vert et de blanc. Item ung fermaillet d'or à deux balaiz carrez et quatre grosses perles assiises en une fleur esmaillée de blanc et de vert. Item, ung autre fermaillet d'or garny d'ung gros ruby, ung dyamant pointu, et de deux grosses perles, et une fleur renversée esmaillée de blanc a grenetz de noir; ung bracelet d'or à charnières garny de sept gros rubitz, sept dyamantz en escuczons et trante grosses perles avecques, et de quatorze petites perles, et quatorze petiz rubitz, et deux chesnettes pendentes ou a deux perles. Item, ung autre bracelet d'or à charnieres garny de cinq dyamantz en escuczons, cinq gros rubyz et diz neuff grosses perles a pluseurs grenetz esmaillez de vert et de blanc o sa boucle et mordant. Item ung autre bracelet d'or de deux pieczes, garny d'ung gros dyamant pointu, deux autres moyens dont l'un est en tablectes, l'autre pointu et de troys rubitz, et est le dit bracelet couvert de musque et y a petiz rolletz esmaillez. Item une seye d'or en faczon de fermaillet, garnie de troys gros dyamantz, dont deux sont en escuczon et l'autre a feste, et ung gros ruby et quatre grosses perles pendentes, et en ladite seye, a sept petites tablectes de dyamantz. Item, ung gros ruby qui ce dit de la caille assiis en ung annel d'or plain. Item ung autre gros ruby en ung annel d'or plain que feu messire Gilles de Bretaigne donna à la duchesse Ysabeau. Ung aultre ruby et deux tablectes de dyamant assiises en ung annel d'or. Ung aultre ruby en ung annel d'or esmaillé de blanc o fleurs perses; ung gros dyamant pointu en ung annel d'or esmaillé de fleurs de rouge cler, et y a une espargne d'or esmaillée sur blanc. Item ung ruby et ung dyamant pointu assiis en ung annel d'or teurs esmaillé de blanc et de noir; ung dyamant en escu hault de pierre en ung anneau d'or esmaillé de blanc rouge cler et vert à flouretes. Ung dyamant pointu neuff assiis en ung annel d'or teurs esmaillé de pers et de rouge cler brun. Deux grans doubletz a deux petiz dyamanz pointuz en ung annel d'or teurs et y a de la vroye croez. Item, ung petit anneau d'or a ung ygregeoys où a deux petiz dyamantz esmaillez, le dit anneau de rouge cler a estoilles d'or. Une lunete de dyamant en ung gros anneau d'or, ouquel a treze petiz rubitz et cinq petites esmeraudes; deux dyamantz à pluseurs faces, en deux anneaux d'or, l'un esmaillé de noir, et l'autre à fleurs de rouge cler; ung bouton d'or

d'unes patenostres, ouquel a cinq perles, diz petiz boutonnetz d'or, et est atachée à ung fillet de noir, cinq grosses perles de compte et sept petites perles rondes a ung fillet blanc. Ung collier d'or garny de quatre gros dyamantz, quatre gros rubitz et ouict grosses perles, et cinquante cinq perles branlantes, et y pend ung cueur garny d'ung gros ruby, ung gros dyamant à feste, une grosse perle et troys petites perles branlantes a pluseurs perles pendentes. Une bague qui fut anciennement de la trésorerie qu'est ung escot tourné semé de pluseurs fleurs, en y a une fleur de dyamant, ung gros ruby, une grosse perle et autres perlles pendentes; une petite chesne plate à fleurs de pensées, à petites pommetes esmaillées de pensées, a petiz anneletz esmaillez, où pend une croez d'or garnie de cinq tables de dyamant et quatre grosses perles. Une moucle d'or, en laquelle a une grosse table de dyamant, ung gros ruby, une grosse perle et troys perles pendentes. Ung collier d'or à touffes d'arbes, garny de quatre balaiz, quatre saphirs, saeze perles, et y pend une bague a une damoyselle garny d'ung gros balay en table, troys dyamantz pointuz, troys grosses perles et troys touffes pendentes. Une petite salière d'or a une licorne ou fons; ung dyamant en table en ung annel d'or plain; une chesne d'or esmaillée de noir, quelle donna le duc Pierre à sa dite compaigne de Chasteaubriend aux estraines de l'an cinquante troys; deux aultres chesnes d'or que lui donna le dit duc Pierre aux estraines de l'an cinquante quatre, à l'une desquelles chesnes, pend une bague en croez d'or, garnie de cinq tables de dyamantz et de quatre perles de compte. Item, ung ruby en ung anneau d'or esmaillé de noir, un tableau de saint Jehan esmaillé de blanc, d'arbres esmaillez de vert, garny de diz-neuff perles; ung aultre petit tableau d'or a ung Dieu yssant du tombeau, et est de coque de perle, garny de vignt troys perles, quatre petiz baloiz et quatre petiz saphirs; ung bracelet d'or garny de seiz rubitz et seix perles à petiz grains branlans esmaillez de vert; une petite chesne d'or a troys rives, semée de petites fleurs grises et de rouge cler, et de petiz anneletz branlans esmaillez ; une aultre chesne a rose esmaillée de gris et de noir; une chesne d'or qui fait seix tours, a un agnus dei où a un cueur de dyamant et une grosse perle branlante; une autre chesne d'or en faczon de l'ordre d'Orléans à fleurs de

menues pensées branlantes et grains noirs; une aultre chesne à petiz neus d'amour d'or et esmaillez de noir, a pommetes de mesmes, a une croez garnie de fleurs de liz de dyamant et quatre grosses perles. Une pomme d'or et de musque à ouvrage de Venise, garnie de pluseurs petiz baloiz et perles; une chesne d'or percyée à jour, à chesnons esmaillez de blanc et de noir, quatre colliers d'une echarpe d'or à fleurectes esmaillées de blanc et clochetes d'or; ung collier d'or en faczon de petral, à fleurs, garny de pluseurs perles; deux pommes de musque garnies d'argent doré; ung paon esmaillé à pluseurs couleurs, garny d'ung gros ruby et deux grosses perles a pluseurs grenetz de rubitz et pluseurs petites perles branlantes; une cage d'or et d'argent esmaillée a pluseurs fleurs a deux oayseaux dedans; une bullecte d'argent doré garnie de Vericle a deux ymages; ung crucifiement d'or et d'argent a pluseurs personnages de la passion, esmaillé. Une petite salière d'or à pié a une fleur blanche esmaillée dessus. Item, une grosse bague garnie d'ung gros dyamant pointu, troys grosses perles en faczon de poyres et ung gros ballay carré appellée la bague deu; vignt seix verges et feilles d'or, les unes esmaillées à pluseurs coulleurs; quatre gros Jyamantz en anneaux; une grosse table à pluseurs faces, l'anneau esmaillé de rouge cler, à fleurs d'or espargnées. Ung aultre table o son anneau esmaillé a feilles de rouge cler et de bleu. Ung aultre dyamant a seix coustés esmaillé à fleurs, et l'aultre en table esmaillé de noir, à fleurs d'or espargnées; une amatiste en ung anneau d'or esmaillé de noir, à fleurs d'or espargnées; ung poussier d'or garny de troys gros escuczons de dyamantz, gravé aux armes du duc; ung anneau d'or en une fleur de lys de dyamantz et de rubitz; ung aultre dyamant pointu, en ung anneau d'or esmaillé de rouge cler et de noir, à lermes d'or; sept petiz dyamantz de pluseurs sortes en petites verges esmaillées et deux plaines, et en l'ung, deulx petites esmeraudes en oultre le dyamant; ung aultre dyamant en cueur, en ung anneau d'ermines et lermes esmaillé; ung gros ruby en ung anneau esmaillé de bleu; ung aultre ruby en ung anneau esmaillé de blanc et de noir; ung annean plain a ung will de chat esmaillé; ung aultre petit ruby esmaillé de blanc; ung autre anneau plain a une petite vermoille; une grosse table de dyamant en ung clou d'or; une grosse perle en une potance a

une fleur d'or, et est d'ung collier; une autre feille d'or d'ung collier a une perle; trente ouict perles en deux filletz; unes patenostres esmaillées de noir et de gris à grains d'or et ung bouton de perles; une bullecte d'or, garnye de seix perlles et ou dedans ung pelerin; une pomme d'or et de musque a une perle, et au bout, huict petiz dyamantz et sept petiz rubitz en chatons et cinq perles en potances; la coeffe d'abit réal, garnie de pluseurs perles et ballaiz, les templectes garnies de grosses perles à baterie d'or, et y a partie des dites perles choaistes. Item, une neff d'or a vericles que donna autrefoiz le roy de Secille. Autres bagues et joyaux, que semblablement la dite duchesse Franczoise a baillé et rendu au dit duc de present. Et autres espèces de vexelle d'or et d'argent cy après declerées, tant d'icelles qu'elle avoit en sa garde pour soy servir que autres. Quelles espèces lui ont esté baillées et delaissées par le dit duc de present, a valoir ou poiement de quinze mil saluz qu'il estoit tenuz et avoit promis poier à la dite duchesse, en fournissant à certaine composicion, transaction et appointement aujourduy fecte entre les dictes parties touchant les meubles et conquestz d'entre le dit duc Pierre et sa compaigne, sellond le contenu d'icelles y recours si mestier est. Et d'icelles espèces en demeure quicte, savoir: Vexelle d'argent : doze escuelles blanches aux armes du duc, pesantes vignt quatre marcs d'argent; deux esguières a fons de cuve aux dites armes, pesantes neuff marcs, seix onces; deux chandeliers blancs aux dites armes, pesans sept marcs seix onces; deux flacons blancs aux dites armes, pesantes vignt deux marcs, deux onces; ung bacin d'argent doré aux dites armes, pesantes cinq marcs, sept onces; seix plaz d'argent blanc, pesant vignt neuff marcs, cinq onces et demye; ung couvercle de esguiere pesant troys onces et demye; troys boutonnetz de potz pesant troys onces et demie. Quelles espèces montent cent marcs d'argent, et valent au pois de sept livres chascun marc la somme de sept cens livres. Deux potz dorez à esmaulx de chappeletz vers, pesantz vignt quatre marcs, troys onces et demye, valans à seix réaux le marc neuff vigns troys livres, cinq soulz, sept deniers. Deux aultres potz d'argent blanc plains, pesans vignt troys marcs, troys onces, à sept livres cinq soulz chascun marc, vallans ouict vigns neuff livres, neuff soulz, quatre deniers maille. Cinq tasses

blanches plaines, du numbre de seix, dont en fut perdue l'une à Lestrenic, pesante quatorze marcs, cinq onces, vallans à sept livres cinq soulz le marc cent seix livres, sept deniers maille. Seix tasses dorées à mouletes pesans doze marcs, deux onces et demye, à seix réaux le marc, valant quatre vigns doze livres seix soulz, diz deniers maille. Deux platz d'argent blanc, pesans neuff marcs, seix onces, à sept livres cinq soulz le marc, vallans saexante diz livres, treze soulz. Seix aultres plaz d'argent, non merchez, pesans vignt troys marcs, sept onces et demye, à sept livres cinq soulz le marc, vallans ouict vigns treze livres, onze soulz, sept deniers maille. Quatre escuelles blanches semblables, non merchées, pesans ouict marcs, seix gros, vallantes à sept livres cinq soulz chascun marc, saexante ouict livres, treze soulz, diz deniers. Doze escuelles dorées et armoyées aux armes du duc, pesantes trante ouict marcs, seix onces, à seix réaux le marc, vallent deux cens quatre vigns diz livres, doze soulz, seix deniers. Deux tasses dorées pesantes quatre marcs, à seix reaux le marc, vallans trente livres. Deux chandeliers d'argent blanc aux armes du duc Pierre, pesantes seix marcs sept onces, vallantes à sept livres cinq soulz le marc, quarante neuff livres, saeze soulz, diz deniers maille. Deux bacins d'argent plains, desquelx la dite duchesse estoit cothidiennement servie, pesans sept marcs, sept onces, à sept livres cinq soulz le marc, vallans cinquante seix livres, troys soulz, neuff deniers. Deux aultres bacins d'argent blanc, verez sur les bortz où a escript malo, au riche duc et à ma vie, pesans saeze marcs, à sept livres cinq soulz le marc, valent cent saeze livres. Quatre trenchouers d'argent doré, pesans ung marc sept onces et demye, valent à seix reaux le marc, quatorze livres, diz soulz, sept deniers maille. Une esguière blanche à fons de cuve aux armes de la dite duchesse, pesant quatre marcs sept onces, à sept livres cinq soulz le marc, valans trante cinq livres, seix soulz, diz deniers maille. Une neff d'argent doré par dehors à pommetes godronnées et une cuillere d'argent, pesant ensemble diz ouict marcs, une once, à seix réaux le marc, vallans seix vigns quinze livres, diz ouict soulz, neuff deniers. Item cinq tasses, une esguière et ung pot d'argent, un bacin de quoy noble et puissante la vicomtesse de Thouars estoit servie, pesant le tout vignt deux marcs, seix onces et demye,