Quinti Horatii Flacci opera,

Lb83105

HARVARD COLLEGE LIBRARY

! GIFT OF

JODUS R. WAKEHELD

Fuel 25, 1932

Quæ, in nostrâ editione, uncinis [hune in marem] inclusa leguntur, ea vel plane adulterina aut insiticia sunt-vel, propter scripturæ varietatem, pro incertis habenda-vel, licet reipsâ fortasse germana, criticorum tamen dissensione in dubium vocata.

Calendis Martiis,

A. C. 1822.

Q. HORATII FLACCI

ODARUM

LIBER PRIMUS.

ODE I.

Ad Mecenatem.

Mæcenas atavis edite regibus,

O et præsidium, et dulce decus meum!

Sunt, quos curriculo pulverem Olympicum

Collegisse juvat; metaqué fervidis

Evitata rotis, palmaque nobilis,

Terrarum dominos evehit ad Deos:

Hunc, si mobilium turba Quiritium

Certat tergeminis tollere honoribus:

Illum, si proprio condidit horreo

Quidquid de Libycis verritur areis:

Gaudentem patrios findere sarculo

Agros, Attalicis conditionibus

Nunquam dimoveas, ut trabe Cypriâ

Myrtoum pavidus nauta secet mare.

Luctantem Icariis fluctibus Africum

Mercator metuens, otium et oppidi

Laudat rura sui: mox reficit rates

Quassas, indocilis pauperiem pati.

Est, qui nec veteris poeula Massici,

Nec partem solido demere de die

Spernit, nunc viridi membra sub arbuto

Stratus, nunc ad aquæ lene caput sacre.

Multos castra juvant, et lituo tubæ

Permixtus sonitus, bellaque matribus

Detestata. Manet sub Jove frigido

Venator, tenere conjugis immemor;

Seu visa est catulis cerva fidelibus,

Seu rupit teretes Marsus aper plagas.

[Me] doctarum hederæ præmia frontium
Dis miscent Superis: me gelidum nemus,
Nympharumque leves cum Satyris chori
Secernunt populo; si neque tibias
Euterpe cohibet, nec Polyhymnia
Lesboum refugit tendere barbiton.
Quod si me lyricis vatibus inseris,
Sublimi feriam sidera vertice.

ODE II.

Ad Augustum Cæsarem.

Jam satis terris nivis atque dire

Grandinis misit Pater, et, rubente

Dexterâ sacras jaculatus arces,

Terruit urbem:

Terruit gentes, grave ne rediret

Sæculum Pyrrha, nova monstra questæ;

Omne cum Proteus pecus egit altos

Visere montes;

Piscium et summâ genus hæsit ulmo,

Nota quæ sedes fuerat columbis;.