Laudantes, pede candido
In morem Salium ter quatient humum. Me nec femina, nec puer
Jam, nec spes animi credula mutui, Nec certare juvat mero,
Nec vincire novis tempora floribus. Sed cur, heu! Ligurine, cur
Manat rara meas lacryma per genas? Cur facunda parum deco
ro inter verba cadit lingua silentio ? Nocturnis te ego somniis
Jam captum teneo; jam volucrem sequor Te per gramina Martii
Campi; te per aquas, dure, volubiles,
Pindarum quisquis studet æmulari, I- ule, ceratis ope Dædaleâ
Nititur pennis, vitreo daturus Nomina ponto.
Monte decurrens velut amnis, imbres Quem super notas aluêre ripas, Fervet, immensusque ruit profundo Pindarus ore,
Laureâ donandus Apollinari, Seu per audaces nova dithyrambos Verba devolvit, numerisque fertur Lege solutis ;
Seu Deos, regesve canit, Deorum Sanguinem, per quos cecidêre justâ Morte Centauri, cecidit tremenda Flamma Chimæræ;
Sive, quos Elea domum redueit
Palma cœlestes, pugilemve equumve
Dicit, et centum potiore signis Munere donat;
Flebili sponsæ juvenemve raptum Plorat; et vires animumque mores- que aureos educit in astra, nigro- que invidet Orco.
Multa Dircæum levat aura cycnum, Tendit, Antoni, quoties in altos Nubium tractus: ego, apis Matine More modoque
Grata carpentis thyma per laborem Plurimum, circa nemus uvidique Tiburis ripas operosa parvus Carmina fingo.
Concines majore poëta plectro Cæsarem, quandoque trahet feroces Per Sacrum clivum, meritâ decorus Fronde, Sicambros;
Quo nihil majus meliusve terris Fata donavêre bonique Divi,
Nec dabunt, quamvis redeant in aurum Tempora priscum.
Concines lætosque dies, et urbis Publicum ludum, super impetrato Fortis Augusti reditu, forumque Litibus orbum.
Tum meæ (si quid loquar audiendum) Vacis accedet bona pars; et, o Sol Pulcher! o laudande! canam, recepto Cæsare felix.
Tuque dum procedis, Io Triumphe! Non semel dicemus, Io Triumphe! Civitas omnis; dabimusque Divis Thura benignis.
Te decem tauri totidemque vaccæ, Me tener solvet vitulus, relictâ Matre, qui largis juvenescit herbis In mea vota,
Fronte curvatos imitatus ignes Tertium lunæ referentis ortum, Quâ notam duxit, niveus videri, Cætera fulvus.
ODE III.
Ad Melpomenen.
Quem tu, Melpomene, semel
Nascentem placido lumine videris, Illum non labor Isthmius
Clarabit pugilem, non equus impiger Curru ducet Achaïco
Victorem; neque res bellica Deliis Ornatum foliis ducem,
Quod regum tumidas contuderit minas, Ostendet Capitolio:
Sed quæ Tibur aquæ fertile præfluunt, Et spissæ nemorum comæ,
Fingent Æolio carmine nobilem,
Romæ, principis urbium,
Dignatur soboles inter amabiles
Vatum ponere me choros ;
Et jam dente minus mordeor invido. O, testudinis aureæ
Dulcem quæ strepitum, Pieri, temperas ?
O mutis quoque piscibus
Donatura cycni, si libeat, sonum!
Totum muneris hoc tui est,
Quod monstror digito prætereuntium
Romanæ fidicen lyræ:
Quod spiro et placeo, (si placeo,) tuum est.
Qualem ministrum fulminis alitem (Cui rex Deorum regnum in aves vagas Permisit, expertus fidelem
Jupiter in Ganymede flavo)
Olim juventas et patrius vigor Nido laborum propulit inscium, Vernique, jam nimbis remotis, Insolitos docuêre nisus
Venti paventem; mox in ovilia Demisit hostem vividus impetus; Nunc in reluctantes dracones
Egit amor dapis atque pugnæ: Qualemve lætis caprea pascuis Intenta, fulvæ matris ab ubere
Jam lacte depulsum leonem, Dente novo peritura, vidit:
Vidêre Rhæti bella sub Alpibus Drusum gerentem Vindelici; quibus Mos unde deductus per omne Tempus Amazoniâ securi Dextras obarmet, quærere distuli (Nec scire fas est omnia): sed, diu Lateque victrices, catervæ, Consiliis juvenis revictæ,
Sensêre, quid mens rite, quid indoles Nutrita faustis sub penetralibus Posset, quid Augusti paternus In pueros animus Nerones. Fortes creantur fortibus et bonis: Est in juvencis, est in equis, patrum Virtus; nec imbellem feroces Progenerant aquila columbam: Doctrina sed vim promovet insitam, Rectique cultus pectora roborant ; Utcumque defecêre mores,
Indecorant bene nata culpæ.
Quid debeas, o Roma, Neronibus, Testis Metaurum flumen et Asdrubal Devictus, et pulcher fugatis
Ille dies Latio tenebris,
Qui primus almâ risit adoreâ, Dirus per urbes Afer ut Italas,
Ceu flamma per tædas, vel Eurus Per Siculas equitavit undas.
Post hoc, secundis usque laboribus Romana pubes crevit; et, impio Vastata Pœnorum tumultu, Fana Deos habuêre rectos:
Dixitque tandem perfidus Hannibal: Cervi, luporum præda rapacium, Sectamur ultro, quos opimus
Fallere et effugere est triumphus. Gens, quæ, cremato fortis ab Ilio, Jactata Tuscis æquoribus sacra, Natosque maturosque patres, Pertulit Ausonias ad urbes, (Duris ut ilex tonsa bipennibus Nigræ feraci frondis in Algido) Per damna, per cædes, ab ipso Ducit opes animumque ferro. Non Hydra secto corpore firmior Vinci dolentem crevit in Herculem; Monstrumve submisêre Colchi Majus, Echioniæve Theba. Merses profundo, pulchrior evenit: Luctere, multâ proruet integrum Cum laude victorem, geretque Prolia conjugibus loquenda. Carthagini jam non ego nuntios Mittam superbos: occidit, occidit Spes omnis, et fortuna nostri
Nominis, Asdrubale interemte. Nil Claudia non perficient manus, Quas et benigno numine Jupiter Defendit, et curæ sagaces Expediunt per acuta belli.
Divis orte bonis, optime Romule Custos gentis, abes jam nimium diu: Maturum reditum pollicitus Patrum Sancto concilio, redi.
Lucem redde tuæ, dux bone, patria; Instar veris enim vultus ubi tuus Affulsit, populo gratior it dies, Et soles melius nitent.
« PoprzedniaDalej » |