Si possem, veluti magnus Horatius, * Mutari niveum nunc ego in alitem, Et sic dulcisono suavia gutture Per nubes volitans promere carmina: Custodem populi Te Placidum pii In terrae canerem finibus ultimis, Et caeli eveherem sidera ad aurea. At tentare humilem grandia sors vetat!
* Od. Lib. 11. 20.
(Nec raro haec placidis caelicolis placent,) Parva haec accipias, Optime Principum. Olim me puerum, me iuvenem Tua (Testes Porta mihi, claraque Lipsia,) Nutrivit duo per lustra benignitas. Nunc nunc mente pia, quod licet, in sacris, Princeps Alme, Tibi, thura focis cremo.