi le koluse mamafa, kae ta amo tokalua aia, kae kau tatae ai mo koe ki lou kololia lee gato. Ko lomatou Tamana e i Selo. Alofa Malia. Kololia. K. Aliki, alofa mai kia matou. T. Io, alofa mai kia matou. K. Ti ke alofa foki ki kaiga e i pulekatolio, ti ke taki ai latou ki le fakafulufulumalie-aga. T. Amene. KO LE SOLOSOLO E VELONIKA MATA O SESU. K. Sesu, e motou atolasio mo fakafetai ki lou Agai. T. Io, talie na ke fakamauli ai le malama-nei ki lou koluse tapu. KE TOU OONO kia Sesu, i lona mata aliki kua puli aia i le kakava, mo le toto, mo le efu i kele, ti e leaise mailoga; ka ku iloa fuai aia e Velonika, ti oso mai loa aia o tekei le kakai tukipo, kae tatae ai ki lona Aliki, ke ina soloi lona mata tapu, kae tali mamae mo ia. Sesu, ko loku Fakamauli, ke ke tuku mai se loto makeke, pe Velonika, ti ka fai mai se fakaveliveli ki lou Agai, ti e kau fakaofi atu ai kiate koe, ke ta tali mo koe le agaveli a le malama malaia. Ko lomatou Tamana e i Selo. Alofa Malia. Kololia. K. Aliki, alofa mai kia matou. T. Io, alofa mai kia matou. K. Ti ke alofa foki ki kaiga e i pulekatolio, ti ke taki ai latou ki le fakafulufulumalie-aga. T. Amene. KO LE TOE TOKA O SESU KI LE KELE. K. Sesu, e motou atolasio mo fak afetai ki lou Agai. T. Io, talie na ke fakamauli ai le malama-nei ki lou koluse tapu. KE TOU OONO kia Sesu, kua toe toka aia ki lalo, ti e naa i le kele lona mata tapu, ti ku atiga gaoi veli ki ai e le kau tukipo o fetafetau, mo ta, mo fetosoi aia, talie ke vave tuu-ake aia kae saele. Sesu, Aliki makeke, e ke fakagaegae a koe talie fuai ko au, ko aufuai e gaegae maoki, ti e kau siga gaofie; ke ke tio mai kiate au, mo ke tuku mai se loto makeke, ke kau ma taofi ai loku tonu ki lou Agai, kae gato ai laku faa siga i le agasala. Ko lomatou Tamana e i Selo. Alofa Malia. Kololia. K. Aliki, alofa mai kia matou. T. Io, alofa mai kia matou. K. Ti ke alofa foki ki kaiga e i pulekatolio, ti ke taki ai latou ki le fakafulufulumalie-aga. T. Amene. Se nea fakamamae Ku toe toka ki lalo Ko le fakalua ai. Ke ke tuku mai,Sesu, | Malia, kau kole atu Se loto fakasemala, So ko aku agasala Ke ketosii looku loto VIII. SETASIO. |